¹ Tang ngena ,itshen lethsoung nge son-no zapale nsabe kozuk mpam apevey be onkar . ² Itshen lali kwan lekie olala ethsoum e nswey,konso mpam afetel leza la wal ende,e konso onkar aza la wum-nde. ³ Mpam ape wal nde lukum lobug emakwel ,onkar ayir othsia e makwel e wum ende nge ling-nde. ⁴ Onkar pale nkoum be le djugna inde za bwiy kiyek e wum -nde ,otin emwa mpampole nkouma e djugna inde be ,za bwiy kiyek onkar. ⁵ No avar ngame kie makwel ,ofo tun-no leza oka emwa ,noka tun-no za kozug nome zam-no ,itshen letang emwa ,nolog -no otum lebisam ,lembiy nokal no oka emwa ithsen wur epwa apo fugune no be itshen ngame kwan -no nzingil leti eno . ⁶ Ethsoung nge na menta kab-no za bonso ilog ,pale nowa be . ⁷ Mente lang avar kanso waza bonso me kansi ta nzama apa konso wur dikab enga lug lewa nde,ngena avey dikab ngena ,ngeni dikab ni. ⁸ Avar ngena apa to kwel,eti avar ngena awala awa ame wa mente tiba ;zabwiy nsa wa za nse me. ⁹ Kozug wape kuk-be lale zing wakie ,makwel :itshen pale nsabe wanza aza ivré letum ewa,ami,nsa lekie makwel; ¹⁰ Ntang ngena ,avar mekie makwel menta pano nsik ,pemebe ,ale ta nzama onkar apelen be kabwan nda wum nde, ¹¹ Kozug ankar ame kie za,ndape zabe la wum kozuk be ndakie ngwakan ndande ,mpamapa len lekabwan be nda wal-nde. ¹² Itshen la makwel inkie ,mbal ndena me wur nge tibe ,nkoum yesu be .Kozuk ata otung emwa ale nda ankar ngena ompagne,onkar elang lezing nda nde ,ndepelen lekala be nda onkar ngeni. ¹³ Otin emwa ,kozug muklitu onkar ale nda mpam ompagna ,ye mpam elang lezing ndande ,nda djag be iva. ¹⁴ Kansi mpam ngena ompagna ale nga sampula itshen la wal nde ,otin emwa ,onkar ompagna ,wum ende e klitu ko sampul nde ,kozug be avar ana iza wa la mpeve ipwa ,lotib ansa waleenga sampul. ¹⁵ Kozug otung ompagna ikee ,nda kee otin ngeni muklitu empam eti onkar ,wapele enga kangama be eti ngeni ngame ka ,ta nzama ame vi avar lezing la ngem . ¹⁶ Otin nge yia onkar nge yie yia ? kozug yia ka yelusa yia wum yia? yia muklitu e mpam yie ye yia kozug yia ka gulusa yia wan yia? ¹⁷ Lime ethsoung ngame tib-me, kanso wur aful la nzingil eluzing e nkouma yesu klitu ngo pande la luzing ngeyi nde ndaza ntang enzama ngo vinde ,ngena ethsoung nge long me le kimvuk edibun kanso. ¹⁸ Tang e ta nzama ngo vinde yia ,keti yia yiya enga biag-ompam? ani abo ziya be ompam eyia .Kozuk yiya enga kwan le biag ompam ,oba lang-be yo biag-za. ¹⁹ Le biag ompam pale emie be,le kwan le biag ompam mpi emié be,emie e mfun le kun wa nsik e ta nzama. ²⁰ Kanso wur afetel leza loliong eluzing ende ;ngeyi nde ndaza ,tang eta nzama ngo vi nde ,le yira . ²¹ Na yino wa mpik ntang eta nzama nga vi nde no ?obe za no be la mawa itshen laza ,ata yia oling le lima le luzing ekimpik ,zing la masong le luizing eyia ekimpik . ²² Epube ,wur ngeyi mpik ntang e nkouma iso yesu ngo vi nde ,nkouma eso yesu klitu kolim nde le kimpik . ²³ Wa sum so no lental emwa ;nopo zano be a mpik avar. ²⁴ Atung ame ,ata otin eluzing eno ngeyi no ,a ngavi wano,zano kotin ngeni. ²⁵ Kiang no ,lavar ngena apato ta iva be,mepe ndela nsik enzama be,kansi mente pa ngine ime bonso wur ngelog otum ,itshen ta nzama ale emasong ,nde mpi endang-me. ²⁶ Sam la mavang eti wa mpasi ,etang me finama me nte kan ne: leza otin ngena le kwan lekie makwel ,zale nsa bwa zole nsa,wur aza otin ngeni. ²⁷ Kozuk yia fazing yia ,yia onkar ,oba lang -be yia okobwan yia nde,kozug yia opa to kongama be yia nde,oba lang be yia ota iva yia nde. ²⁸ Kozug yia me kie makwel ,yia pame kie masum be ,kozug van onkar ame ta iva ,ndepa me kie masum be,kansi ivré avar nge ta ava,kazawa la ivré ethsoung le luzing ewa ,me ngelang la lim-no. ²⁹ Atung ame me nte tiba mano,ntang ma chia ithsitso ,itshen laza bagn a ntang na,avar ngena apato ta iva be,wa zing bonso abato ta iva be. ³⁰ Avar ngena weli,wa zing bonso wapa lili mawa be, avar nge yen osak wazing bonso wapale lekiese be .Avar nge suma abim wakie bonso,abim pale ewa be. ³¹ Avar nge sadil abim abo ngena wa kie banso ,wape zingil zabe, epube, bo ngena otin nge yen so,zame koum le nsuk. ³² Me ntelang nope zano zan be la ngie, ,mpam ngena apato ta iva be wa ngin inde kanso pakawa lethsia e nzama ,nge palang-nde lepa kiese lewa ta nzama. ³³ Kansi mpam me kie makwel, wa lepa ngin inde ame bina labim abo ngena,ndelang lepa kiese lewa,wal nde. ³⁴ Onkar ngena opato ta iva be, la ngena apato yia ampam be ,wa ngin iwa wanso ale lale sadila nzama sam we lang wa sampul djugna iwa kokin ,eti mwin ewa .Kansi onkar ngame nkie makwel ngin inde ale itshen lethsia ebo ngena ,nde ling ayel lalepa osak lewa wun-nde. ³⁵ Mente tiba ethsoung ngena mfun itshen la mambote eno,pale itshen lekie ethsoung otin inki be sam lano ,mente tiba otin ngena,itshen zale masong ,itshen no kudipesa no,lewa nkouma, nkatu nkabisa. ³⁶ Van mpam nge yindul nde ngeka kor nde nsok lewa onkar ngatande iva ndande ,kozug ndake ta iva nda nde be ,nge pa la bir be loyal nde,nde kanso nde wakokwel wa nde,ndalab ngin inde,ndape kie masum be, sang-no wa kwel. ³⁷ Kozug ndame kang otum ende,kozug wapo pusa be lekwela ,kozug nde yal la luzol ende,ntang ngekan-nde lengie otum lale swiya onkar ngatande iva nda-nde nda kwan leyia mpam ,kaza wa nsa. ³⁸ Wur ngame pa vann nde onkare liva ndame kie nsa,wur ngena opa to ta iva be nde kie nsa . ³⁹ Van onkare ngame kangama nda wum nde,le lere nge zing wa kozug wum-nde ame wa,ndala nswa leta iva inki nda mpam nga lang -nde yaza le djen enzama. ⁴⁰ Tang ngena ,le mbo ime ,nda po zala kiese be ivré ,kozug ndame sang otin ngeni ,me ntekan za,me nte yeme ,mempi me bwiy la mpeve e nzama .