¹ Mu gio,mu gukala ye gisalu gi gifa gio,mu mbuga yi kenda yiga duhanama nini,adu lo dufana gwega. ² Adu mudu gumbila yima yi soni ayo yisala mananga mu giswegi,adu lo dugakedi ye mahanga ma mimedu,ye gusoba ndaga yi Nzambi.Ha,mu gumwanga gagidi,adu duba gulomba mu manunga makima magimudu gu mesu ma Nzambi. ³ Mbi nsangu yi pimbu yedu yena yigu guswega mana,yena yi guswega mana mu mwila o agabila; ⁴ Mu mwila hadu agonda lugwigilu mu mbuga yi dunzambi dowu du mamvula duga ziya ndungi,mu mpila mbi owu agonzi gudala mwinda wu nsangu yi pimbu mu lugumu luy Klistu,ayo wena gidimbu gi Nzambi. ⁵ Adu lo dugu dilonganga adu beni;gwena Yisu Klistu Fumu wedu adu dugwenda gulonga,ye adu mudu guhosa gwena alongogi enu kumbu yi Yisu. ⁶ Mu mwila Nzambi,uga hosidi:mwana muga zuma mu gadji piba!wowu muga zuma kega mu mizima miedu mu mwila gugegisa gwisiya gu gu ngolu zi Nzambi gu mesu ma Yisu Klistu. ⁷ Adu duba gusenda gimvama gio mu mabungu ma manu,mu mpila mbi ngolu zigola zihanamani gwena Nzamb,ye lo mbi gwena du. ⁸ Adu dwena tina mampila ma kima,ha lo duba ginzigisa gu nima mu suga gifudji,mu minianga,ha lo kega mu gugonda minu; ⁹ Gutu ngisamana,ha lo dwena awa gumbila;gudubula,ha lo mbi adu bidisi; ¹⁰ Gwenda yadu mu mwila umoshimu lufwa lu Yisu,mu mpila mbi luzingu lu Yisu lulesamani mu mila miedu. ¹¹ Mu mwila adu duba guziga adu dwena hadu mudu gafa mu mwila Yisu,mu mpila mbi luzingu lu Yisu lulesa mani mu mila miedu mi lufwa. ¹² Mu gio lufwa mulu gadombuga mu dwena du,ye luzingu mulu gadombuga gu nwena nu. ¹³ Ye nga gidwena adu akima mununga mamoshi mu lugwigilu giga hosa mananini mu isoni:ami miga gwigididi,mu mwila gio ami ngiena mugu hosa!Adu kega dwena mu gugwigila,ye gwena mu mwila gio adu duba guhosa. ¹⁴ Mu gwisiya mbi ayo uga fudu musidi Yisu mu lufwa,yeyi kega maga dufudumusa kega ye Yisu,ye yeyi maga dudusa gu mesu menzi. ¹⁵ Mu mwila yikima yo yiga duga mu mwila nu,mu mpila mbi ngolu zipanzagani,zizadi,mu lugumu lu Nzambi,isalu yi ngolu zi gahungu yikadi yingi. ¹⁶ Mu mwila gio adu lo dufana gubidisa gikesa giedu.Ye mu dangu kega di beba mudu wedu wu hadji,mudu u gadji magu buduganga ufugu ye ufugu. ¹⁷ Mu mwila mapanzi medu ma zigi zigi ma dangu di muma guvaluganga mu dwena du,guhida dela dikima,lemu di mvula ye mvula di migembu. ¹⁸ Mu mwila adu lo dugudalanga yima igu moninganga gu mesu,ha yoyo yigugonda gumoniga;mu mwila yima yo yigumoniga miga hida,ye ayo yigu gonda gumoniga yena mvula ye mvula.