¹ Wa mbayen ti asha leti eno eya fa lenga? Ayefa le ngiene eno epwa ngele leti eno. ² Kozuk na ling no emien, no pe vano be ngiene eno ebuyi lidzak wur. Kozuk na ling eno emien no pe vano be ngiene eno e buyi lisia asia. Kozuk no pa vano be abim nga ling no, itsen na ling no lempil epwa. ³ Kozuk na ling no, no pe vano be itsen ngiene eno e buyi epwa, lipa kiese le dzung eno. ⁴ No pe yieno be, kozuk wur a buyi ewur boo ngena, wur ngeni a buyi mben e Ta Nzama? Wur nga ling liza e wur e boo ngena a buyi mben e Ta Nzama. ⁵ Na banza no ebuyi nsa nfun be nge sone wa lokan e Ta Nzama: Ta Nzama a ling mpeve nge tshuk nde le wa so ⁶ Nsandisi e Ta Nzama le wa so, ebuyi mingi, okane e Ta Nzama a tib: Ta Nzama fa fande ntu avar a lulen, kansi avar nge le lulen be, fa yiene wa nsandisi e Ta Nzama. ⁷ Zano la luzir e Nzama, zer no Satana leti eno, nde ka kande, ka zande ota la no, ⁸ Zano pipi la Ta Nzama, ndempi ka zande pipi lano. Zok no ngwa eno e masum, ti etum eno. ⁹ Yieno mpasi eno, o li eno kaza wa osak eno, mpi twa eno kakum wa li lii, osak eno kakum wa ngie. ¹⁰ Zano la komikitisa, Ta Nzama ka tombol nde no. ¹¹ A tung ame, op tib epwa o tung eya be. Wur nge fa tib epwa o tung nde, nge fa kie mbo o tung nde, akie ipwa le nsik e Ta Nzama, asambisa za, wur ngeni pa buyi diaka wur nge fa tosa nsik e Nzama, nda mekum wur nga tib mbo. ¹² E buyi ke Ta Nzama wur nge fapa nsik mpi nge kaki mbo avar. E buyi ke nde ngaza ka gulusa mpi ka pande etumbu. Yo buyi ne, ya nga sambisa o tung eya? ¹³ No avar nge fa tib ampe'en, to lwana ngena, me kakame wa ngeni, me kakieme mvia emotuku leti, me kasar me abim mpi kava me ekere, ¹⁴ no pe yieno be, ntswi ngaza lusing eya kazawa ensenge, no buyi no nse vey a nkey nge fa may wa ngaza. ¹⁵ Tib no, otin ngena: kozuk Ta Nzama ame lang se kakieso otshia ngena mpi kazing so. ¹⁶ Kansi na kieno lulen emfun be, lulen otin ngeni e buyi nsa be. ¹⁷ Kozuk wur ayie likie eshwong e nsa kansi nda pe ki be, wur ngeni akie masum.