¹ Wa Mfarizi ti along ansik amwa nge fa Yeruzalem eza yu wa oka ngeyi Yezu. ² Me yen wa mugne alongoki ende emwa eyiwa ngwa lebin, kisong dile, wa te zok ngwa pe oso lela, otin nge tib nsik ewa. ³ Itsen a Mfarizi ti a Yuda kakin pa lab wa ansik ansul awa: elewa pe la be odzug ngwa wa panga zok be. ⁴ Ozuk efiwa ilag, wa pe kuwu wale be ozug wa panga zok ntete be. Wa pa lab'wa ansik imwa ansul awa, nse otin le fuwu akob, anzung, along anzanza ti amber. ⁵ Amfarizi ti along a nsik eyul wa Yezu wa mugne: itsen lange along aya elewa pe lab ansik ansul be? pa lawa ngwa ebin ! ⁶ Yezu nde mugne: Ezayi etib nde dji-dji ntang nge tib itsen la no avar aluvun, otin nge son wa lonkan e Nzama wa mugne: avar na e nzirsa ke lodum, kansi lotum be. ⁷ Bisam mpa nsam wa me ile epu, itsen we pa long wa ansik a Nzama. ⁸ No pa miang no ansik a Nzama. No pa lab no ansik avar. ⁹ Nde ma kab nde mpi mbon: No yieno tetun no otib nsa-nsa ansik e Nzam, itsen lewum ansik ano. ¹⁰ Itsen Moyize etib nde otin ngena: zirsa taa ya ti maa ya. Me tib nde diak mbon: wur nga vueza taa ti maa nde, efetele wo djak nde. ¹¹ Kansi no tib na mugne, odzuk-wur etib nda taa nde to nda maa nde: luzir kanso na, eling me lopa ya ile korban, kisong dile: dikab nge wum me na itsen lepa Nzama. ¹² Ozuk wur atib otib ngeni, opo pano nde diak mbok le sansa taa nde to maa nde be. ¹³ Otin ngeni, ansik ni nge pa pey no la no, pa djag za eshuong nga pa tib Nzam. Pa kieno mpi eshuong emwa ivre otin ngeni. ¹⁴ Ntang na, Yezu mevinde diak avar makab ndamugn: zuk-no nokonso, nofetel leyia no, ¹⁵ abim paswe lewa wur, epokumisa nde epwa be, kansi ngepapwe lotum ende, ngepa kumisa ebin. ¹⁶ (Wur ele lati, ndazuk! ). ¹⁷ Ntang me shwie nde l'evra, mbal avarlometshing ataa. Alongoki mo yul wa kingan ngena. ¹⁸ Me tib wa: yia mpi ngi yia mpi ngang be? no op yieno be, amien nge yim lian, nge tshwie bu eyiwa ep dzg be? ¹⁹ Itsen ya ep tshie lotum be. Kansi le nsobo, l4oka e sekele nge tshuk otshiem l'olil. ²⁰ Nde me tib nde diaka: el'nge pa fe eti, ebuy. ²¹ Lotun avar , nge pa pur wa ngindu epwa, olub,kindumba, le dzak avar. ²² Wuma, mwaya, ompur, eyieong le dzunu abim, le tun le lab nsik, e le lang abim avar, eshu, lolen ompar. ²³ Abim ngena konso ipwa pa yim wa le bu, mpi pabung wa dzung. ²⁴ Yezu me lim nde ani me kiende boo et Tyr ti e Sidon nge me shwie nde le evra, etib wur apolab nde be; kansi mpila la nde le za nga ziye be. ²⁵ Itsen onkar emotuwa eyi nde van nde onkar wa Yezu itsen, van nde eyi nde molim epwa, nge avar we tib eshuong e Yezu, nde me kiende me kwa nde le nku e nde. ²⁶ Onkar e greke, itsen evra Syro-Fenici, nde wing nde le waa Yezu le k'mu ensung le waa van nde. ²⁷ Yezu me tib nde nda nde: osu avan wa wur,mpi le nsa be le vay olil avan;yo opi avan a mva. ²⁸ Mbwa nk'mu, mvur onkar: kansi avan a mva pa ya wa lengie mesa, itsen le lia mpey le ekwa. ²⁹ Yezu nde nda mugn, itsen lotib nge sa,kiana ensung e me pwe le waa van yia. ³⁰ Ompa me kal nde, ek'mu le evra, me van a le nga bri,mpi ensung wa me pwe. ³¹ Yezu me lim nde le boo e Tyr me kien nde Sidon,mpr'vay e nza e Galileya; ntang nge tar nde le boo e Derapole. ³² Moyiwa wur emotuwa ngena ati nga k'ri, mpi ap yia letib be, me ling wa Yezu otshug ngwa. ³³ Nde mo twa nde li ikr'a; ataa la mbal avar,me vay nde epgne me suk nde la ati, mpi mo f'le nde anwi le elum. ³⁴ Me sang nde viy dzuj; me bin nde enem,mpi me tib nde: Efata; etib, did. ³⁵ Ka ntang ngeni ati e nde me dib wa, elim e nde me sang wa; mpi me tib nde nsansa. ³⁶ Yezu me tib nda nde osa kab wur,kansi nde me pay nde nsang. ³⁷ Eyiwa ngituk enen, mpi we tib e kie a bim konso nsa; l'ati nk'ra wa me zuk, wa nk'l me tib.