¹ Itsen Klitu a yen nde ndol olala le dzunga ende, no mpi, no lab no otin ende, mpi zano losak itsen wur nga yen ndol le dzunga ende no me maya masum. ² Kansi wur otin ngeni, a pe zing be la luzing e ki muntu. ³ Itsen ntang ivre nga me zing so la luzol a mpagna, le tare bisak-sak le kie bizum, le zur vana, avar nge sam binzam-nzam. ⁴ Kansi pale emie e ngituk be, no nun-no, na avar nge kie mubulu, lozobe kanso, we kab esthuong e mbama itsen lano. ⁵ Wa yie, wur ngena pipi le za oka emwa la var nge kie etshoung, wa ka sam lavar a nga wa, lavar nge zing. ⁶ Itsen la kikum le long malong enzama, le long avar engawa, itsen wa sam le zugna otin avar nge zing lempil nge lombam nsik enzama. ⁷ Le nsuk abim kanso nga kum-wa pipi, zano la mpeve eti le molimo ngeni itsen la bisam. ⁸ Le djuk qbim kanso, zaa-no , no la no la ngagn eno itsen kozuk ngagn eno abuy, zaka lim wa ivre e masum eno. ⁹ Zano la luzing ensa e bo kakin, lang-no, no la no, no pe zak no be. ¹⁰ Bonso avar ngapa kira makab enzama, wa la dikap e bir enzama, kanso wur aza lothsia avar amwa nga me vano. ¹¹ kozuk wur atiba nde, nde pa long-nde otiba enzama, wur ame lungisa othsia, nge kie za la bir itsen nzama pa yam nda nde, nzama pa vande dikab e nde, ta nzama avey lukum le dzin iwan nde Yezu Klitu, nde e Yezu Klitu eza la bir ende, eza mvia-la mvia, amen. ¹² Atung palang, me ba zano bonso a ngiegna, ngame yen djegna le tshia ngo yila eme edzayna. ¹³ Kansi pe itsen kiteso e ndol ngame yen yia, otin nge yeno Klitu, yen osak ntang ndena kiese e nde e monika amen. ¹⁴ Kozuk wa matwiy-no itsen la djen e Yezu Klitu, yano lola e lusakumun itsen molimo enkembo, la molim enzama iza le wa yia. ¹⁵ Leti eno, ata wur emotuwa be nga pa yen ndol otin avar nge kwana avar, lavar nge yiong, nge kie ipwa, lavar nge pugna eshoung. ¹⁶ Kozuk wur e yen ndol bonso Klitu nda pa len le zuk ntsegne be, itsen nde kum'sa nzama le dzen inde. ¹⁷ Kansi ana ale ntang embo, le bania le evre enzama, le libandel eso, nvur nge ngaza, lavar ngena ape lemfuk be le malong enzama? ¹⁸ Kozuk avar ansa, wa sang le yen ndol otin nga pa za avar nge kie ipwa nge kie masum? ¹⁹ Itsen laza, avar nge yen ndol sam la luzol enzama, wa wapa otum ewa, le wa wur ensa nge me gagna lekie mambor, nda mwiy nzama aleke emotuwa, wa za la lwan, sam leshoung ngeni.