¹ Dia pa gizini gi mudondu. dia ndesa:« Zanguluga desa nzu yi Nzambi ye yima ikima mugazi. ² Ha gu mega lo muwangu mwila maga hanini gwena Ayuda maga dula gu mbu di santu mu miziga magumi iya ye mbadi y'angonzi. ³ Miga hana giyega gwena a mbangi mbadi dia vada Goodji, mugu bigula mafugu masambani. ⁴ Hena midondu mi kefu ye intu guga sila mudinda giga domamana gu mesu mi Nzambi. ⁵ Mbi hoshi mudu wu pona gisalu gibi twiya miga duga muganu dienzi migulungusa a mbeni. Hoshi mudu ayo agugana gu musala gubiya maga fa. ⁶ Ambangi ena ye giyega yi gu ganda wulu mwila ma mvula magonzi gunoga dangu dia badi gubigula. ena ye giyega yigusaoba mema magumi magila ye gubula gifigji mu makasi konso dangu dia zola. ⁷ Dangu diaga manisidi guhana gimbangi, shidu yo uga dugidi mu wumbu di twiya maga nwanisa. Yeyi maga binga ye maga jiya akima. ⁸ Mila miowu mu ma mbuga ma neni maga gomini Yisu mu Nkulusi. ⁹ Mafugu masadu ye ndambu hadu akimina ye mandaga makima, mesa gubaga yigudi, ma duna magwa ziga mu malumba. ¹⁰ Hadu gifudji munu gusebila mwila ambigudi mbadi mugu yangigisa hadu mu manu. ¹¹ Ha, gunima di mafugu masadu ye ndambu, moni lu Nzambi migwa zangulusa ye woma yi gola gwena hadu agudala impa yo. ¹² Adi, m'agwifa ndaga igola gu hulu munu gu hosa:« Gandugena ha.» dia guganduga mu hulu mu mbundu gu mesu dia mbeni. ¹³ Mu dangu dio, manu magu nigagana gi gola gizini gi mbu muzia guduluga hasi. ye ha funda sambwadi m'agu fa a ha gubiga magu hana lugumu gwena Nzambi gu hulu. ¹⁴ Pasi zi mbadi zi hida. Dala pasi zi sadu ziesa tina. ¹⁵ Wanzio usambwadi ubula ngoma ye mandaga magola mu hulu munu gu hosa:« gifumu gi gifudji giesa gifumu gi Nzambi wa Yisu. maga zinga gu gonda nzuga. » ¹⁶ Adi, minunu magumi madi dia bwa hasi mugi fumu gu mesu mi Nzambi dia bwa mbunzu hasi abanda gubigila Nzambi. ¹⁷ Dia hosa:« Dugu wa lugumu, Nzambi di hulu ayi wena, mugakala, mu mwila usenzidi ngolu ubanda gusala. ¹⁸ Gifudji giga kedi mu lashi ha kabu ziayi iyesa. Adi dangu ziesidi adua fa m'aga sambisa Asantu, wa hadu azitisanga kumbu yayi dangu ziesidi mugu walusa hadu a ziyanga gifudji. ¹⁹ Adi nzu i Nzambi yanzulugidi gu hulu sandugu yi gwifilagana gi moniga mugazi. mwinda yi wangala, lubu igola, manu manigagana ye mvula yi gola.