¹ Didala muna dimema wenini gu muselu wu Sioni. aga kedi ye hadu mafunda nkama yi mosi ye magumi mawana ye mawana aga soniga zina dida dedji mbunzu. ² Diyefa ndaga yi hulu nga lubu lu mema ma nzadi ameni lwega nga lu nzasi. lwega lu gakedi gifa gi mosi lu fanagana nga lubu lu hadu aguziga kitadi ³ Abiganga mi gunga miye miye gu mesu ma gidji gi gifumu ye gu mesu ma hadu ngwana amoni ye anunu. ena mafunda nkama yi mosi ye makumi mawana ye mawana aga gatula mu gifudji, lo gwena ye mudu uyina gubiga mugunga wo. ⁴ Hadu wo ena wowo agu gonda gusala wungungu ye agonusa mu mwila agu lugeba mugu kala ye agonusa owu agu landa dimema osi go gu diayi. Owu aga pona mugi fudji gi manu hadu ategu a Nzambi ye a mwana wendi. ⁵ Lo gwena ye pandji ibi yu pola ya gu hosa muganu diowu; ena hadu agigidi. ⁶ Yidala wanzio mwega wu vulumuga gu hulu, aga kedi ye musamu wu Nzambi upimbu ugu hosa gwena hadu agu zinga aka mu gifudji gimanu, maganda makima, ndaga ikima, hadu akima. ⁷ Ahosa mundaga igola«Tinenu Nzambi, mu wenu lugumu mu mwila dangu digu sambisa diesidi. yeyi mugumisenu yo ugasadidi wulu ye manu a nzadi ye mididi mi mema.» ⁸ Wanzio wega, umbadi ulanda dia hosa: « gibwa, gibwa Babiloni ayi wena muneni wugu nwanisa gi fudji gi kima mugu nwa magana mugu sala wungungu gasadidi wulu ye manu a nzadi ye mididi mi mema.» ⁹ Wanzio mwega, wanzio usadu wulanda dia hosa mu ndaga igola:« Mbi mudu ugu sambila sidu ye gifwanusu gienzi wagu senda gifa gi mbunzu yendi mbi miogu miendi, ¹⁰ Agu nwa magana ye kabu zi Nzambi, magana maga yidiga a mosa mu galu ye kabu ziendi. Mudu wo gunwa magana aga kala tuya duga muya ngisi ye pasi gwena a wanzio a santu ye gu mesu ma dimema. ¹¹ Mwisi waga yangisa dangu dikima lo aga kala pwede mwini ye piba, adu agu musambila sidu ye mbunzu, osi yo agu senda gifa gi zina diendi. ¹² Ayi yena mugu lesa mugu kala ngolu gu gonda mudjima gwena awo ena santu awo agu lemvuga mu misigu mi Nzambi ye gusa mudjima gwena Yisu.» ¹³ Gu hulu, yefa ndaga imosi: «Soniga gigi: sagumugenu adu wo aga fa mu zina di Nzambi.» «Yee», gi hosa mudimu usantu, «Agio ayina gubema mu isalu yowu ipimbu mu mwila isalu yowu ipumbi iyina gwa landa.» ¹⁴ Idala ye imona maduda ma pembi. agati ga maduda nga muna mudu ubwidi hasi. Yena ye musinga wu wolo awulu mudu wendi ye pogu yi gabu gu miogu miendji. ¹⁵ Agio wanzio mwega wuduga mu nzu Nzambi wulendiga wanzio awo ugagedi agati ga duda mu ndaga igola:« senda pogu yantiga mugu gadula ndumba dangu digugidi mu mwila ndumba zi bengidi.» ¹⁶ Ayo gagedi ubwidi hasi agadi ga duda womba pogu aha mu manu manu magadala ndumba. ¹⁷ Wanzio wega uduga mu nzu Nzambi yi wulu; agagedi kega ye pogu yi kabu. ¹⁸ Wanzio mwega kega uduga gu mesa ma bidi, agakedi fumu mugu yala twiya. dia hosa mu ndaga yi gola gwena Wazion ugagedi ye pogu ikabu:«Womba pogu yayi gadula ndumba zi masa mena mu manu mu mwila masa ma bengidi.» ¹⁹ Wanzio diomba pogu hasi dia fugisa ndumba ziozi gima zi masa ziena hasi. Aga wombila mugima gineni Nzambi agagedi ye kabu zingi. ²⁰ Gima gio dia womba hanzi, gigama guduga magila nga ma ngombi muneni wu funda dimosi yemagama masambanu.