¹ Gimangu gigola giga monigidi gu wulu: Mugonusa umosi wadidi dangu ye gushi milu mienzi ye ngonzi; yi pu imosi yi gifumu ye mioda gumi ye miadi a wulu mudu. ² Agakedi guvumu ye abuganga mwila bulu yi guvala. ³ Gidimbu giega digi gamonigidi gu wulu: Dala! gugakedi ye nioga umosi muneni mu benga aga kedi ye midu nsambwadi, ye ibongu gumi ye gugakedi ye mapu nsambwadi awulu mudu miowu. ⁴ Mugila wenzi ugama ndambu djisadu zi mioda gu wulu ye dia mbila hoshi. Nioga dia zanguluga gu mesu ma mugonusa uzolanga guvala ye manunga ma gumina mwana mbala mosi mbi uvala ⁵ Dia vala mwana yala, ayo ugadwadisa yiganda gikimina yi gifumu gi gibende. Mwana wenzi agagandugidi gwena Nzambi kega gu ndambu yi gifumu gienzi . ⁶ Ye mugonusa dia dina gugi fudji gi washi ago Nzambi dia gahidigidi gihana mwila yeyi mwila kega amu sadisi mafugu funda dimosi ma nkama madi ye magumi masambanu. ⁷ Kega, gugakedi ye kidumba gi wulu Mishela ye awanzio endi dia nuanisa nioga, ye nioga ye awanzio endi dia gindigisa. ⁸ Nioga lo agakedi ye ngolu ji gubingila. Lo kega agakedi ye gi hani gu wulu ye awanzio endji. ⁹ Nioga ayo muneni, nioga yo mugulu wa lendjiganga Sadana yo gifudji gikimina aga mumbididi hashi ye awanzio endji. ¹⁰ Di ngiefa ndaga igola gu wulu: « Dangu adi gubiya, ngolu ye gifumu gi Nzambi gi dula, ye gifumu gi munendji. Mugio mufundji dia anedu ugenda gu mesu medu; yeyi wa fundanga piba mwani gwena Nzambi ¹¹ Aga mubingidi mu magila ma Yisu ye gimbangi gia hosanga, Mwila lo azolanga luzingu lowu ti gulufwa. ¹² Mugio nukadi mu kiesi, gifudji ye yima ikimina yena mo. Kenda jingi mwila manu ye mema mwila Sadana ugagulumuga gwena anu. ugefa kabu jingi mwila weshi yeyi mbi dangu diendi digugidi. ¹³ Dangu nioga diesiya mbi aga mu mbila hashi, dia labulula mugonusa ugavadidi mwana uyala. ¹⁴ Dia ga wedi mugonusa mava madi nga malugadi lupungu mwila avulumugiengi ti mughi hani gia hidiga mwila yeyi mugi fudji gi washi, gi hani gio gia gumusadisa, ma mvula masadu ye ndambu gu gonda nioga. ¹⁵ Nioga dia luga mema mu ganu dienzi nga nzadi, mwila ma zadi mwila mamu dwadi. Ha manu di mesa gusadisa mugonusa. ¹⁶ Manu di manzulula ganu di mamina mema di gadushi nioga muganu dienzi. ¹⁷ Nioga agakedi mukabu ji mugonusa ye dia gedi gunwasa akaga aho agasadidi , awo alemvuganga mu misigu mi Nzambi, ye adanga gimbangi gi Yisu. ¹⁸ Tunda giogio nioga agedi gu wena mukugu nzadi a wulu zelu.