¹ Mu woma wo,mu mwila adu dwena agadji gadji ga gibudi ga ambangi,adu dufana gumbila yima yikima ayo yigudu wanga lemu ye masamu mo magu dugandanga mbuga mu pwede,<> ² Adu dudadidi Yisu,mweni lugwigilu lwedu ye yeyi ugu ludianga,yeyi mu kiesi maga luswegidi mu mwila du,ma gaganzidi muzima awulu nkulusi,maga mvenzidi soni,ye yeyi maga bwidi hashi mu gogu di gidada gu gifumu gi Nzambi. ³ Mu gio adu dufana gudala mudu yo uga ganzidi muzima mu minianga mi gifa gio mu mbuga yi hadu engi ama masumu gu mesu ma gimudu gienzenzi,mu mpila mbi anu nugonzi gudiega ye nuganzi guhela. | ⁴ Anu lo ginu ganda muzima de mu magila,mbi lo gunwana ye masumu. ⁵ Ye anu nuga yadila malongi amo menu gefidi nga ana:<> ⁶ Mu mwila Fumu maga bula mudu mukima ayo wagu zolanga,ye maga hana ndola gwena mwana muikima ayo waga yamba. ⁷ Anu nufana guganda muzima mu gisalu gienu nga go mbi gwena longu.Nzambi magu solulanga yanu nga giagu solulanga ye ana,mu mwila mwana mwegi ayo ugu gondanga gwifa longu di dada wenzi? ⁸ Ha mbi anu lo nwena ye longu,mu yo adu akima dwena ye giyega,mu gio anu lo nwena ana enzi aguvala ye lo kega mbi ana enzi. ⁹ Gisi,adu mudu gakedi ye adada edu aha ashi mu mwila gudu longa,ye adu mudu gumu zidjisanga.Adu lo dufana guzidjisa dada yo wena ye gimpeve mu mwila adu mugu zinga? ¹⁰ M u mwila dada wedu maga dulonga mu mamvula ndambu nga giga kedi yigu guga,ha Nzambi adu dulonganga mu mwila mapimbu medu,mu mpila mbi adu dukadi ye gabu mu mapanzi mapimbu. ¹¹ Gunioguga gumoshi lo gufana gukala pimbu,ha mbalu yega,yoyi yena pasi zingi.Mbuga yimoshi,yoyi ifadi ndumba zi pimbu de gogo zi gagidi mu mwila hadu o asalanga. ¹² Mu gio,anu nufana guhana ngolu mu miogu mienu migu salanga mapanzi wagu hela ye mabongu menu menamawa guhela, ¹³ Ye,mbalenu mambuga ma sunga mana mu mwila milu mienu,mu mpila mbi mudu wena ye gifu mu milu agonzi gubila ha asenzi lusadisu. ¹⁴ Ngambenu pwede gwena mudu mukima,ye mapanzi mapimbu kega mbi gio lo,lo gwena mudu uga dala Fumu. ¹⁵ Wanzu lulenu mesu mu mpila mbi nugonzi gudi ganda mbuga mu mapimbu ma Nzambi,ye lo gwena ye mugasi uwu kadi ufana gugula mu mwila mu gwingisa gisaga saga,ye mudu mukima abwi mu makasi mo. ¹⁶ Wanzu lulenu mesu mu mwila mbi gugonzi gukala ata ndumbu,ata mudu mubi nga Ezawu ayo mu mwila madia yeyi dia dega gimbuda gienzi. ¹⁷ Mu mwila anu nwisi mbi gunima,mu dangu dio diena mbi yeyi munu gununga mu gugamba lusagumunu,yeyi maga mbilamanini,mu mwila yeyi lo aga dadidi mfunu yimoshi yi gwalumuna muzima gu mesu ma dada wenzi,ata giogo gia mugambanga mu idilu ye sanga. ¹⁸ Mu mwila anu lo nugesidi gu muselu mu gugamuga,muselu uga gamini twiya,piba,maduda ye mbundu. Anu lo nugesidi mbi mu mwila lubu lu ¹⁹ ngoma,mbi lo mu ndaga yiga dugidi,nga gwena o efanga ye owu mulanga lo gugakedi ye mudu waginzi gisilanga mvudu. ²⁰ Mu mwila owu lo aga gugidi mu guganda muzima muyo yiga hosamanini:<> ²¹ Nsaga zio zigakedi sila zi gola giga hosidi Mose:<> ²² Ha,mu mbalu yega,anu nuga dugidi gu muselu wu Siyona ye gu mbanza yi Nzambi umoni,Yeluzalemi di wulu,ye ibugi kumi yi mafunda ma awanzio mu fedji. ²³ Anu nugesidi mu imvuga yi hadu akima aga valugidi tegu aga sonamanini guwulu,gwena Nzambi mudu uga sambisa hadu akima,ye mu gimpeve gi hadu aga gidi aho ena mu gadji ga mapanzi mapimbu. ²⁴ Anu nugesidi gwena Yisu,mudu yo uga gumbudidi gimbayi gihe gihe,ye magila maga ziagugidi muma guhosanga pimbu guhida magila ma Abedi. ²⁵ Anu nufana gudi gieba mu gugonda guduna mu gwifa ndaga yi mudu yo ugu hosanga.Mu mwila mbi owu lo aga zinini,mu dangu diaga duninimu gwifa ndaga yi mudu yo wa dimunanga mu manu,adu lo duga zina ata ndambu mbi adu dwalumuga gwena yo udu dimunanga banda guwulu. ²⁶ Mu dangu dio,ndaga yenzi miga nigisidi manu.Ha mu dangu di,yeyei maga ganini ye maga hosidi:<> ²⁷ Mapanzi mo:<>,gugadula mapanzi mo mani gisanga;gizola gulesuga,mapanzi maga kedi banda luyanzigu,mu mpila mbi mapanzi mo maga gonzidi gusala mana,momu masala mani. ²⁸ Mu gio,yambenu gifumu agio gigu gondaga gufwa,adu dukalenu ye nunga di gudala mapmbu magusala mudu ye mu mpila yo,dusambenu Nzambi ye luzidu lwingi sila ye woma. ²⁹ Mu mwila Nzambi wedu ena twiya ado dugu lungusanga.