¹ Atung, sanga yir no, milim kanso, okiang no za kan za ile Enzam, itsen wa mbikudi itsen wa mepey le boo. ² Itsen laza, ka yiano molim enzam, molim kakin nge yire nde Yezu Klitu eza nde lefwa ewur, nde ngeny ale Enzam. ³ Molim kakin ngele ape yia Yezu be, pole mpi Enzam be. ile molim ampagne nge zuk no, ngo ya zihil no, ti lwana, letan leboo. ⁴ Avan ame, mobuy no Enzam, no ma paano wa adze, itsen, wur ngele leti eno, ame lenge wur ngele leboo. ⁵ Wale avar aboo, nduk ekwa eshuong nge tib wa ile ke boo, nduk avar a boo alab wa. ⁶ So kile avan Anzamm wur ngele mpe Nzam be apo zuk avar be. Itsen so keyia molim ewuo ti molim epwa. ⁷ Atung so lang no so la so, itsen boling ile Enzam, wur nge lang atung ale Enzam mpi nde ayia Nzam. ⁸ Wur ngele ape lang be, ape yin Nzam be, itsen Nzam ale Nzam eboling. ⁹ Itsen laza, bonso boling Enzam ale leti so,otin emwatuk, Nzam etum nde van nde emwatuk leboo itsen so ke yiano ke so ke zing itsen lande. ¹⁰ Kakin na, ile boling, mpe itsen ke so palang so Nzam be, kitsen nde van, lewihil obe so. ¹¹ Atung, ozuk, Nzam ake lang so alaal so mpi, ke lang no so la so, Nzam ale nda so, boling. ¹² Nse wur ngele ame yen Nzam be. Ozuk so ke lang no so la so, Nzam ale nda so mpi boling emonisa leti eso. ¹³ Itsen laza, so ke yia nda le nda so, so mpi kele sa nde, itsen nda ke pa avar molim ende. ¹⁴ Mpi so ke yen, ke me yir ke taa ake tum, van itsen le gulusa avar. ¹⁵ Wur nge yir nde Yezu ale van Nzam, Nzam ale nda nde, nde mpi ale nda Nzam. ¹⁶ Mpi so moyia mpi so ko moyir la la boling Enzam leti so. Nzam ale boling, mpi wur nga tshik le boling ni, ale nda Nzam, nzam mpi ale nda nde. ¹⁷ Nduk la boling ende leti so, itsen so ke tsuk otum leshu embo, itsen, ngele ale otin nga so leboo. ¹⁸ Leti wur nge le ame lang apo za la wom obe. Loka nge le boling, womo elewa be itsen womo ale ndol. Wur ngele la womo, boling ekr-kre la wande be. ¹⁹ So ke lang insen Nzam ake lang so oso. ²⁰ Ozuk wur aye tib nda mugne mpa lang nde Nzam, ke nde otung nde ape lang be, ale ngishu. itsen wur ngele ape lang otung ende nge pa yen nde be, apokuk lelang Nzam ngele nde apo yen be. ²¹ Empi, kiang nsik nge me fawaa: wur ngele elang Nzam, nde mpi alang otung ende nga za.