¹ Adu dufana guzinga muluzolu lugipangi. ² Lo dufana gu yadila gu yamba; mu mwila dwena mugusala gio,hadu amosi maga yambidi a wanzio mugu gonda gwisiya. ³ Nunga ngenu hadu a bologu ng nubeni nwena gu bologu; aha ena mugu nioguga, nga gi nuga kedi anu beni mwila umosi. ⁴ Giwala gifana gu kala mu luyalu gwena mudu mukima,ye lo dufana gusa jilu a lagu digi wala,mu mwila Nzambi maga sambisa a ndumbu ye hadu mubulu. ⁵ Anu lo nufana gudi hana mu nzimbu;dalenu ayo yi nu kwedji;mu mwila Nzambi yebeni aga hosidi:ami lo igombila ye lo igo gwega. ⁶ Dwena ye minu mugu nwambila: fumu Yisu ena nsadisi wami, ami lo iga kala mu woma;mudu afana gu pangami yigi? ⁷ Wibu genu antwadisi enu aho aga nulongidi ndaga yi Nzambi;megenu kiyo nsuga yi luzingu lowu iga kedi,ye sendenu lugwigilu lowu. ⁸ Yisu klisto ena gigeledi angwesi,mwanongu,miziga ye miziga. ⁹ Anu lo nufana gusamba a nzambi a gisaga saga ye a nzenzi;mu mwila gwena pimbu mbi muzima wayi ukadi ugola mu ngolu,ye mu madia maga gonzidi guhana ata gima gwena hadu o ama sendanga. ¹⁰ Adu dwena ye gihani gi isambu gimoshi,ago gudu gusalanga gisalu gi isambu,hadu o agusalanga go owu lo ena ye giyega gigu dia. ¹¹ Mila mia sidu,aho magila mawu magu madwalanga gu nzu yi idegi gwena ambuda anganga mu masumu,maga yosidi twiya hadji di mbu. ¹² Mu mwila gio,Yisu kega,gu nima digofa hadu mu magila menzi,yeyi maga niogugidi hadji yi mbelu. ¹³ Dudugenu sila mu gwenda gwena yeyi,hadji yimbu mugu senda lemu. ¹⁴ Mu mwila adu lo dwena ye mbu aha hashi,ha adu duba gugamba yima yo yigesa ¹⁵ Mwena yeyi adu dufana guhana makabu mu gugonda guhela gwena Nzambi,magabu ma lugumau,guzola gulesuga ndumba zi mivumbu miedu amio migugumisa kumbu yenzi. ¹⁶ Ye gubilagana lo mahanga ma pimbu ye gipwanza,mu mwila gwena mu makabu magifa gio,Nzambi agu kalanga mu kiesi. ¹⁷ Zidjisenu antwadisi enuye anu nufana gukala woma gu mesu mowu,mu mwila owu lo agubida mu mwila mioni mienu gumesu mu guhana,mambu mo mafana gunu sadisa,mu mpila mbi owu ama sadiengi mu kiesi,ye lo mbi mugu boguda boguda,ayo yiga gonda gunuwa ata mbingu yimoshi. ¹⁸ Anu nufana gusamba mu mwila du;mu mwila adu dwena lugwigilu lu gukala ye manunga mapimbu,duzolenu mu gudidwadisa pimbu sila mu mapanzi makima. ¹⁹ Ami giena mugu nulomba mbi anu nusadidi ye masonga makima,mu mpila mbi ami gisiengi gunu dala mafugu magesa. ²⁰ Wega Nzambi wu Pwede,ayo ugu dumisanga mu gadfji ga hadu agufwa ntwadisi muneni wu mamema,mu magila ma gimbayi ma mvula ye mvula,Fumu wedu Yisu Klistu. ²¹ Anu munu gaguma ngolu isalu yikima yipimbu mu mwila gugu gisa luzolu lwenzi,ye mugu sala gu mesu menu mapanzi mo mena pimbu,mu mbuga yi Yisu Klistu,agio ngolu mu miziga ye miziga zisigidi gu nwena nu!Ameni! ²² Ami ngienna mugu nuwonzila anedu,mugu ganda muzima malongi mo,mu mwila ami miga nusoni gididi mu gidjini. ²³ Anu nufana gwiya mbi pangi wedu Timotayi,yeyi maga mwegidi;mbi yeyi wesa mu dangu di,ami mi gesa gunu dala ye yeyi. ²⁴ Anu nuhani mbodji gwena antwadisi enu akima,ye asantu akima.Hadu a Italiya adumisa mbodji. ²⁵ Wegenu mbi ngolu zi Nzambi zikadi yanu akima!Ameni!