¹ Yezu meswende diaka le evra e Nzam. Le evra e Nzam eyuwa ti wur nge yi ewur la nkang. ² Var eyiwa we kang Yezu,kan nde akabelula wur esu oming: itsen wo ofun nde. ³ Yezu metib nda wur nga ewua la nkang; Mare, nuna li iyua. ⁴ Le mbiy nde me tib nde nda wa: ele ti nswa ngena esu oming waki wur nsa to wa kie wur ipwa; wa belula wu to wo dzag nde? kansi wa mezawa dzu. ⁵ Nga kiang nde wa le mbugni; me yende okiang nga kiang wa nde ti mabokuta; ti otum ofele lukwikil,me tib nde nda wur: sim ewa eyia ewa mesim wa, me guluka za. ⁶ Wa mfarizi me pwewa, mbal emwotuw we tib wala lawa ti avar Erobi, itsen le ling mpi la lozang nde. ⁷ Yezu me kian nde mp're nza e mer nda alongoki e nde. Olala avar nge fe Galileyia, la nge fe Yude molab wa. ⁸ Nge fe Yeruzalema, nge fe idume, ti nge fe sim e za e Yeruzalema, avar olala me zuk wa a bim kokin nge kie nde; me zawa wande. ⁹ Metib nda a longoki e nde le ling ivan ingaba itsen mbal avar wa sang le nuna leswe. ¹⁰ Itsen nde e yinde ebelula avar olala, avar ngeyi la nkang mekwawa le dzung e nde itsen lokir nde. ¹¹ Milim epwa, ompa nga moyen wa nde,me fukam wa lo osu e nde,mpi me tib wa obal: yo le van e Nzam. ¹² Kansi nde me tib nda wa sang lekab oshuong ngena. ¹³ Le mbiy nde mevan nde le ngum'a; me vinde avar nge long nde mpi mezawa wande. ¹⁴ Nde me son nde avar dzum lipe; itsen nda ava wa, mpi a tshign wa le long malong. ¹⁵ Ti ongagn lekum esung. ¹⁶ Kiang avar dzum lipe nga me son nde: simo, nga me pa nde dzin e Pier. ¹⁷ Yakob van Ezebede ti Jang atung e e pan e Yakob; nga me pa nde dzine Boanerges disondil ozu ebir e Nzara. ¹⁸ Andre, filipe, Bartelmi, matiasi, Thoma, Jake van Alfe; tade, Simo wir e kana. ¹⁹ Ti yudas Iscariot, nge sar Yezu, me kien nde nda wa evra. ²⁰ Mpi mbal avar mezawa diaka olala,mpil lawa lela be. ²¹ Ta ti ma Yezu nga mezuk wa eshuong ngi lung mezawa itsen lokir nde; wa wa mugn nde e za ntam nda su. ²² Avar pa son ekan ngeyi le Yeruzalema wa mugne nda abuyi ti molim e Belzebul;abuyi nk'mu ewa esung ndug nge nk'mu nde ensung. ²³ Yezu ma vinde wa, ma pinde kingan: otin onga satan akum satan? ²⁴ Zuk okmu e mekabwana akab akab; ok'mu ngeni ekaza diaka? ²⁵ Zu evra e me bar otey, evra ngeni ka kakwawa. ²⁶ Zuk satan e tombok nda Satan, nde tshuk nkabwan, ani apoza diaka la bir be. ²⁷ Ata wur emwotuw be efan aswe le evra e wur nga bir, ayong abim a bim e nde, ndo okiang la viy,apolbam edze bir be; mbwini nde ka yiong nde le evra e nde. ²⁸ Me ta kab no nsunsok; masum konso avan avar kalolul wa ti ipwa nge ki wa. ²⁹ Kansi konso wur nga bangik molim e Nzam, a pova be ndolul: a me tin le disum e mvia la mvia. ³⁰ Yezu etib nde otin ngeni itsen wa etib wa, wa mugne nde ale ti molim epwa. ³¹ Me nde ti akwam a nde e pam me za wa, me tshing wa wur la vi nde. ³² Mbal avar eyira nga kanse, nde liyura, wa wande wa-mugne: kang na yia ti atung ayir ampam le lian, wo vi yia. ³³ Nde makal nde wa mvur: ma me ni mpi atung ame e mpam wani? ³⁴ Me wung nde viy le mbal ngeyi nga kanse:kangno me tib nde ma me ti atung ame e mpam. ³⁵ Kansi wur konso ngakakie luzol e Nzam, wur ngeni a le otung e me e mpa, onkar mpi ma me.