¹ Otin ngena wa vey avar bonso ansar a klitu ,avar fa bang enben emasony enzama nge kub-nde. ² Fe mpil ngeni avar ngeni ngelong-wa otum . ³ Itshene laza meka kiang be,kozule wa, to mbo avar kunsaminsa wa me ,mema imie mpil mepo sam be . ⁴ Mepe kane be la mfuna nge mfun wa ,yelog we ,me mpe yie emiebe ,ta nzama wur nga nzonzam me. ⁵ Ithsen laza ,ola tiba be mbo ewur be kozug tang apeto lung,zelag we losoe nkum iso yesu- klitu nga zande ,nde wur nga kuba le mwin etshwong oziya ngena leti epibe ndeka zwiba le ngie otum ,lembiy ta enzama ka pande kanso wur lukum ngame lung lande. ⁶ Ontung eme ,ntang na ,memo vey mbane eme ti apollo itshen lano ,me ntelang : molab no mbane ,opalang no be levey -ne wur emwa,la lulen le vweza wur inki. ⁷ Ni nge yen ndalontin inki enga ling avar amwa?emie nge ngena yia laza,nge yia opa vey be lewa ta nzama kozug ta nzama fa pande za ?Itshen lange nge kie yia lulen bonso ndayinde apayia be? ⁸ Ne yia no kanso nge kan-no ,no bwiy-no anga nkum enkrere,no me bagne .no leyal la luzol eno ,lemasoni mentelang no yal ne ,itshen sa yal no . ⁹ Mente bansa ,ta nzama ame log avar loliong e nsuk bonso avar ngeling wa le dsaa, same koum avar nge zing. ¹⁰ Sam le klito same monika bonso azob ,kansi molime la wagne la klitu ,so bwiy bir be ,kansi no bwiy no bir ,lolimo la lukum, kansi so lukum be. ¹¹ Ti ani ,ntang ngena ,so bwiy lanza,so bwiy la mpu , sobwiy la segne -be le ajugna, we tiba w'avar ,sope bwiy loka be le luzing. ¹² Zakie ethsia ebir zakie ethsia langwa iso ,lere nge tuiwa avar,zapa merci, we bangig -avar so ekang kotum. ¹³ Tang nge bam-wa avar etshwong se tibe la luzire,same kouma bonso anga ebin lebo okin,nzara avar bonso ngafa vwenza wa. ¹⁴ Mepe manso no be itshen la pano nswey ithsen lapab -no bonso avar ame ngafa lang-me. ¹⁵ Ata molimo ansadi million nkama ,nopo bwiy no be ataa olala ,me me koum taa no,le klito lobug otiba enzama. ¹⁶ Itshen laza menta bondil-no nolab -no enzama eme. ¹⁷ Itshen laza mema tun-no timothé wur eme nge lang-me,van e masong ,ngena mentil ekagna loso e nkuma eso yesu ,nde ka kab -nde avar etshwong ende le klitu otin nga long-nde mpre kanso lewa mvrera inzama. ¹⁸ Tang ngena avar amwa leti eno wa me koum lulen ,we tiba,bonso mepa kal be le waa no. ¹⁹ Me kaza me le wano etan-be,kozuk ta nzama amempa nswa ,nopo yia be lotiba anga lulen ,me ka yen me bir ewa. ²⁰ Itshen kimfum enzama ,wa pa lab za be lotiba ,kansi labir othsia nga fu kie wa . ²¹ Ne ling no nge ?Me nze lo bagne lala pab -no ?Me kazame la luton, lotu; e san.