¹ Adi, didala shidu uduga mu nzadi. Agakedi ye mbongo gumi ye midu nsambwadi. mu ibongo mienzi iga kedi ye pu yigi fumu yi makumbu masoni. ² Shidu beni akedi nga nzama, gu milu mi mbwa gu ganu tambu. adi nioga muwa giyega, ye gifumu, ye giyega mu mwila guyala. ³ Mu midu nsambwadi, mudu umosi dikedi nga di fa, gidu beni miga belugidi. Gifudji muhundu diga kedi mu dala shidu beni. ⁴ Masambilanga nioga mwila gifumu gienzi, nioga beni a hosanga: « Nga wena nga shidu?» « Ye na fana gu mu nwanisa». ⁵ Gana di mosi di dusanga mishingu ye yima isoni diaga senzidi gwena shidu. aga muwa nswa mugu yala a ngonzi magumi iya ye miadi. ⁶ Adi shidu beni aduganga Nzambi ye akima ena gu hulu. ⁷ Aga wedi nswa gwena shidu mugu dusa gidumba ye a Klisto. Dia muwa gifumu gwena hadu akimina, ma ndaga, ye ma ndaga migifudji. ⁸ Hadu akima ma musambilanga, konso yo lo ena ye kumbu mu muganda umoni banda dia gasadidi gi fudji ena hadu a Yisu. ⁹ Mbi mudu ena ye madwi, efi. ¹⁰ Ayu kega ena ye bilungi endi, mbi yo gulu dua mu lu fwa upogu maga fa mu pogu. Adi diena gu lenziga mu lugwigilu mu asantu. ¹¹ Adi, shidu mwega giduga gushi manu. Aga kedi ye yibongu madi nga lumema dia hosanga nga nioga. ¹² Dia sala gifumu gi shidu utegu ye dia lesa gifudji mu ngolu wa hadu mugu sambila shidu ( Yeyo gakedi ye gidu gi lu fwa.) ¹³ Dia sala impa. ye beni dia gulumusa twiya gwena hadu ¹⁴ .Ye idumba dia binga mugu bedisa hadu agifudji. wa alomba mugu sala gitegi mu lugumu lu shidu hu galemini pogu ha mazinganga gonzi. ¹⁵ Amuwa swa, digusa moyo gwena gidegi gi shidu, mugu hosa ye mugu ziya akima aduna mugu sambila shidu. ¹⁶ Dia lesa kega hadu akimi, amvwama ye ansugami, a higa mugu senda gidimbu mu gogu digi yala ye gu mbunzu. ¹⁷ Lo dikedi ye mpila, konso yo mugu sumba to gutega mbi lo hena ye gidimbu gi shidu, wena ntalu yiba gulesa makumbu menzi. ¹⁸ Yoyi iba gulesa ndungu. mbi mudu ununga pimbu, untalu yi shidu. Mwila ntalu yenzi gwena mudu. ntalu beni yena kama zi sambanu ye magumi ma sambanu ye sambunu 666.