¹ Me nte wing le wano ansur a dibun nge na leti eso, wur nde tare obuk e motuka la mampasi e Yezu nge yen nde, mpi kazande la lukum nge ze monika, me nta wuono no yilama no nsa nsa la var a Nzama nge pande so. ² Nduk za me nte wing le wano le kiagno nsa nsa avar ngeni, e Nzama nga ma pande lala kiagno. No zano nse mameme e wa. Kiagno wa mpi la luzole e no, lo otin e Nzama nga lak nde no la le kie, ba kiano za e mfu-mfuk, kian etshia e no le egnere be, itsen no kiano la luzol eti kiese. ³ Bazano la ngin be la leyala avar a Nzama nga mpa nde no, itsen no fetel no lezaavar nga pa kie nsa leti avar no. ⁴ No avar ngeni nga pa kiang antung amwa, ntang nga za Nzama eso, eti Yezu nga monika nde, no vey no mpi lukum e nsa nge na pa suk be. ⁵ Mpil emwa la no avan ampam lemfuk no na Ansur ano, sarsa no, no la no, ba kiano lulen be, sam eshuong e Nzama e tiba nde Nzama pale mben avar lulen be, itsen nde pa pa nde mambor ende le wa avar nge na lulend be. ⁶ Ba zano le dzuk e Nzama be, le wua nde, nde kasuk nde, la avar ngeni nge pa nde. ⁷ Lim no ngin e no ngeni, nga kagn no mbok, pano bisam e no kanso le wa ta Nzama, itsen nde wur nga kiang eshuong e so. ⁸ So fetel le yal-la, so za viy nga diba, itsen mben e satana a pe yal be bonso wa niam, le tang nge ling nde olil. ⁹ sanga yir no, za no bir le kidim e no. No yiano ne atung ano ngena le boo, wa pe kudipesa mpi le mpasi. ¹⁰ Le mbey nga me yen wa mpasi le ntang emwotuka, ta Nzama la mambote e nde, nda vi no eti Klitu la mambote e mvia la mvia, le mpung eshuong ebir. ¹¹ Mpeve e Klitu, ngeni ngeyi le wa wa, ya yuwa ikab ewa, klitu ka kien nde ndola, lembiy nde ka vey nde lukum. Wa kie bir itsen yia kazawa otin ngeni. ¹² Zano,ensa ntang ngena no leti a ntung kozuk no me kiano otin ngeni a ta wa ma fun no, ne no pakiano abim ipwa, kozuk wa me yen abim ensa nge kiano, wa ka pa wuno luzir, Nzama letshu ngeni nga za nde. ¹³ Sam la klitu, no fetel no le lemfuk no, le wa ankuma ano kanso, na ntotila e Roma ngeni la kiyek le yala avar kanso. ¹⁴ Yiano no leti otum e no, tang nga pano mbor, na amben mpeve e Nzama aza le wa no na nanso ngena na Klitu.