¹ Wanzio utanu dia bula mvudu mvudu, didala mioda gu duga mu hulu di bwa hashi, diua muwa fungula di wumbu di bilungi. ² Dianzulula wumbu di bilungu mudidimba umwisi utwiya uduga gigeledi nga fulu di magala. Dangu di dialumuga nga mu wumbu wo ugadugidi ³ Gunima di mwishi, dia lumwanga aha hashi dia gawedi giyega gigeledi nga kia hudu aha hashi. ⁴ Giyega gio lo gigakedi mugu gebisa gima gimosi, giyega gigakedi gigu sala hadu ho gubiya aga gondjidi gidimbu gi Nzambi. ⁵ Lo agawedi giyega gi guzioya hadu, kaka giyega gigwa nwanina a ngodji tanu, pashi jowu iigakala nga gi gusumanga kutu mudu. ⁶ Mafugu momo, hadu maga gomba lu fwa lo agaluzwa, aga zola mbi afi nswalu ha lu fwa lugadjina gudadi gowu. ⁷ A posu aga kedi nga a mpunda hoho aba gu dwala mu idumba. aga vadjidi ha wulu midu miowu yima yo yiga fanaganini nga ma pu ma wolu, ma mbunzu mowu maga kedi nga ma mbunzu ma hadu. ⁸ Mavuni mowu maga kedi nga dubu du agonusa, ye mazu nga ma atambu. ⁹ Agakedi avadjidi gazaga nga yibende lubu lu mavagavaga mowu maga kedi nga lubu lu ma pusu pusa ye a punda aba gwenda gidumba. ¹⁰ Migila miowu migakedi nga sulu zi migila mia gudu, mu migila miowu gugakedi ye giyega gi gu sala hadu gubiya a ngondi tanu. ¹¹ Afumu wowu aga kedi gu mashi ma wumbu di ilungu. amu lendiganga mu ndaga yi Ebeleyo: Abadoni ye mu ndaga y'Akelegi: Apolioni. ¹² Pasi zi tegu di hida. gunima di mapasi ma mega madi mena mu gwisa. ¹³ Dangu di dula wanzio usambanu ubula mvudi mvudi, di ngiefa ndaga iduga mu ibangu yi mesa ma gimenga ma wolu gu mesu ma Nzambi. ¹⁴ Ndaga di yambila wanzio yo yusambana:« wanzulula misinga miomio miaga ganda a wanzio hoho ngwana mu mbimba yi nzadi Efalada.» ¹⁵ A wanzio ngwana hoho aga yilamanini mu dangu dio, mu ufugu wo, mu ngodji yoyo, ye mu mvula yo, aga hegidi mu mwila gu ziya ndambu zi hadu. ¹⁶ Asuda a wulu ma punda aga kedi mafunda madi. ¹⁷ Dala mpila yi ga dadidi a punda ye hadu ho aninanga a wulu gu ndoshi: Aga kedi awadjidi duzaga du benga nga twiya du mosi du bumbula du mashi du joni, midu mia punda migakedi nga mia tambu, guganu gowu guduganga twiya, mwisi ye muhunga. ¹⁸ Ibudi isadu yi hadu giga fidi mu idumba yi: Twiya, mwisi, ye muhunga wowo uduganga mu maganu mowu. ¹⁹ Ngolu gia punda ho jigakedi gu maganu ye mugu migila miowu. mu gio migila migakedi nga anioga ye midu mu mwila gulemigisa hadu. ²⁰ Gibudi gi hadu ho aga sadidi, agakedi ho agakondji gufa mu idimbu yo, lo agalumunini midjima mu mabi makima ma sala owu. ²¹ Adidi, lo agegidi guziya hadu mu ulogi wowu, mu gindumbu giowu ye mu wimbu woupala.