¹ Kozuk wur emwa leti eno abwiy lethsong nda muklitu inki ,ndeka twandeza le ibaya etribunal lewa ompagna ,to ndeka -kande loso andim anzama? ² Nope yiono be ,ne andim anzama ka samisa wa boo ngena ?Kozuk no me samisa no boo ngena ,nepoli no lanswa be lale kie ngala ethswong ngena ape bong be? ³ Nope yia no be noka sambisa no wa wangio ?Nge tuna luzol enzama ,otin nge sopelen be le zing nkan ethswong eboo ngena ? ⁴ Kozuk no zing-no nkan lotin abime ngena eluzing enswi ngena ,itshen lange nge zonya no wa ntiene leti avar adibum ngafa vwenga wa ? ⁵ Mente tiba za itshen la nswegne iyia ,ata ntiene emwa be ,ngalen pugna etnswong leti atung a muklitu? ⁶ Kansi we fun wa lawa,adim, landim libaya itribunal, weka mbo letiba le viy azuzi ngena la lukwikil be. ⁷ Otin ngena endama leti andim ,zabwiy nswen leti eno lano ngefun -no le ibaya itribunal ,nope len-no le kang otum be,kozug wur emwa ame pano mfukumuna epwa ? Pale nsa be no sang no, wa pung no za? ⁸ Kansi no me kiano ipwa,no me djin-no avar amwa lavar ngena atung ano ngaza. ⁹ Nope yiano be,avar ngena afa zing la masong be wapo vabe kimvwame okouma enzama?Aba yir nobe langa mbama langa ekobo ,lampan ngeza walawa ,to ampal nge faza ti anga van. ¹⁰ Anga mfub ,avar fazure abim avar inki,avar fazur vana ,avar fa nala avar, avar ngena layel obe ,wapo va be mambor akouma enzama. ¹¹ Otin ngena ngeyi avar amwa leti eno ,kansi nzama ama tungul -no ndama sampul-no ,nzama emasong ama gulusa no, ngeni kanso itshen la nkouma eso yesu klitu sam la mpeve enzama eso. ^{12 13} Kanso me nde nswa, kansi zapale mfun be ,me len lekie za kanso,kansi me mpo yir be ata emié emwa ayal leti eme. Olile a itshen la nsoba , nsobaitshen la olile ,ta nzama ka djan-nde za kife,atung djugna iso pale itshen la bizum be,kansi djugna ale enkouma eso yesu klitu ,ye ekouma abwiy itshen la djugna eso. ¹⁴ Itshen laza ta nzama a gulusa nde nkouma eso yesu ,soka yuluka so labir ende. ¹⁵ Nope yano be me ,wadjugna ino ale ndam edjugna eklitu lale kitul za ndam edjugna onkar enduma?Zape len le salama be. ¹⁶ Nope yia no be wur nge vukan djugna ende oka emwa lonkar enduma ,ndeka zande djugna emwa nda-nde ? Itshen enkan esantungeza etib :wa,wape kaza wa djugna emwa ? ¹⁷ Wur ngeza oka amwa la nkouma eso yesu ndeka zande otum emwa nda nde. ¹⁸ Lur no ethsoung obe ,masum emwa ngeni kanso,zekebisa wur inki ,zabwiy bonso ngan e djugna ,kansi wur ngekie ethsoung obe, nde kar nsok le djugna. ¹⁹ Nope yia no be djugna ino ,ale otia empeve santu ?Ndale leti eno nde pwe lewa ta nzama ,itshen nopo lino enkouma eno na imie be . ²⁰ Kansi wa sum-wuno lantal emwa, sopano nzama lukum ladjugna iso.