¹ Khang ta otin nge palang nde su, ndug nge vi nde su kele avan a Nzama, Nsunsok su kele avan ande. Nduk za ngena bo apeyia su be itsen nde atiyia taa be. ² Atung, emesia, su kele avan e Nzama. Luzing e nsa ngi ze ibuyi etezabakana be. Su keya ompa nga monika Klitu, so kaza so nse ke nde.Mpi koyen so nde ko otin ngena nde. ³ Wur konso, nge tsuk otum, le wa Klitu pa tun nde abim kanso otin ngena klitu mpi patun nde masum. ⁴ Wur nge lab lekie masum evum nsik, itsen disum ele levweza nsik. ⁵ No eyiano, Klitu e monika nde itsen le lima masum, ke nde disum be. ⁶ Konso wur ngazin nda nde apolab le kie masum be. Wur nge lab lekie masum a toyen nde be, mpi a po yia nde be. ⁷ Avan nga palang me ivbre , wur apadzim no be, nge tib masong ale emasong. Otin nge na Klitu nda mimie ale masong. ⁸ Wur nga kie masum ale satan.Itsen satan amekie masum bagna luyantik. Nduk za van Nzama itsen le djak etshia e satan. ⁹ Wur konso nge butuk le Nzam,ale Nzam, nda pokie masum be. itsen mbur etshia e Nzama ale nde, nde pe kuwa akie disum be,itsen, nde ame butuk lewa nzama. Itsen laza, avan a Nzama ti avan a satan, elewa oying be. ¹⁰ Wur nge na apesadil nsik be pale e Nzam be, otin emotuku la wur ngena apelang ayen otung ende be. ¹¹ Itsen, kang esang nge zuk no le luyantik, so langno so la so. ¹² Mpe nse Kaino be, ngeyi la molim e satan, nge dzag okwam nde. Itsen langie ngo dzag nde? itsen letshia ende epwa, eyi okwam nde ensa. ¹³ Sang ayituk no atung, ozuk ope lang no,no la no be. ¹⁴ So ke yia, so ke me fa lewa, ke me va luzing, itsen so ke lang atung, wur ngena apolang nde be, ewa ale pipi lande. ¹⁵ Wur nga tuna otung e nde ale nde omodzak. ¹⁶ Kemeyia boling itsen Klitu ewile so, so mpi kepa luzing e so itsen la atung. ¹⁷ Kansi wur ngena nga abim eboo, atung ale la mfun eme ngene, nde opozuk ngi be, otin enga boling e Nzam kazawa le wa nde? ¹⁸ Avan ame nge polang me, salangno atung lotib tole elum. kansi le ensia ti le masong. ¹⁹ Ani kayiasu amugn so kele le lotib e Nzama. So kemeyir lopa nde otum e so. ²⁰ Zuk otum e so empel so, otum e Nzam e meling ²¹ ti so la onen, mpi nde yia etshoung konso. Atung zuk otum e so epepel so be, so kezuk otum eso le wa Nzam. ²² Ata eza so kemeling papande so, itsen so kewum nsik e nde, mpi so ke kie abim ngo pa nde osak. ²³ Ngena ele nsik e nde ngeyia so le dzen e van nde Yezu klitu, mpi so kalong no so la so. ²⁴ Wur nge wum nsik e Nzam ale nda Nzam, mpi Nzam ale nda nde. Itsen laza sukeyia sa mugn nde alenda so le mbok emolim nge pa nde avar.