¹ Dangu di luguigilu diena gu gumbula mugu zwa yima yi ba gamba. si lo yandu udi dala gu mesu. ² Mwila, mugio, a kaga ziedu aga kedi mu luguigilu. ³ Mu luguigilu, du gu gumbulanga mbi gi fuzi giga sala manini mu inswa i Nzambi, mwila yima ikima dugu dalanga maga salamanini. ⁴ Mu luguigilu Abedi maga hanini minkawudi yi pimbu sila lombi Kayina. yoyo Abedi aga monigidi mu pimbu.Nzambi maga mu ngumbudidi mwila minkawudi wendji yoyo mu luguigilu, Abedi magu hosanga si gigi ufa gonzi. ⁵ Mu luguigilu Enoki a gedi mu hulu logonzi aga fidi. «lo a mu dadidi mwila Nzambi maga mu sendidi». Mwila gu ntwala mu gwe muhulu, maga hosamanini ena mu pimbu mu mesa ma Nzambi . ⁶ Gu donda luguigilu, lo ufana gu gumbusa yeyi. mwila mudu yo ba gwisa gwena Nzambi ufena gumbula mbi lu futu lwena gwena haha gu gambanga Nzambi. ⁷ Mu luguigilu Nowa usaga gebugidi gwena Nzambi mu yima yi ko gu moniga tegu, mu woma yi gi Nzambi udunga nzanza mwila gu geba gi ganda gienzi. mugu sala gio, udusa yima yibi yi gifudji adi uguma mudu mu pimbu mu luguigilu. ⁸ Mu luguigilu Abalahama, dangu dia mulenzigidi, u lemvuga wa mugi hana gia mu lesidi. waya gu ko guisiya gwa ba gwenda. ⁹ Mu luguigilu waya mu manu ma pimbi nga munzenzi. ubida mu manzu wa Yezaya ye Yagobi, gi lanzigi ma pimbu. ¹⁰ Adi, dia menanga gu dunga mbu di neni ye beni Nzambi ufana gwa dungila. ¹¹ Mu luguigilu gwa Abalahama uzwa ngolu digu vadila, migasienzi Sara aga kedi mugobu. yima lo isalamanini mu miziga mengi. mwila maga kedi ye luzidu, yi guzitisa ndaga yi Nzambi. ¹² Yoyo gwena mudu yo ga kedi heyi heyi mu lu fwa, uvalusa gifuzi muhundu. yesa yengi nga mioda gu hulu, ngangumba zi manu mu kugu yi nzadi lo ufana gu idanga. ¹³ Akima aga fidi mu luguigilu mugu gonda gu senda lusagumunu. mu mpila yega, mu gwa dala ye mugwa wa mbozi, mu gwa gesiya mbi maga kedi a nzenzi ye a yisi mbuga mu manu ma gi fudji. ¹⁴ Muila a ha gu hosa yima gi fagio munu gulesa wangala mbi ena mu gu gamba gizini gi manu mu mwila ho beni. ¹⁵ Mugio, maga dadidi gifudji gia dugidi, aga senzidi nzwa ye gu ginzigila. ¹⁶ Adio, maga godidi gi fudji gi pimbu gu hulu. adi, Nzambi lo aga kedi wa soni mugu lenziga , Nzambi,Nzambi wowu aga yidigidi mbu mwila awo. ¹⁷ Mwila mu luguigilu Abalahama, mugu luda mugu megamana u hana Izaki, mu nenzi u yala umosi dia hana nu nsilulu. ¹⁸ di ga kedi Abalahama dia hosidi: « Gwena Izaki giga duga hadu enzi.» ¹⁹ Abalahama ununga Nzambi ena ngolu mugu lundusa Izaki mu lu fwa mu mpila yigi fanusu, maga di zwa gu nima. ²⁰ Mu luguigilu ke Izaki u sagumuna yagobi ye Ezawu mwila yima yi gesa. ²¹ Mu luguigilu yagobi, dia fidi, u sagumuna a nenzi Yosefi, Yagobi usamba, u gama mu hangu wenzi. ²² Mu luguigilu lu Yosefi dia dudidi gu nsuga, u lesa ana Isayeli mu gwenda gonu gu Ejipiti wa lesa mugu senda igudi yenzi. ²³ Mu luguigilu Mose, dia valuga, aga mu zwegidi ngonzi zi sadu. gwena adada zienzi, mwila aga kedi mwana mu pimbu. lo aga fidi woma yi ntotila. ²⁴ Mu luguigilu Mose, uguma mbuda mu gu mu lenziga muna Pharaon. ²⁵ Adi u pona gonzi mugu kala mu gimpiga. ye adu a Nzambi mugu gonda gu kala mu migembo mu ga dangu ga zigki. ²⁶ Agafidi soni mu gu laba Yisu nga gimvuama gi neni gu ngipiti. mwila dia sa mesu menzi mu yima yi guisa. ²⁷ Mu lu guigilju Mose dia gadugidi gu ngipiti. lo gonzi a dinanga woma wu fumu, adalanga buna gi fumu gi Nzambi. ²⁸ Mu luguigilu dia dalanga pagu ye gu diaguga gi magila giga walusidi ana ategu gi ko gama ana tegu ya si Izaleli. ²⁹ Mu luguigilu dia bwila nzadi muneni. ashi Ngipiti dia nioma. ³⁰ Mu luguigilu kibaga gi yeriko miga buidi gunima dia di jedanga ma fugu nzambwadi. ³¹ Mu luguigila Rahabi ndumbu lo afidi ye adu mudu gugola mwila aga swegidi mudu ugi nswegi u Nzambi ³² Yigi igu hosulula kega? mwila dangu di gonda di gu hosa mwila Gedeyo, Baraka, Samisioni, Yefete, Davidi, Samwela ye ambigudi. ³³ Nayo, mu luguigilu, dia bingidi gi fumu, dia sala ndungu zi gu senda ma ganu aganzidi ma ganu mia ntambu. ³⁴ Uziya ngulu di tuiya, dia hidisa pogu, dia ga dula makasi, u guma suda mu gola, dia dinisa a mbeni. ³⁵ Agonusa dia filumuganga a fwa mugu hinduga a mosi mu mimoda. lo azodidi mu gwa hega, mugu dala gu hinduga gu pimbu. ³⁶ Amosi a aseyanga wa ma fimbu, ye mishinga mi bologu. ³⁷ Amombanga mamani, mbadi mbadi, mugwa vuga miminu mu ma pogu. a pu banga gisaga saga, dia vada ma pela mia mema ye ya kombu mu gwa sala gubiya. ³⁸ Aho gi fudji llo diga kedi pimbu, hedi gu miselu, mu ma nzu mi zigi zigi ye mu manu. ³⁹ Agio, akima akala mu gu mega yi Nzambi mwila luguigilu, lo azuidi yima ya gambanga. ⁴⁰ Nzambi dua dala yima ipumbi mwila du, lo agofidi gu gonda du.