¹ Mempe ,mende opwe-pu be? Me mpeme-nde ntumwa be?keti menke yen nkouma eso yesu klitu? ² Kozug me mpe mbwiy ntumwa be,sam lavar amwa ,sam la no mebwiy ntumwa,epube otin ngame zano oka emwa na nkouma ,ngena ntema e kintumwa eme. ³ Ngena abwiy otung eme itshen lavar nge nzonzame . ⁴ So pala nswobe lela ti lena? ⁵ So pala nswobe le veya onkar ngapa yie nzama ,bonso ikab ewa ntumwa eti antung ngena leti e yesu la sephas. ⁶ Ke barnabas oshok la me ngena alen lekie othsia ? ⁷ Ni ngapa kie othsia bonso solda la ekra ende imie ? Ni ngena a kun osugna e vin ngape labe mbur iza?Ni ngena a sansa ivré iwa mameme ,ngeni ? ⁸ Otin ngena e nkana ,wabwiy ke ibi muntu?wapa tib zabe be lenkan e nsik eta nzama nge pande lewa moyize? ⁹ Epube, wame son lonkan insik e moyize: le ngwan ngapa lim-wa ,wa nken nga zuma,yia okokang be odum,wa nken nga zuma ,yia okokang be odum engom ngapo sadisa yia le lim za,leti ta nzama ake ye ensiogna ithsen lawa ngam? ¹⁰ Ndapa tib-be itshen laso zale enga son: wur nge bundul boo, na fwetel le bundul za nsa,la luzol ensa itshen zo wura imie ensa,wur lima za,la luzol ngena ndave ikab-inde. ¹¹ Kozug same metwa abim aki mpeve le tun eso,le ngwan leva wa mbure,keti mfune nge lazo le ling ivré abim abo? ¹² Kozug avar amwa abwiy la biyek lala lil-no zabe enga ling?sak sadil be kiyek ngeni,lotiba ensa ,sopa yir so,ndol kanso,sam sokwan le log epi emwa be le mbpk esang ensa e klitu. ¹³ Nope yia no be avar ngapa ,kie othsia evré enzama ,pavawa mampa leti evré ngeni ,avar ngapa kie le mesa ekimeng ,nopa vey wur-wa ndam e mam ngapa sampul wale mesa? ¹⁴ Otin ngeni ,nkouma eso yesu klitu a sampul -nde avar ngapa long otiba enzama. ¹⁵ Kansi menke sadil be kiyek ngeni ,meke son be onkarngena leling-za ,fotiba ensa me kie awa,atu wur emwa be nganzur me kikum e lukum. ¹⁶ Kozug mente long otiba nzama ,me pe mende lanswabe lale kie lulen ,itshen mente long za mawa lewa me kozug mempe long be otiba e nsa. ¹⁷ Kozug me wur nge long othsia ngena ,nkouma wur nge long lempa me kiyek ngeni. ¹⁸ Ango lufutu eme ,ale lepa otiba enzama epwe-pu e yesu klitu nge long -me ,kantu lekie e sang ensa nge pame. ¹⁹ . Me wur ngena mpik ewur amwa be ,me mokum mpik awa kanso ,oitshen me nve ivré. ²⁰ Sam lawa yuda memo koum bonso wa ,sam la bima wa.Sam lavar nge lemfuk lewa nsik e moyize ,memo koum bonso wa,ata wa nsik ngeni apa yal me be ,meno kieza itshen le bima avar ngeni wa nsik za payel-wa. ²¹ Itshen lavar ngena le liene ansik ,memo koum bonso wa,memo kiwa nsik ngapa ngab nzama ,leti ensik e klitu ,memo kieza itshen lebima avar wa nge kwan nsik. ²² Itshen lavar ngena engalen le lukwikil me koum wur me koum bir,sam me mbin ngena bir be le lukwikil. ²³ Me ntekie konso itshen lotiba enzama sam me ngulusa avar lempil kanso. ²⁴ Nope yia no be ?la nsak le bim-avang,le bagna awa avar emwa ,wa wanso we kim avang ke wur emwa ngapa koum oso itshen leveya nda imie matansi otin emwa no kin-no avang sam no nung-no. ²⁵ Konso wur nge pugna le kim -ivang ,nda swiy abim kanso ,avar ngeyi pa kie wa za sam wa vey impu enbem ngapa bia,sam laso ,za limpu enkem nge apa van-be. ²⁶ Sam laza me mpa kim ivang be itshen la kikum.Kozug mente lwa mbaniang ,me mpa ling me akofi ,otin ngeni ,mempewuk-zabe le mupepe. ²⁷ Mente kie za la bir -ibir ,zabwiy kanso mpik ngapa yal-me ,mba-mbay le mbiy ,lekaba esang ensa lewa avar amwa,ma imie me nwan nkang.