¹ me kum wa le sim evey e Galileyia, le boo avar e Gereza. ² Ntang nge pwe Yezu le ngab, wur emwa eyinde lampeve epwa nge fa lepwe le maziam, me ze tay nda Yezu. ³ Eyinde ezing leti emaziam. nsa wur ngeyi ekuk lobam nde esim be, atat lenkul. ⁴ Ntsuna, eyiwa obam nde esim lenwa ti lenku, kansi nde eyina ebiaka ke za. nsa wur ngeyi ekuk lolub nde be. ⁵ Mbi oshu, ntang kokin, nde yinde eka letar lewa maziam mpi letar le dzuk inguna. E yinde elalal ekwang ti lebiak mpura ledzunga. ⁶ Ntang nge tang nde yezu, meka fukam nde lenku ende ⁷ Me bum nde labir:" me maya nge, yezu, van Nzama mpun? pardo, ledzene e Nzama obia mpa me mpasi". ⁸ Otib nde otin wa itsen Yezu etib nda nde nda mugne:"mpeve epwa lewa wur ngena! ⁹ Ke Yezu moyel nda mugne: ddzen eya ni? nda mugne:"mbwa ebo, itsen so kile olal. ¹⁰ Nde eyinde elab lewuona Yezu nda mugne: obia kum ampeve ipwa leka lewa inki". ¹¹ Ebo angwel eyiwa pipi la zuk enguma we ela. ¹² Ampeve ipwa me wuono Yezu wa mugne:"tum avar so ke swe le dzung angwil eni. ¹³ Yezu ma pande mbok,mpi wa mpeve ipwa keni,me ke swe wa lewa angwil. Anguil za me lurwa le dzuk enguma, meka lok levey, mpi wa-wa-wa.wa eyiwa esiyi e mil ipe. ¹⁴ Avar ngeyi ewung angwil me lurwa, mpi me ke paye wa nsang la avar enen, mpi avar Enzama le kiang nge kawa. ¹⁵ Me kawa lewa Yezu, mpi me yen wa diabul, ekwa ngeyi le nsung ledzung olal, nga ta nse. ¹⁶ Avar nge yena eshuong nge langa,ma kabwa nge yen wa lewa ngwil ti ampeve epwa me kawa le kab avar inki. ¹⁷ Me wuono wa Yezu lelim oka nge yiwa. ¹⁸ Ntang nge van nde le ngab, wur ngegni lensung mowugne nde mbok letshik ti nde. ¹⁹ Yezu me tun nde, kansi makab mbona: ka evle eya, em'pre ngele atung eya, mpi kakab wa eshuong kokin,nga mokiel nk'mu, eti mpil nge dzuk nde ya ngi. ²⁰ Nde me kande,mpi me ke pay nde nsang eviyi awaa dzum la kokin nge moxiel Yezu. A me kalwa kokin, edum epu. ²¹ Ntang Yezu nge sab nde nza enen, avar nge fa mp're la mp're, me zo kugwa nde. Nde yinde pipi la vey. ²² Nk'mu e mwatuw leti ewa nk'umu evle e Nzama, ntang ngo tang nde,me kwa nde lenku ende, ²³ Nde mowuono bir:" van me onkaroling awa, pado, zonsuk lande ngwa itsen nda kin nsa. ²⁴ Yezu me kande nda Yayirusu mbek emwatuk. Avar eyiwa enkang, ayinde leti wa. ²⁵ Onkar emwa osuk enkang, eyinde leti wa,mvia djum lipe, aye pur kakiele. ²⁶ Me liegne nde leke yena amingang, e may nde mpar nie, ke nda pe kum nsa be. osaya eshim wa. ²⁷ Me zuk nde avar e dum Yezu. Nduk za la kar-kar avar, me za leng nde limbeyi e Yezu, me kir ilam inde, ²⁸ Itsen ekan nde mbono, kozuk ke kir ilam inde, nkang eme isia. ²⁹ Ka ntang keni, akiel ipe pwe diak be, me zuk nde dzung kaya. ³⁰ Yezu me yuk nde, kaka ntang geni, ibir eme sia; empi mekal nde le kimvuk nda mugne:wur me nkir lalam ni? ³¹ A nsadi ende wa mugne: ya yen olal avar ngo lab engena, ke ya ejil ya mugne, wur me nkir ne? ³² Me kiang nzing-nzing ende,lekiang ankar nge kie emeni. ³³ Onkar keni, womo ti ekuma mokir wa, otin nge yia nde, nge me fa de lekie, me ke fukam nde lenku e Yezu, mpi moyir masong. ³⁴ Kansi Yezu nda mugne:"wan me onkar kundim eya obikisa ya; ka la ngem, mpi nkang eya ame sia". ³⁵ Ke nge tib Yezu, nda mpa ta mayi be, avar amwa efiwa evle e Yayirus,me ke kab wa Yayirus wa mugne:"van ya ame wa. mfum nge le yangsa diaka long?" ³⁶ Yezu me zuk nde eshuong nge tib wa.Kansi nda le lab za be; me tib nda Yayirus:" obia zuk wona,tshuk otum lewa me". ³⁷ Nde nda mugne:" nsa wur nga za oka nge leme be, ke Pier nda Yakob ti okwom nde Jang". ³⁸ Ntang me pwe wa levle: Yayirus, Yezu me zuk nde avar elie,ti olulu. ³⁹ Me swe nde levle, na yul nde wa:"itsen lange nge kieno ezuk?Elieno nge? van ampang wa be, kansi nde ame bir ela". ⁴⁰ Mozewa nde twa, le ntang me pur nde avar kokin, me tshig nda taa ti ma van, ti avar nge ze ndawa,mpi me swe nde oka ngeyi van. ⁴¹ Mokir nde le wua,mokab nda mugne: Talita k'oumi, nge lak: kikar,me nto kab, zumu. ⁴² Kaka ntang, van onkar ngeni me zum nde, mpi me tar nde;itsen nde eyinde la mvia djum lipe. wa me yituk ivre. ⁴³ Yezu ma pande wa nsik ebir:obia kab no eshuong na lewa wur.Me yik nda mugne: pa no olil lewa van onkar na.