1 Apangi ami aluzolu egu zolanga,anu lo nufana gugumbula hadu akima o agu hosanga mbi owu ena ye mpeve yi Nzambi,ha anu nufana tegu gwisiyi mbi mpeve yo yigu gaduganga gwena Nzambi,mu mwila ambigudi a upala apanza ganini gwingi sila mu gifudji gi. 2 Anu nufana gwisiya mpeve yi Nzambi gigi:hoshi mudu yo ugu gumbulanga mbi Fumu Yisu Klistu maga digumisidi mudu,yeyi wena ye mpeve yo yiga gadugidi gwena Nzambi. 3 Ha hoshi mudu yo ugugondanga gugwigila mu mapanzi mo,yeyi lo ena ye mpeve yo yigaduga gwena Nzambi.Yeyi ena ye mpeve ayo yigaduga gwena mbeni wu Klistu.Adu dwisi mbi yoyi migesa kaka;dangui di,yoyi yigama banda tama mu gifudji gi. 4 Ana ami,anu nwena ana Nzambi.Anu nuga binga ambigudi a wupala;mu mwila mpeve yo yena mu muzima wedu,yeyi ena ngolu guhidamampeve mo mena gwena hadu ega aha mugifudji. 5 Owu agu hosanga mapanzi mo magu gaduganga mu gifudji,mu gio hadu agwifanga mapanzi mowu,mu mwila owu ena hadu a gifudji. 6 Ha owu ena hadu a Nzambi.Mudu yo mwisi Nzambi,yeyi ma gwifanga mapanzi medu. Mudu yo ugonda mwana Nzambi,yeyi lo agwifanga mapanzi medu.Mu mwila adu mudu guso bigisanga mpeve yi gagidi ye mpeve yi upala. 7 Apangi ami,adu dufana guzola gana,mu mwila luzolu lugu gaduganga gwena Nzambi.Mudu yo ugu zolanga hadu ega ,yeyi ena mwana Nzambi,yeyi kega wisi Nzambi. 8 Mudu yo ugu gondanga guzola hadu ega,yeyi lo esi Nzambi,mu mwila Nzambi magu zolanga hadu. 9 Ama mena mu mpila yo yiga dwambidi Nzambi mbi ami migu nuzolanga:Yeyi maga dumisidi mu gifudji gi mwana wami umoshi kaga ayo waga kedi yenzi,mu mwila adu mugu kala ye moni mu ngolu ziendi. 10 Guzola beni gwena mu mpila yi:yoyi lo yena mbi adu dwena hadu agu zolanga Nzambi,ha yeyi mudu ugu duzolanga adu hadu;mu gio,yeyi diaga dumisidi mwana wenzi mu mwila mu gwisa gufwa,mu mwila gugadula masumu medu. 11 Apangi ami,mbi Nzambi adu zolengi gwingi mu mpila yi,adu kega dufana guzolana yedu ye yedu. 12 Lo gwena ye mudu umoshi uga dala Nzambi.Ha mbi adu duzola nengi yedu ye yedu,Nzambi agu zinganga mu gimvuga gimoshi yadu,mu gio guzola go gwa guduzolanga gwena gugu guga mu mizima medu. 13 Yeyi uga duwa digabu di mpeve yenzi;mu gio adu dufana gwisiya mbi adu dwena gimvuga gimoshi ye yeyi,ye kega yey ena gimvuga gimoshi yadu. 14 Mu gio,adu mudu gwambilanga hadu ega mbi Dada Nzambi maga dumisidi mwana wenzi mu mwila yeyi mu guhulusa hadu akima;adu dwena ambangi mu mwila mapanzi magifa gio,mu mwila adu duga idala gu mesu medu beni. 15 Mudu yo uga gwigila mbi Yisu KListu ena mwana Nzambi,Nzambi wena ye yeyi,ye yeyi ena mwena Nzambi. 16 Ye adu,mudu gesiyiyi luzolu lu Nzambi lwena gu dwena du,ye adu mudu gamu gwigididi.Nzambi ena zola;ye ayo wuba guzinga mu zola;ye mudu uba guzinga mu luzolu,yeyi ena mugu guzinga mwena Nzambi,ye Nzambi ena mugu zinga mwena yeyi. 17 Mu gio giena yeyi,gidwena kega adu akima mu gifudji gi:mu mwila gio luzolu lwena luga gidi,mu mpila mbi adu dukadi ye minu mu ufugu wu lufundusu. 18 Gubanga lo gugu kala mu gadji ga luzolu,ha luzolu lu pimbu lugu gadulanga woma;mu mwila woma wugananga dumbu,ye ayo ugwifanga woma,lo ena mu gadji ga luzolu lu pimbu. 19 Mu mwila du,adu mudu gumu zolanga,mu mwila yeyi maga duzodidi utegu. 20 Mbi mudu,magu hosanga:mbi ami miguzolanga Nzambi,ye yeyi lo aguzolanga pangi wenzi,yeyi ena mupala;mu mwila mudu yo ugu gondanga guzola pangi wenzi ayo wagu dalanga,kiyo yeyi afana guzola Nzambi ayo wagu gondanga gudala? 21 Ye adu mudu gasenzidi musigu wu gwena Nzambi:gwena yo ugu zolanga Nzambi yeyi magu zolanga kega pangi wenzi.