¹ Famntu ayel epwa; ishu kokin, onzim; le djuru a bim atung, ewuwign, ti le tib ipwa la atung. ² Nse k'avan ansie; nge lang lena a vie e mpeve ngena otshiem itsen no otshun no nsa. Mpi no kakum no, kaguluka no ntang nga nano za. ³ Ozuk omyen, nk'mu a le nsa. ⁴ Zak no wa nde wur ngena, itar e moyo, nge fam avar ntu, kansi ngo pan Nzam, ivri e ntal. ⁵ Otin emotuwa, no oline nse atar nge zing nga me tung wa itsen eza evra. e mpeve nge tam bik makab e mpeve e woo le wiye Nzam le mbok e Yezu Klitu. ⁶ Bison etib mbono; kiang me motsuk le Siyona itar ebir nga kir evra; wur ikonso nga koyir nde apoza la nstshiegn be. ⁷ Lukum ele itsen lano avar nge pa kwikil. Kansi itar nge fam wa ntu le waa avar nge tang evra, ebuy itar e nfun mingi. ⁸ Avar nga pabul l'itar ngeni pa kwawa itsen na tiyir otsieng e Nzama be. ⁹ Kansi no olino avar nga meson wa. A ngagn e Nzam. Waa e santu, avar nge vi Nzam itsen otopayno nsang otshia e nsa e wur nge malimno l'epil, eme kumno le nsem. ¹⁰ Osu no nge yino avar be, kansi ntang ngena no omekum no e Nzam. ¹¹ Atung me ntauwon no nse angiegn ngena la waa be le boo na. Kebno, itsen, ndza ekimuntu nge le etum eno pa bunisa wa no. ¹² Zano le ekom ewo lo oso ampagn; ozukno otibno otin ngeni ata wa fun no wamung no ekieno ipwa, ozuk, wa weyene etshia e wuo le wano. Mpi wa kazidisa wa Nzama ti e so gaza nde. ¹³ Le mfuk la nk'mu ano itsen la mfun Yezu . Lemfukno ti lank'mu e Roma ti ngena la kiyek ontshunu. ¹⁴ Mpi wa gouverner nge metshin itsen le pa avar nge ki ivra, ndola ti le saka angekie nsa. ¹⁵ Ebuyi luzol e Nzama zuk wur ekie nsa, avar nge kie ozob, wa peyia eme nge kiea be wa peyene mpi le tib be. ¹⁶ Zano la lipanda,kansi lipanda e no ekwan le za nse ilam nga pa wum ebin, kansi nse avar nge sam Nzama. ¹⁷ Sak wur ikonso, zitisa avar kukin, langno Akliti, lurno Nzam womo. ¹⁸ Vanotshia lemfukno na ank'mu ano ngena wawaga ti ank'mu ngele ampur. ¹⁹ Zuk avar abamno oshuong ngena no epe yiano be, zuk no ekangno otum le mpasi ngeni itsen no oyieno luzol e Nzama, nde kasampul nde no. ²⁰ Kansi lukum nge le vay ndola itsen lipwa me kie yia; kansi ozuk no omekieno nsa; wa mopi ndola ele nsa le viy e Nzam. ²¹ Avi wano itsen laza, itsen Klitu mpi eyen nde mpasi itsen la no. Nde aka swiyno mban e nsa itsen no olabno obuk e nde. ²² Nde atikie ata ipwa emotu be; nsa eshu nge odzim nde be. ²³ Ompa gotwiwa nde,nde atikal itwi be. ompa nge yen nde mpasi nde atikal lisul be. Kansi etsuk nde otum le wa Nzama; nga pasamisa kambok kambok. ²⁴ Nde evar nde masum eso le dzung inde libaya. itsen masum eso esuk itsen so kezing luzing a van a Nzama. ²⁵ No kanso eyino le mpasi mbonso mameme nga ne dzima. kansi ntang ngena no mezekalno wa ngungudi, mpi wur nga palangidila etum eno.