¹ Atung a me ba kang otum itsen la nkuma Yezu, nkuma a la kundim, pa sandil nde lunung la war a moi. ² Yindul no ozuk wur a meswe le kati e dibun eti enge eti alama antal, ke ngembo a me swe la, lama amvir. ³ Kozuk yia ome yen wur ngame lware nsa, nda me tiba" me nnto wuana saa anse ana loka ensa" kozuk yie etiba la ngo ombo yiachia ani onzuma otin nemwa nda ti ba sa anse ana le nkou ime. ⁴ Yia yi imie, yia mbo iyia imie? yie po me okum ntiene be lawa ngin ipwa? ⁵ Atung palang me, ta nzama pa me pon be ango mboo, likap iwa ekrea avara kundim. Zuk no Atung ama, palang-me tanzama ake viy avar nge nse mie be, le viy avar itsen wa kum avar nge va olala le kati elukwikil, mpi itsen wa za avar ka vey nbum nde, otin nge pande ela lewa var ngefa lang nde? ⁶ Kansi no me vey no anga mbo avar a mpam, pale avar ngena la kimvam be nga bangik no? pa le wa be. ⁷ Batwui no dzen e muklitu ngapi wuno? ⁸ Ntang ngena kozuk yia o me lungisa nsik e kimfum lotin nga me son wa lomban"yia ka long yia otung a yia bonso yia mi-mie". ⁹ Kozuk no me vey no avar otin ne mwa be no me kiano masum, nsik ka kir wuno sa noko lungisa no nsik be. ¹⁰ Kozuk wur emotuwa a me mvum nsik emotuwa, nde me zak wa nsik kanso. ¹¹ Kansi ta nzama atib nde:" ope kie bizum be" nde tiba diaka ope djak wur be, kozuk yia apa to kie bizum, yia a me djak wur yia le bonso wur nga me tun nsik. ¹² Otin nge tibe wa kiano bonso avar nga me tibe wa mbo le mpil nge lomban nsik eti ngem. ¹³ Kansi mbwo pa zawa nkatu mawa itsen lavar ngena pa lang be mawa. ¹⁴ Atung a me, eme nge ngena nsa nge na wur etiba nde, nda le la kundim, me nde eshuong be? kundim ngeni olen lo gulusa nde? ¹⁵ Mumban, kozuk Oklitu emotuwa e mpam la onkare ngena la mfum a nalama, la mpi la mbim e nga kouk be sam le lia. ¹⁶ Kozuk wur emotuwa leti eno, nda mo katib'no" ka la ngen tshia le wa nga kur" kansi yia opopabe a bim ensa itsen la zugna inde? ¹⁷ Ya alotime motuwa la lukwikil,kansi ya ale ya emie e mpa-mpam, kozuk ya me monika be leshuong eso nga pa kieso,mime ya le lukwikil emotuwa e nga wa. ¹⁸ Kozuk wur emwa a me tiba nda mwiy, wur e mwo inki ngena la lukwikil ende lembey wur e mwa nge na letshoung ende ensa nga pa kiende, me ka, kal me "ka'ne nde, otini nga wur aya lalukwikil,kozuk nda pakie be etshuong ensa nga pa kie nde. ¹⁹ Yia opa kwikil yie ta nzama a le ke emotuwa etshuong be. Kansi yie ya mwiy wur nga molim ipwa pa Kwikil nda mwiy nzama ele ke emotuwa kaka. Wa pa zawa la woma, sam letshuoong ngeni. ²⁰ Yia zob ngena, yia elang no kaba me yia wur ngeni la lukwikil, kozuk nde me kieno esthuong ensa be, lukwikil e nde ale mpa-mpam? ²¹ Otin nge ta nzama a yir nde nkanso Abraham? ta nzama oyir nde sam leshoung ende ensa nge kiende tang nge lang nde le pa van nde Izak makab le djuk e mesa ekimenga. ²² Yia o me yen? lukwikil e nde eti eshuong ende ensa ngeni nge kiende, i sam la ya awar ape me kawa obuk emwa leshuong ensa-ensa. ²³ Eshuong ngena nga me son wa lontan e enzama ya bwiy ema song, Abraham a kang nde otum enzama, le mbey ta nzama otum nde, sam la lukwikil ende, ta nzama mo vide ewur ende. ²⁴ Na yen, e me ngaling a le othia pe ke kundim be. ²⁵ Otine mwa la Rahab, onkare enduma, pe yinde ti ithia be ntang nga me yam nde nsang mpi nga me lur nde za lo obuk inki? ²⁶ Banso djugna nga me kwam ethia a le nga wa.