¹ Ana, anga ekra, le no , yen no mpasi itsen leshuong ipwa kakum itsen lano. ² Bimvwam eno, kampwon wo, alam eno kakum wa kwi. ³ Ba bimvwa a no ti awa atar e no e me pwa ntal. ntal ngeni kashimn nde no, itsen no me vay no Bimvwama e no le esthu e nsuk. ⁴ Ayen no lufut anga avar onsia, ndab ewa kakin e me kum le wa ta Nzam. ⁵ Omozing no le boo, le kati e biese, o mo bung no etum no. ⁶ O me pa no ndol, la avar kanso e masong. Avar kanso e masong wa me lur. ⁷ Kir no otum,nse wur nge ni pa dzel nde lufut evre bilang e nde. ⁸ No mpi, liogno otum, za no le otum petepete itsen, e me kum insi ta Nzama kakum nde. ⁹ Sang no, no la no le yabno, itsen wa sang, itsen wa sang le kie avi. Dzeign iso a telema lo osuk e porte. ¹⁰ Atung e me, lab no mban e mampasi ti otung mpio e ba profeta nge yen wa mpasi itsen la nzama. ¹¹ Omo zuk no avi e Jobo, a me vay wa lusakumun mingi le wa ta nzama. ¹² Atung, sang no le vay lusil le dzin edzuk, e boo, eti le dzung a bim kanso. Kudim eyia, eshik kaka bosa, mpil ka tung yia, eshik mpi kaka mpil ngeni, ele mboso kilum e nsuka , nzam ka za nde ti no. ¹³ Ele ti wur sam la no a le nti mpasi mingi?, a sam mingi, wur mwotuku kayuk nde kiese? sogno a kung e Nzam e kiese ,itsen la lukum e Nzama. ¹⁴ Kan mpi wur emwotuku le kati eno e yuk kang, a mvi a nsur e dibun, wa sam itsen la nde, wo tshuk avir e masantu. ¹⁵ Bisam e lukwikil le vey e Nzama pa pa ende lugulusu, kan wur a me kie masum, ta Nzam ka lolun nde. ¹⁶ Liel no masum e no, no la no, sam no itsen masum eno e vay ndolula. Bisam e wur masong ele bir le wa Nzama. ¹⁷ Eli a le wur nso so, ame kie bisam e bir itsen mvia e pe nua be mvia isar et ngwuon isambie. ¹⁸ Kaka eli me sam nde insin mvia enwa , boo ipur nken . ¹⁹ Atung aso, kan wur mutuku a me ying buk, otung ende a kal nde le mbuk. ²⁰ Yeb no, kan wur emotuku a me kal otung ende le buk, ele kiese itsen la nzama.