¹ Sa me zuk mpré kanso bizum amesolama leti eno ,otin ebizum ngena apa to samala ntente leti ampagna .same pe zuk diaka,se avar amwa leti eno ameza nda wala tonde. ² Otin nge ne bul no ntul elulen ?Wur mekie otini no zano -nde loliong eno. ³ Ata mempembwiy be lezugna,me mbwiy wano le mpeve ,me no tiba mbo ewur mekie etswong ngeni ,bonso ma yime ani. ⁴ Le tang ngeza no oka emwa le djen enkuma eso yesu,mpeve eme ale ndano labir enkouma eso yesu ,memo tiba mbo ewur ngeni . ⁵ Me mo kieza itshen lopande lewa santa itshen la ki wur ende,adjag la masum ende,endeaguluka leswi enkouma eso yesu nga sambisa nde avar. ⁶ Itshen lano ngafa kie lulen ,zafa bwiy nsabe ! nope yiang no be ne ndam e lewur alen lezula ilong okin? ⁷ Tungul no mvuma ilevur eletun,zam no vino empa, itshen loli no mampa ngena le mvure be.Itshen klitu ngunudi e nkinsi pâque nge gom wa le kulunsi. ⁸ Ba tano nkinsi pâque la levure enkoul, otin emwa lotin epwa be ,la ngin enké be ,kansi ti mampa ngena be la levure,otin emwa lotum ensa eti la masong. ⁹ Mema son no lonkan ,ngena nope zano oka mwa be no avar ngafa zing la bizum. ¹⁰ Mepe nta mpung-no be ,laleza oka emwa lawur ngekie bizum le boo ngena to avar ngena lanza obe, ti anga wum ,to avar ba same kitek lambam ozug be,no pwe no le boo ngena. ¹¹ Kansi mepasom nobe ,lano leza oka emwa ti wur nge twa djin otung e muklitu,kozug nga lewur emasum ,to wur ewa bir to nde fa fukimina nde bitek ,to nde mfa tong nde avar ,to ndefa zur nde va na ,to ndefa djon -nde layel mempi meketiba ndape lela be mesa emwa lawur otin ngeni . ¹² Otin nge zonza luzing ?Itshen laza nopoli no be avar nge zonza avar ngena onkan enzama? ¹³ Kansi ta nzama ezonza avar ngena le liene,enkane esantu etibe:loim-no wur otum epwa leti eno wur enku.