¹ Yezu melong nde mbal inki le bukul evay a mer. Mbal avar enene me zawa wa nde, nde le ngab me kier nda ansele vay a mer. mbal avar eyiwa le boo le bukul e nzaa. ² Nde malong nde wa a bim mingi k'le bingan. le malong e nde me tib nde: ³ Zuk no, wur pakun livre amepwe itsen le kunu. ⁴ Otin nge kun nde; kab ebur me kwawa le mbok mf'le mezawa mpi melawa za. ⁵ Ikab emwan mekwa wa lezuk a tar,leti boo mpi ele olal be; mbur memen wa otin ngeyi bo mingi be. ⁶ Kansi ntang nga me za mbii bir, za me zum wa mpi nsok a nsimbul. ⁷ Ikab emwang mekwa wa le dzuk atiena. Atiena me sun wa;mpi me za wa,mpi me za wa nk'gni, eta wur be. ⁸ Ikab e mwa me kwa wa le boo ensa: me paza mbum esung me sun wa,me sak wa nteb. mbum makumitatu, makumi sambanu, nkama itsen leebur emotuwa. ⁹ Le mbiy me tib nde ngena la ati azuk, a zuk. ¹⁰ Ntang nga meza nde le kingeng, avar modzin wa nde ti alongoki e nde dzum ti ipe moyul wa ¹¹ disongidil e kingan. ¹² Le yen kansi ap'yene ata be,mpi le zuk we zuk kansi wa pi yia be, itsen wa pi tshim etum ewa be,mpi ndolula e masum be. ¹³ Me tib nda wa ika: no piyieno kingan ngena be? otinenga kayieno kingan ngena? ¹⁴ Wur ngapakun evre e kun otib. ¹⁵ A mwan walele bukul e mbok; oka me kun wa otib; ompa nga mezuk wa, ka ntang ngeni satan me za mpi me lim otib nga mekun wa le wawa. ¹⁶ A mwan,otin emotug; wa me va mbur le eka ngena atar; ntang nge zuk wa, we vay otib la kiese; ¹⁷ Kansi wa nsimbul be le ngie; we kwan bir, mpi ntang nga za opepe to mbangik itsen la otib kazawa mbok ewa le kua. ¹⁸ A mwan wa meva mbur le kati atiena; ele a nga me zuk otib. ¹⁹ Kansi le wa wa mpusa eding nngena, ondzin a mvwam,kubebisa atung; ele tang; edub mbog itsen la otib mpi mpila la za lewuri mbum be. ²⁰ A mwan wa meva mbur le boo e wuo, ele anga mezuk otib, wa me yan za, mpi wa me var mbum;makumi tatu, makumu sambanu, nkama le e bur emotuwa. ²¹ Me tib nda wa diaka, yino mwinda, lasuk no za ngadziy to le ngie mber? mpi looka eyiee be? ²² Nsa eme emotuwa ngazirbe ngakwan wa le yena nsa e me oziya nga kwanwa lezaban esu emotuwa. ²³ Zug wur alel ati le zung a zung. ²⁴ Nde me tib nde diaka: kebno la abim nge zuk no. Kasiy wa no la eme nga pasiy wa disongila no kakieno itsen la no mpi kakuy wa no. ²⁵ Kapawa le wa wur ngena la za; kansi wur ngena za be, kolim wa ata itsin ngena nde la za. ²⁶ Metib nde diaka: le kimfum e Nzama tang ngena wur ame kun mbur le boo. ²⁷ Nda abra to to akengel, otshu to mbii,nken kamen wa mpi kasun wa,opoyia be otin e nga. ²⁸ Boo nda mimien pa wur nde, osu adzi,le mbiy mbur le e'kla. ²⁹ Ntang ngatil mbum; wa tshuk ipaga, ntang lelim mbum e mukuk. ³⁰ Mpi me tib nde ika: su kefanikisa kimfum e Nzam to la nge kingan ngena? ³¹ Ale otin emotuwa nda mbur e Seneve ngena zuk omokun le boo, abuyi itsen, a meling wa mbur konso la otshie, ³² Kansi, ntang nga mekun wa, ze e sun, ekum ataa ameling ndunda kokin;mpi nsug ntab e nene; m'fetelewa za zing le eti m'vri wa. ³³ Ebuyi la bingan ivri otin ngena, nge yinde e kab avar otib, la kiteso ayel le zuk. ³⁴ Nde a ti long be, akwan le zuk kingan,kansi lira nde eyinde etendula wa longonki. ³⁵ Etshu za , ikonkuma, Yezu me tib nda wa: ke sab no sim emwani. ³⁶ Wa esuy wa avar konso ngeyi ani. Atum ande motwawa nde le ngab nge yin nde. Nde eyi nde mpi ti wa ngab emwa inki. ³⁷ Mopepe ebir mavay wa le nza, vay meswe wa le ngaba, ngaba eling le k'le yui. ³⁸ Mpi nde eyinde ebre ila mpi e ngora. Mo dziy w nde,mpi mokab wa, long, sa zuk nki,nge su ku wee? ³⁹ Le sona, me ngang nde mupepe, me tib nde nda vay: ya dzu! kang odum eyia! mpi mupepe meting wa dzu. ⁴⁰ Le mbiy nda wa ndamwing itsen langie e za no la wam? nse ka avar ngena lukwikil be? ⁴¹ Me zawa la wom enene,mpi wo tib wa la wa: ngena wur otin e nga ngena; mupepe eti vay we lemfuk la nde.