¹ Dangu di ganzugidi gidimbu gi nsabmwadi, gu hulu gu gakedi pwede dangu di mosi ye ndambu. ² Adi di dala Awanzio sambuadi dia dumamana gu mesu ma Nzambi; amana gu bwa a hulu mvudi mvudi sambwadi ³ Wanzio mwega wesa, ugamini gima gi wolo gu miogu mesa ye bidi aga muwedi mengi mu mwila isambu gu mesa ma fumu. ⁴ Mwisi ubidi, ye isambu di hadu, di zanguluga mu miogu di Wanzio gumesu ma Nzambi. ⁵ Adigama, dia sa twiya gu nima adimbila gu manu, diefa lubu lwengi dia nzasi, misemu migola, manu di manigana ⁶ Awanzio sambwadi aga kedi amana guisiya ma mwudi mwudi sambwadi. ⁷ Utegu wushiga twiya ye magila. maduga dia mbila hasi, mu mwila gidini gimanu ye ndambu yi midondu ye yitondu ilungula ⁸ Umbadi ushiga gima gimosi nga muselu giesa gu bwa mu nzadi. ⁹ gidini gi nzadi gialumuga magila yima yiga zadidi Nzambi gi guzinga mu mema yifa, ma wadu mabeba. ¹⁰ Wanzio usadu diua siga mvudi mvudi mioda mineni nga bugi du twiya diesa gu bwa mu nzadi mu migedi ye mudidi. ¹¹ Kumbi yi mioda beni Absinti gidjini gi mema giesa gadi, hadu engi dia fa ¹² Wanzio ungwana diasigulula mvudi mvudi gidjini gi mwani, gi gondi ye mioda di yebela giesa gidjini gi mosi mwani umosi piba gu gondi lo igagedi ye mwana. ¹³ Di dala, ngiefa nzila muneni uvulumuga mu hulu, dia hosa mu ndaga igola:« Kenda, Kenda, Kenda gwena hadu ena hasi mu mwila mvudi mvudi isadidi mugu siga gwena a wanzio sadu.»