¹ Dangu di, luzingu lutegu yi ga kedi ye misigu mi dalanga yi sambu ye ihana yi hasi. ² Mwila nzu Nzambi iga kedi yi gu yidiga. sugu ditegu yi hani ya silanga minda, mesa ye ma mpa ma dilendinganga gi hani gi santu ³ Gunima di muledi umbadi diga kedi sugu diega dia lendiganga gi hani gi santu shila. ⁴ Diga kedi mesa ma wolo mwila mananasi. diga kedi ye gi dimbu gigi mbayi aga difidiniga wolu mugazi yiga kedi ye longa di wolu dia sanganga yima, gi hana gi Aloni iga kedi ye ituntu ye mesa ma lusingu lu mpa. ⁵ A hulu gidimbu, asantu a lugumu afiganga givudi giowu lo dufedi gudi hosila. ⁶ Gunima yigu yidiga yima hi anganga Nzambi engilanga gu sugu di handji i nzu Nzambi mugu sala gisalu giowu. ⁷ Ha mbuda wanganga Nzambi buna engilanga gusugu di misigu di mbadi mbalu umosi buna mu muziga ye lo mbi gugonda magila dia hananga minkahudi mwila yebeni ye masumu ma gonda gugana mi hadu. ⁸ Mu hunga wu Nzambi di lesanga, mbuga yi gihani gisantu lo digedi go gwanzuluga mwila nzu Nzambi utegu miga kedi. ⁹ Yoyi iga kedi mahanga ma mafugu ma. Magubu ye minkahudi maba guhanamana mafugu ma lo difana guhidiga mizima mia guigisi. ¹⁰ Howu dia ba gudala magana yima yi kudia ye yima yi mosi yi ma fugu ma. yena yima yi mwila dia gasonigidi tegu, ye dangu di gesa gusalamana yima yima yi mafugu ma. ¹¹ Yisu dia gesidi nga mbuda wa nganga Nzambi mwila yima yi pimbu gia yidanga muma ma nzu ma Nzambi ma neni ye ma pimbu lo disalamana mu miogu mi hadu ye lo gwena yima yigi fudji gi. ¹² Lo di kedi mu magila mia kombu ye mia ngombi, ha mu magila mendi beni diengididi mu hina yi santu mbala imosi mugu geba mionu medu mi gonda nzuga. ¹³ Mwila magila mia kombu ye mia ngombi ye guluguida mbunga igana ga ngmbi diena mugu sa hadu ha masumu mugi ngenga gwena Nzambi mugu gofuga mu mila miowu, ¹⁴ Agui azolanga magila ma Yisu mu muhunga u Nzambi dia luhana yebeni gu gonda gidimbu gizilu gwena Nzambi, ufana gofa yi salu yedu yifa mugu sadila Nzambi u moni? ¹⁵ Mu mwila gio hena mudu uba gudu gosigisa mu luzingu lu mpa mu mwila lu fwa lwena mu mwila gudu gadula mu uyiga gi hadu aga kedi tegu mu luzingu luma masumu, ha dia lendiga mugu senda gimvama gigonda nsuga. ¹⁶ Mwila gihani giena nsilulu giena mfunu mugu lufwa lu mudu giaga disadidi. ¹⁷ Mwila nsilulu diena ye mfunu mbi diga kedi ye lufwa, mwila lo diene mfunu yi nsilulu mbi mudu gasididi hena mu luzingu. ¹⁸ Adi guifilagana gutegu diga salamanini gu gonda magila. ¹⁹ Mu mwila Mose dia hananga misigu gwena hadu akima, dia senda magila mia ngombi ye mia kombu, ye mema, ye miledi mi lena dia divotiga mu bugi di hadu akima. ²⁰ Dia hosa: «magila ma mena guifigilana u Nzambi dia ga haninin mu mwila nu.» ²¹ Gifa gi mosi, diaga vogidi magila mu nzu Nzambi mu yima ikimina gia gusala mu isambu. ²² Mu misigu adu akimina aga gofigidi mu magila, lo nufana gusenda ndolula gu gonda magila. ²³ Adi, giena mfunu ifanusu yi yima yihulu gikala gogofuga muminkawudi mia sidu. Mugio, yima yi hulu gio beni gifana gugofuga muminkawudi migola sila. ²⁴ Mwila Yisu lo angengidi mu hina yi santu diga salamanini gu miogu mi hadu, giena buna gifanusu yi yima yi pimbu. agengidi mu hulu mu guisa gumiga mia nonu gu mesu ma Nzambi mu mwila du. ²⁵ Lo agengidi mugu luhana ye beni mbala zingi gigu salanga mbuda wa nganga Nzambi yo guigila konso muziga ye magila yi mudu mwega. ²⁶ Mbi muga kedi gio dikagedi mfunu gwena yeyi mugu nioguka mbala zingi banda luga salamanini gifudji. Adi giena pimbu mbala imosi dia gagandugidi mu nzuga yi dangu mugu gadula masumu muma magila menzi beni. ²⁷ Guga dangamana mbi hosi mudu ufana gufwa mbalu umosi ye lufundusu lu gesa gunima. ²⁸ Mugi fa gimosi Yisu gega aga luhanini mbala imosi mugu gadula masumu ma hadu, dia gesu guminiga mbala imbadi lo mbi mugu sambisa masumu ha mu mwila gifumu gi Nzambi gwena hadu aga ganda midjima.