¹ Gunima dio udala a wanzio ngwana azangugidi mu masulu ma manu, aga gamini ngolu muhunga ngwana yi manu, mu mwila mbi si muhunga umosi gu gonda guyida mu gifudji, mu mema ye mu midondu. ² Didala wanzio uduga guguduganga ndagu, hugamini gidimbu gi Nzambi umoni. Dia hosa mundaga igola gwena a wanzio ngwana na uganzwida nzua yigusala mabi gwena manu ye mema. ³ Gusala gubiya lo hashi ye mu muma, si mudondu umosi lo ti dangu digusa gidimbu, gimesu ma konso mudu ugusadilanga Nzambi wedu. ⁴ Himenanga talu yi hadu agasa idimbu: mafunda nkama ye magumi mawana ye mawana agasidi idimbu agakedi mu giganda g'Isaledi. ⁵ Mafunda gumi ye madi mu giganda gi Yudasi; Mafunda gumi ye madi mu giganda gi Rubeni; Mafunda gumi ye madi mugi ganda gi Gad; ⁶ Mafunda gumi ye madi mugi ganda gi Aser; mafunda gumi ye madi mugi ganda gi Nefitali; mafunda gumi ye madi mugi ganda gi Manase; ⁷ Mafunda gumi ye madi mugi ganda gi Simoni; Mafunda gumi ye mugi ganda gi Levi; ⁸ Mafunda gumi ye madi mugi ganda gi Zabiloni; Mafunda gumi ye madi mugi ganda gi Benjamin aga sidi gi dumba. ⁹ Gunima gio, di dala lufunda lu hadu mpila gwa danga lo, aduga mugi fudji gi kima, mu mandaga makima, hadu akima ye ma ndaga makima, adumamani gumesu gifumu ye gumesu ma lumema. agakedi muma lobu ma mpembi gu miogu agamini manga. ¹⁰ Ye dia hosa mu ndaga igola: « Lubigu gwena Nzambi wedu huga wena mu gizi gi gifumu. » ¹¹ Awanzio akima agakedi pembeni ye gifumu gi Nzambi, ye akaga ye yima yi wana imoni iga sadidi Nzambi aga bwidin gumesu gi gifumu gi Nzambi, mesu hasi mugu samba Nzambi. ¹² Dia hosa:« Amen, mayangi, lugumu, ndungi mapimbu ma Nzambi, lugumu, ye ngolu gwena Nzambi miziga ye miziga. Amen!» ¹³ Mbuda humosi mu dia ngula: « aha hana avada malobu ma mpembi, ye kwa duga.» ¹⁴ Yi mwambila: «Fumu wami ayu wisi» ye dia hosa: « Hena ho agududadisa mapasi zingi. me loo aga vidi agavada malobu mowu mu magila ma muna lumema.» ¹⁵ Ye gio, aga zanguluga gumesu ma gidji gigi fumu, agu musadilanga piba ye mwani. ¹⁶ Agefagu pwisa mema ye nzala gu dia. ¹⁷ Mu mwila muna lumema huga wena mu gidji gigi fumu, maga giebanga nga mudu yo ugu banga ma mema. Aka dwalanga mu hana migedi mu luzingu, ye gio Nzambi aga gumuna sanga ziena mu mesu mowu