¹ Atung a me e mpam, lekati eno e pesa ti malong ivri be. Su keyia kozonza wa su nsansa. ² So kekwa lontin mingi. Zu wur a pekwa be l'otib e nde, nda a le wur nga masum, a me kuk le le long dzung e nde okin. ³ So pa dub so odum e mpamba, itsen nde alemfuka nda so. Le mpil so ke twa dzung e nde okin mpi konso nge lang so lekiena. ⁴ Mbandu mpi e maswawa: ata maswawa enen ata mupepe evuma za, e mi nga twa za ti oka nge kalang kapiten. ⁵ Otin emotuwa elum a le e me itsen le dzung, kansi nde patib nde etshuong e nene. kang iton itshia efane edziy kabagata e nduong tshia. ⁶ Elum ebuyi mpi tshia,oka pafu masum. A le etgne edzung. Nde pa tshung nde ebin le dzung okin mpi a fan azikisa ebagn e wa. Ngo twa nda mimie le tomboka ele bilung. ⁷ Wa niam konso nduong, mfra, eva niam nge patar le ntu, ti nge pazing le vay wa palong,mpi wur a palong wa. ⁸ Kansi nsa wur emotwi be e fan a long elum. Ele eme epwa ngena wa pekuwa le kang otum be, ale nga ywi la dikil/pwazon nga pazak. ⁹ Kele elum so ke sang nk'mu ta so. ke le odum ngeni so kesing avar nga megawa la kifansu e Nzama. ¹⁰ Lo odum emotuwa epwe lusagmuna ti le sing. Atung o pe kieno mbona be. ¹¹ Nto e vay emotuwa e pa pur ndwang vay ewo ti wa e bula? ¹² Iva apa vur alale to papay? Nzadi mungwa e fan epur vay nge pe ekuwa? ¹³ Ni le kati e no ngena nda ayel ti ngang? aza mban e wo itsen la eshie e nde e wo,le kati e kukulumusa nge yim la ayel. ¹⁴ Zuk otum eyia ti kimben e bir ti ngin epwa sang sakumisa mpi sang sa dzim leshuong e Nzam. ¹⁵ Ayel ngena mpe ayim wa dzuk be,kansi e le bo, mpi e kimpeve to e nsung be. ¹⁶ Kansi oka ngena kimpal ti ngindu ele oka emavang ti e tshia epwa. ¹⁷ Ayel e zuk ebuyi otshiem; ngem, mban e wo,ngwakana; ngi atung,mban e nsa, itsen be ti masong. ¹⁸ Mbum e masong ta fuwa le ngem le wa avar nge ling ngem.