¹ Otin ngeni, no ankar ava, wil no awum ano. Kieno le mpil ngele, ata ampam amwa api lemfuk lotib e Nzama be, ke le nkal awal awa wa tshim etum nkatu lezuk otib. ² Itsen, kayen wa nkal ino ime wong. ³ Zakwan leza ke itsen la wuo edzung: awu angatung, mperati ewolo to alama ansa. ⁴ Be, zeza nsa, eshuong nga kieno, eza nge me fa lotum, ngele nsuk be; zeza wuo le bikalul edju eti elulen; kiang no abim ngele mfun lewa Nzam. ⁵ Itsen ankar ngeyi etar le busantu, lewa ntshu ngele ameling, eyiwa wayen ipwa ti iwuo. Otum ewo eyiwa lewa Nzama, mpi eyiwa wa ewil awum awa ngawa. ⁶ Otin emwa, sara ewil kaka Abrama, mpi ovinde nde nk'mu. No buyi no ntang na avan nde, ozuk no ekieno eshuong e nsa mpi ozuk no lura no djegna. ⁷ Otin emwa, no ampam, ntang nge zing no, efetel no yiano ke, wa pa buyi labir nse no be. Pa no wu luzir itsen wa ya dul kiyek, luzing nsa lewa Nzam, nse no. kieno wa, lempil ngele etum eno ibia. ⁸ Le munkufi, ya no langin emwatuk, etum emwatuk,le lang no, no la no, leyan no lulen leti be, nse avan e taa ti e maa emotuk. ⁹ Sang akal ipwa lipwa, to itwu l'itwi. Kansi, ya sakumun nde, itsen nge na ale lusil e Nzam, lale sakumun atung ntang nge kiende wur. ¹⁰ Wur nge lenga luzing ensa, ti nge ling leyena asak le luzing ende, ape kuwu atib eshuong epwa be, ishu be. ¹¹ Nde efetel lesang ipwa, akie ke nsa. ¹² Itsen Nzam pa yen nde mpi pa zuk nde avar nga pakie nsa. ¹³ Wur ni nga kuwa lakie no ipwa, ozuk no eyir no lale kiese ngele le mbok? ¹⁴ Itsen, ozuk no yen djegna itsen leshuong ewuo ngaye kie no, Nzam ka sampul nde no. Sang za la woma omie nga elur wa, sang za no otum ledzuk. ¹⁵ Kansi, pe no Klitu luzir letun eno nse nk'mu eno. Yilama no lepa mvur, lewa wur nga yul no: itsen langie pa tsuk no otum lewa Nzam? kie no wa dju eti luzir. ¹⁶ Ya no lotum ensa, itsen avar nga tiwu luzing no e muklitu, wa tsig lantsheng, itsen wa palang no be nse ke no eyino a mben. ¹⁷ Ile nsa, ozuk Nzama elang nde, lano le yirno lekie eshuong ensa ke lekie eshuong ipwa. ¹⁸ Klitu mpi, mbal emwa, ake yen mpasi la masum. nde nge pa tsuk avar le mbok ame yen mpasi itsen la ipwa iso, itsen nda twa avar lewa nzama. wo djak wo nde lewur-wur, ke le molim, nde eyinde la moyo. ¹⁹ Le molim, me kende lelong avar ngeyi na bin avar ngele lwana lolok e masum. ²⁰ Eyiwa lemfuk oso wa Nza be ntang nge kang nde otum le lula ti ntang Nowa wa ka maya nde maswa Avar ivre ateswe leti be,ke avar ewaa, mpi Nzam ma gulusa nde wa. ²¹ Eme na, ile kidim embotik nge gulusa no lwan, bonso luzol nge leno laza lewa Nzam,le lufutumuka e Yezu Klitu. ²² Yezu Klitu ame mar lewua ewum e Nzama. Nda me van zuk. Ko, nde pa yal nde a Wanzio ti bimfum imwa mpi po wil wa nde.