¹ Mu mwila misigu miena buna kivu vudi gi mapanzi mapimbu magesa gu mesu, ye lo mbi mu mapanzi magu salamanga mugadji di momu. Adu wo aba pusana gwena Nzambi afana gukala ye gagidi mu mbuga yi makabu amo magu hananga a nganga Nzambi wowo mu hosi mvula. ² Mugio, lo afana gwega mugu hana magabu mo? Mu mpila yo mbi ho magofi mbalu imosi buna, hadu agu sambilanga lo afana gu kala ye manunga ma masumu. ³ Ha ye makabu mo, howu magwibuganga masumu mvula ye mvula. ⁴ Magila makombu ye ma mema lo ma fana gu gadula masumu. ⁵ Dangu di gesidi Yisu mugi fudji, yeyi aga hosidi: ⁶ «Ayi lo ufana gu gumbula makabu ye minkawudi. Mbalu yega gwena mwila wuga hidigidi mu mwila mi. Ayi lo wena kiesi mu makabu ye minkawudi migu hanamanga mu masumu. ⁷ Mugio iba guhosa: «Dala, ami yu; nga giga sonamana mu panzi yami mu bugu mugu sala luzolu lwayi.» ⁸ Yeyi dia hosa tegu: « Ayi lo uga zodidi makabu ye minkawudi, mi masumu. ayi lo uga kedi mukiesi si ndambu miana minkawudi miga anamanini mu mbuga yi misigu. ⁹ Gunima yeyi dia hosa:«Dala ami ngiesa mugu gugisa luzolu lwayi yeyi dia ziya gisalu yi tegu mu mwila gudusa yi mbadi. ¹⁰ Ye mulu zolu wo adu mudu gofidi mu makabu ma mwila wu Yisu Klisto mbala umosi. ¹¹ Mbalu yega, hoshi nganga Nzambi magu zanguluganga hoshi ufugu ugu sadila Nzambi yeyi mugu hananga kaka makabu momo mamosi ata giogo gi magugondanga gugadula masumu. ¹² Mu mpila yega Klisto maga dihanini nga makabu mu mwila masumu ma mvula ye mvula yeyi uga bwa hasi mu gogu digi dada di Nzambi. ¹³ Yeyi agu menanga de gogo uga guma ambeni enzi gi hani gigu niada. ¹⁴ Mu mwila makabu mamosi yeyi maga gumisidi mudu mukima pimbu mugofuga midjiga mikima. ¹⁵ Ye mpeve yi vedila mugu hananga kega gimbangi. Mu mwila tegu, yeyi dia hosa: ¹⁶ « Dala gimbayi gisala mi ye wowu gunima di mafugu ma, gi hosa fumu. Ami migasa misigu miami mu mizima miowu, ye ami miga soniga mu manunga mowu. ¹⁷ Ami lo igebuga masumu mowu ye mapanzi mowu mazilu.» ¹⁸ Dangu di, gihani gio gwena ndolula mu mwila masumu, lo guga kala kega ye magabu ma masumu. ¹⁹ Mu mbuga yo, anudu, adu dwena ye minu mugwigila mugihani giena gi usantu mu mbuga yi magila ma Yisu. ²⁰ Dalenu mbuga yi mpa ye yimoni yanzulula mu mwila du mu mbuga yi miledi, gilesuga mu mbuga yi musuni wenzi. ²¹ Ye mu mwila adu dwena ye nganga Nzambi mu nzu yi neni yi Nzambi, ²² Adu dufana gu pusana ye mizima miga gidi migazala ye minu ye lugwigilu, ukala ye mizima migofuga mu manunga mabi ye mila miedu miofugi ye mema ma pimbu. ²³ Dukalenu ngolu mu minu mugu gonda madegida mu mwila Nzambi ayo uga duwedi elaga ena gagidi. ²⁴ Dukalenu yedu yedu ngolu mugu sala mapimbu. Dugondenu gwega mugu gungamana nga gigasadidi hadu amosi. ²⁵ Mbalu yega duhananeni ngolu yedu yedu ye guhidagana sila mugu dala mbi ufugu beni ugumini pembeni ²⁶ Mbi adu dubwa mu masumu gunima digwisiya gagidi, lo gwena ye makabu ma masumu mo. ²⁷ Mbalu yega, gwena ye lufundusu luneni lu dafana gu mena, ye wumbu di twiya giga lungusa ambeni akima a Nzambi. ²⁸ Mudu uga mbididi musigu u Mose, yeyi maga fa ye lo aga mwifila kenda gumesu ma mbangi mbadi mbi lo sadu. ²⁹ Ndola yegi igola yi nuba gununga, ifana gusenda hadu wo aga zingudidi kumbu yi mwana Nzambi gu milu miowu, awo aga dadidi magila magi mbayi nga gima gi pamba magila mo maga hofidi, ye owu maga dugidi muhunga wukenda? ³⁰ Mu mwila adu dwisi ayo uga hosidi: «Kabu ziena ziami;» ye kega «fumu maga sambisa hadu.» ³¹ Gwena panzi igola iga bwa gu miogu mi Nzambi umoni! ³² Ha anu gwibugenu mafugu magulu, mu mpila mbi momu ma nwanzulu mesu mugu dala kiyo nufana gu ganda mizima mu minianga. ³³ Maga nusidi mu mesu muma panzi masoni mu misingu mugu mega mana ye anu nugakedi mugadji ye wowu mu mapanzi makima amo mahidanga. ³⁴ Mu mwila anu nuga bagidi kenda mu mbuga yi hadu aga kedi mu bologu ye munu gumbulanga mu kiesi mugu nudambula yima yenu ipimbu.Anu munu gesiyiyi mbi anu munu gabagidi ma pimbu ma mvula ye mvula. ³⁵ Anu lo nufana gumbila minu mienu, amo muga gandamana lufudu lwenu. ³⁶ Mu mwila nwene ye funu yiguganda muzima mu mpila mbi anu nuyambi amo maganuswegidi Nzambi gunima digugugisa luzolu lwenzi. ³⁷ «Kega gadangu ndambu, ayo ufana gwisa magesa sila yeyi lo aga lama. ³⁸ Mudu wami ugagidi aga zinga mu lugwigilu. Ha mbio yeyi ugaduga ami lo iga kala mukiesi yenzi.» ³⁹ Ha adu lodugusalanga mugi mvuga ye hadu wo aga dugudi mu mwila guziya gifudji mbalu yega adu dugu salanga mugi mvuga ye hadu wo hena ye lugwilu lu mioni mowu