¹ Di dalanga gu hulu, lumema wanzulula gidimbu, dangudi lumema wanzulula gitegu mu nsambwadi, ngiefa umosi mu hadu amani ngwana, munu gu ndenziga mundaga igola: «awisi!». ² Di dala, punda upembi. mudu mu hulu ugamini dionga ye pu usendfa pogu igifumu aga muwedi, uduga mulugumu. ³ Lumema wanzuluga gidimbu gimbadi, dia gianzulula gi dimbu giefa mudu umosi umbadi dia hosa:« awisi mu mbala imbadi!» ⁴ Punda diega di benga mu di duga. mugu gadula pwedi di gifudji amu wa pogu mbi hadu aziyasagani yowe yowe. ⁵ Dia gwanzulula gidimbi gi sadu, mbala zi sadu dia gwanzulula punda yigu bumbula iguga, mudu ugamini gi dunga. ⁶ Ubanda gu hosa: «gidunga gi mosi gi masa falanga lumosi idunga sadu yi madudi falanga lumosi. Adi gu gama lo gu mosa ye magana.» ⁷ Dia gwanzulula gi dimbu gi ngwana ngiefa ndanga yiu ngwana di mudu dia hosa:«Awishi!» ⁸ Punda yi selu selu iduga. mudu a wulu kumbu ifwa mafugu ma lu fwa munu gu mulaba. giyega gi gigu zila gidjini ga mosi mu magabu ma wana mu pogu, nzala makasi ye ashidu ukabu gu miogu menzi ⁹ Dia nzulula gidimbu gi tanu dia dala gushi mesa, mioni mi hadu afwa gisina ndaga yi Nzambi yi mbangi yi pimbu. ¹⁰ Munu gu hosa mu ndaga igola: « Ti ndangu digi fumu muneni, magesa gusambisa musantu ye ugagidi magesa gusambisa hadu abi duzidi mwila magila medu?» ¹¹ Konso mudu a hana ma mvela yi pimbu mbi ameni apangi ziowu amosi abagumena lu fwa. ¹² Dia gwanzulula gidimbu gi sambanu, dia dala manu munu gunigagana gi gola. mwani giesa piba, ngozi nga makila. ¹³ Mioda mi bwanganga hasi nga ndumba zi gonda gubenga mu muhunga igola. ¹⁴ Hulu dibila nga gibugi gia ba gushindiga. miselu ye du isangi du mishidu mu migaduganga. ¹⁵ Adidi, Antotila, ye afumu asuda, amvama, adu agola ye hadu hega, a higa wa hadu a gonda masumu ha gu swama mu mamani ma neni. ¹⁶ Dia lesanga miselu ye mamani mbi:«Du bwidi du, du swegi gu mbunzu di mudu yu ubwa hasi mugi fumu ena mu kabu di lumema. ¹⁷ Mwila hufugu muneni ukabu giesidi adi na guguga ufugu beni?»