¹ Avan ame, ma soono eshoung ngena, itsen osang no masum. Kozuk wur a mekie masum, so ele ti wur pa sam nde itsen laso le waa Ta Nzama.Wur ngeni djenide ele Yezu klitu. ² Yezu Klitu a ke yen mpasi itsen la masum eso, pe ebuyi kaka masum eso be, kansi masum avar ikokin. ³ Kozuk so mo wum ansik ende, ani so aye Ta Nzam. ⁴ Wur ngatiba, me to ye nde, nkansi ansik apezitisa be, ngeni ame dzime. ⁵ Nga wum otibe Enzama, Nzama kolang nde mingi. ⁶ Wur katibe nde, da aleti nde katarwa ti nde obuk emutuku. ⁷ Atung ngena mpe ansik edjang be, ele entama, omozuk no, ansik ngeni ele otibe Nzama. ⁸ Ansik ngena ekum edzang itsen vuum e me kama, otshu emeyia. ⁹ Wur katib nde ale le nsem , kansi ame tung otung ende ale lepib. ¹⁰ Wur nge faza la luzolo otung nde, abwiyi leti mwinda nsa emien e mutuk epwa kolab nde be. ¹¹ Kansi wur nge le, la luzol otung nde be abweyi, leti lepip, nde atar mpi le lepip, nda pe yen mbok nga tar nde be, itshin veyi nde ebwiyi la lepip. ¹² Avan ame, me ma son no eshwong nge na itshen masum eno emelolula ledzen e Yezu. ¹³ Ansul ame, ma son no eshwong ngena itshen no yieno wur esoso ngeyi le luyantik eboo ti dzuk. Avan ame ma son no eshwong ngena itshen no yieno Ta Nzam, mpi no konung no Satan wur epwa. ¹⁴ Ansul ame, ma son no eshwong ngena itshen no yieno esoso ngeyie le luyantik eboo ti dzuk. Avan ame, ma sonika no eshwong ngena itshine no bwiyino avan abirm otib e Ta Nzam ebweyi le wa no, mpi no kanung no Satan wur epwa. ¹⁵ Blozano avar nge faling eshwong ikokin eboo ngena. Ezuk wur a ling eshwong eboo ngena, wur ngeni zola e Ta Nzam pe ebwiyi le wa nde be. ¹⁶ Itshen eshwong ekokin nge le boo ngena: lulen, eshwong nge falang vey eso eti eshwong nge falang zung eso, abim ngeni ekokin pe ebwiyi e Ta Nzam be, kansi ebwiy abim eboo nge na. ¹⁷ Boo ngena ekaliak eti eshwong nde ekokin nge falang avar; kansi wur nge faki luzol e Ta Nzam kazing nde mvia la mvia. ¹⁸ Avan ame, na yieno ntshwi nge leso ngena ebwiyi ntshwi e nsuk. Otin nge ezug no ke mbene Yezu ize. Lwane ngena wa mbene Yezu wa bwiyi olala, itshun no yieno ke tshwi ngena ebwiyi tshwi e nsuk. ¹⁹ Kozuk avar za, wa me lim leti eso, itshen wa pa abwiy avar aso be, me kozuk waza avar aso iza wa oka motuk wa so. Kansi kozug wa me lim leti eso itshen lilak so ke wa pa abwiyi avar so be. ²⁰ Itsen la no, no nge vey no mpeve Enzama, nge fi lewa Yezu, na nanso olino laza. ²¹ Kozuk me mason no pe buyi be, itsen no pe yiano malong be, kansi ne yieno malong, leti e malong luvun a pe za be. ²² Wur nga luvun ale ni? wur nga luvun ale wur nge tuna Yezu: pa buyi Klitu be, wur ngeni ale mben e Yezu, nde vweza Ta Nzama eti van nde. ²³ Wur nga vweza van Nzama, nge vweza mpi Ta Nzama, wur nga yira van Nzama a me yir mpi Ta Nzama. ²⁴ Kiano kanso, no wumno letum eno, eshuong nge zuk no, bagna luyantik kozuk no letum eno, eshuong nge zuk no bagna luyantik,Nzama eti van nde, kaya wa letum eno. ²⁵ Ilak e Yezu nge pa nde avar, ale luzing e mvia la mvia. ²⁶ Me ma son no eshuong itsen la var epwa, nga ling, la lim no lembok e Nzama. ²⁷ kansi itsen lano, mpeve e Nzama nge vey no le wa Yezu eza lewa no,itsen no mpo buyi no la mfun e malong ewa be. Mpeve e Nzama ngena le wano, aya long no eshuong e masong, pe luvun be. lotin ngeni, lemfuk no le malong e mpeve itsen noza no oka emotuwa la klitu. ²⁸ A van ame,le ntang ngena, za no oka emotuwa la yezu, itsen ntang nga zande, no kwano leza le nswegne. ²⁹ Ozuk ne yiano no na mugne Yezu abuyi wur e masong, wur kanso kaza nde leti nde.