¹ Ntang ngena ,itshen lawa niang ngapa djak-wa la bitekek, mente yia me sa sanso se bakisa za .Kansi otiba pa yul wa lulen,ve luton ngapa tugna. ² Kozug wur emwa e yen nde yia ,ndape yia imie emwa be ,tiba yie : ndape yia ntete be lotin nge lugna. ³ Kozug wur elang ta nzama ,tiba yie ta nzama olang nde. ⁴ Boma,wa len lela niam ngamedjog-wa itshen la bitek ?Se yie se bitek ebo okin zapa bwiy lemie be.Nzama insa be,lima ngena nda imie. ⁵ Balemwa letib ,binzambi-nzambi abwiy,to le djug ,to lebo,bonso olala ebinzambi-nzambi ale nkouma . ⁶ Itshen lazo nzama ale emwa ,taa lewa nde ngafaza abim kanso,itshen lazo ngapa zigna nde wur ngena nkoum ,yesu -klitu lande abim kanso abwiy lobug ende nge zing-so . ⁷ Sam lavar ngena apa yie be abim ngeni ,aklitu inki ngena apato yikambe le sama wa nzama ekokin ,lere nge lawa niam me djag-wa la kimeng ,ndim wa eka diaka lewa nzama ampagna. ⁸ Emasong pale olil bengapa ntwa avar pipi la nzama ,kozug soke laza be ,sopo fel ntu be ata emie emwa be,kozug someza ata emie emwa be. ⁹ Keb-no ,itshen no avar nge kano la luzol eno ,itshen wa muklitu apa bam-no be,avar ngena pate-pete. ¹⁰ Se bansa se wur nga yia ,ko zug wo yen ndela lemesa evré enzama e luvun ,kozug zapa bim be ,avar ngena lotum e pete-pete lale la niam ngame djag-wa lewa binzambi-nzambi e luvum? ¹¹ Itshen la oyia eyia sam labim ansa ,ebinzambi-nzambi,otung eme ,yia obwiy bir be,sam lewa e klitu nge gulusa nde ,ndake lewa. ¹² Otin ngeni nome kiano masum loso otung ano ngama lwarno etum ewa ngena pete-pete le lukwikil e masong ngeme kia no masum loso e klitu. ¹³ Kozug olil a fetel loban yia le masum otung eme muklitu ,me mpola diaka niam ata itshen sobe,som meko bam-me yia otung eme.