¹ Anu nukadi hadu aba gulanda mapanzi ma Nzambi,nga ana enzi aluzolu. ² Ye anu nuhidjengi mu luzolu nga gi gaduzodidi Yisu ye beni ye yeyi diaga dihanini mu mwila adu.Yeyi agakedi makabu ye mbega,mu mwila gukala malasi mapimbu ma Nzambi. ³ Mapanzi ma gindumbu,ata gukala ye masumu mbilo pwisa yi nzimbu mu mizima mienu lo mafana gukala mu gadji dienu.Nga giogio gi yena mu mwila akwigisi. ⁴ Anu lo nufana gusenda mapanzi ma zilu,mbilo ndaga yi soni,mbilo nsaga azio ziba gugulu musa gimudi gienu,ayo iganda pimbu.Mbalu yega,gwena ye isalu yi ngolu zi Nzambi. ⁵ Mu mwila anu nufana gugwigila mbi lo gwena ata mudu umosi ayo wena ndumbu,mudu u masumu mbilo mudu wu ihosa hosa,gilesuga mudu ugu sadilanga idegi,lo ena ye gimvama mu gifumu gi Yisu ye gi Nzambi. ⁶ Mudu umosi agonzi gunu fuda mu malongi madadi ma upala.Gwena mu mwila mapanzi mo kabu zi Nzambi ziba gwisa gwena ana agu gondanga luzidu. ⁷ Anu nugonzi gukala mu gimvuga giowu. ⁸ Mu mwila anu nuga kedi mu piba mu mbala yega,ha mu dangu di anu nwena mu mwani mu mbuga yi Fumu.Mu gio anu nuhidjengi nga ana ena mu gadji ga mwani. ⁹ Mu mwila ndumba zi mwani ziguga mu mapanzi makima mapimbu,magagidi. ¹⁰ Anu nugambi gusala ayo yena pimbu gu mesu ma Fumu. ¹¹ Anu nugonzi gukala mu isalu yowu yi piba,anu asenu kagi. ¹² Mu mwila mapanzi maba gusala owu mu giswegi mena ma soni sila mugu mahosa. ¹³ Mbi mapanzi maki mapanzi makima maduga mu mwani,mamoniga gidengeni. ¹⁴ Mu mwila mapanzi mamoniga gidengeni mena ye nsuga.Mu mwila gio yoyi iga hosana mana:<> ¹⁵ Anu giebugenu,kiyo anu nuba guzinga,lo mbi nga mazoba,ha zingenu nga hadu andungi. ¹⁶ Sadilenu dangu mu mwila mafugu mena mabi. ¹⁷ Nukadigu mazoba,ha wisiyenu luzolu lu Fumu lwena yigi. ¹⁸ Anu nugonzi gulawuga magana,magudwa langa mu lufwa,ha kalenu aguzala mu mpeve i vedila, ¹⁹ Sadisa ganengenu mu isambu,mu migunga ye migunga mi gimpeve,biga ngenu ye gumisa ngenu mu mizima mienu mikima Fumu. ²⁰ Gindjigi sangenu madonzi gwena Nzambi mu yima yikima mu kumbu yi Fumu wedu Yisu Klistu. ²¹ Wifila ganangenu yenu ye yenu mu gudadila Yisu Klistu. ²² Agosuna,zidjisenu alumi enu,nga gu mesu ma Fumu. ²³ Mu mwila mulimi wani ena Fumu u mugosuna,nga giena Klistu Fumu u dibundu.Yeyi ena muhulusi u mwila. ²⁴ Mu mpila yoyo umosi dibundu diena mugu zidjisa Klistu,agosuna kega akadi giogo gwena alumi ziowu mu yima yikima. ²⁵ Anu alumi zolenu agosuna enu,nga giga zodidi kega Klistu dibundu,ye maga dihanini ye beni mu mwila diodi. ²⁶ Yeyi maga sadidi mbi diodi dikadi digu sagumuga.Yeyi maga diofidi mu gofuga gumosi ye mema mu m,buga yi ndaga yenzi. ²⁷ Yeyi maga sadidi gio mu mpila mbi yeyi adidusi ye beni dibundu di lugumu,digonda zilu,digonda panzi yibi,ye digonda gima giega gidufana gimegisa,ha diodi dikadi diwa gugenzuga ye digonzi gukula ata ye fodu dimosi. ²⁸ u mpila imosi,mbi amala afana guzola agsi ziowu nga gia guzolanga mila miowu beni.Ayo uba guzola mugasi wenzi,aba gudi zola ye beni. ²⁹ Lo gwena ye mudu uga menga mwila beni,ha yeyi magudi sanga ye guzola,nga giga zodidi Klistu dibundu. ³⁰ Mu mwila adu dwena ilamu yi mwila wenzi.[Miganda wega migulu mibagisa:ye yi gudi yenzi] ³¹ "Mu mwila gibingu gio,yala maga sisa dada wenzi ye maya wenzi, ye yeyi maga gosagana ye mugasi wenzi,ye owu mbadi maga guma mwila umosi." ³² Gwena luswegamu lu neni,ha ami iba guhosa mu mwila Klistu ye dibundu. ³³ Gufana mbi osi yala yo ufana guzola magasi wenzi kega nga yeyi beni,ye mugosuna ufana guwa mulumi wenzi lugumu.