¹ Anu dalenu kiyo Dawa agunu zolanga ngwingi:Yeyi agudu lenziga ana enzi!Mu gagidi,adu dwena ana Nzambi.Hadu a gifudji gi lo adwisi,mu mwila owu lo esi Nzambi. ² Apangi ami egu zolanga,mu dangu di adu dwena ana Nzambi,ha adu lo dwisi pimbu pimbu tegu mbi kiyo adu dugakala gu nima.Mu mapanzi ma,adu dwisi kaka mbi Klistu magesa gumoniga,Adu mudu gakala nga yeyi mu mwila adu mudu gamudala mu gifa agio giena. ³ Hoshi mudu ayo ugasa muzima gwena Klistu,yeyi magu dunanga mapanzi makim mabi,mu mpila yimoshi yi Klistu yagu dunanga mabi. ⁴ Hoshi mudu yo ugusalanga masumu yeyi magu ziyanga kega misigu mi Nzambi,mu mwila mbi mudu usala masumu yoyi izola gulesa mbi yeyi ube bisa misigu. ⁵ Anu nwisi mbi Klistu magesidi aha mu gifudji gi mu mwila mugu gadula masumu ma hadu akima.Anu nwisi kega mbi yeyi lo ena ye masumu. ⁶ Mu gio,hoshi mudu ayo wena mu gimvuga gimoshi ye Klistu,yeyi lo agu salanga kega masumu.Ha hoshi mudu yo ugu salanga masumu kaga,yeyi lo gia sala gumu dala,yeyi lo gia sala gumwisiya. ⁷ Ana ami,mudu agonzi gunufuda!Mudu yo ugu salanga mapanzi magu zolanga Nzambi,yeyi ena mudu mu pimbi gimesu ma Nzambi,gidesu gimoshi giena Klistu mudu mu pimbu ye beni. ⁸ Mudu yo ugu salanga kaka masumu,yeyi ena mudu wu Sadana,mu mwila duga gisina gi luyanzigu,Sadani agu salanga kaka masumu.Mwana Nzambi agesidi a mu gifudji mu mwila mu mwila mugu ziya isalu yikima yigu salanga Sadani. ⁹ Hoshi mudu yo wena mwana Nzambi,yeyi lo afana gusalu lula masumu,mu mwila moni mo wuga muwedi Nzambi wena wenzenzi,yeyi lo afani nuna mu gusalanga masumu mu mwila yeyi uga dula mwana Nzambi. ¹⁰ Dala mu ki mpila gisobsgana giba gwingila mugadji di ana Nzambi ye ana Sadani:Hoshi mudu yo wugu gondanga gusala mapanzi mapanzi mo magu zolanga Nzambi,ye yeyi lo aguzolanga pangi wenzi,Yeyi lo ena mwana Nzambi. ¹¹ Amo mena mapanzi mo menu gefidi duga tama :adu dufana guzola yedu ye yedu. ¹² Adu lo dufana gusala giga sadidi Kayina.Yeyi aga kedi mudu wu mudu mubi;yeyi maga zidi pangi wenzi.Mu mwila yigi Kayina aga muzidi?Mu mwila yeyi asalanga mapanzi mabi,ha pangi wenzi asalanga mapanzi mapimbu. ¹³ Anedu anu lo nufana guyiduga mu gudala mbi hadu engi ena mu gifudji gi,owu ambeni enu. ¹⁴ Adu mudu guzola nga apangi edu;mu mwila adu dwisi mbi duga kedi hadu awa gufwa,ha mu dangu di adu dwena ye moni.Mudu yo ugu gondanga guzola apangi enzi,yeyi ena kaga mudu ugu gafwa. ¹⁵ Mudu yo uga menga pangi wenzi,yeyi ena nnga mudu yo uga ziya pangi wenzi mwega.Anu nwisi pimbu mbi mudu yo uga ziya mudu mwega,yeyi lo aga baga moni wu mvula ye mvula. ¹⁶ Mapanzi mu magudu longaga mbi luzolu lu pangi lwena yigi:Klistu yeyi maga hanini moni wenzi mu mwila du.Adu kega dufana guhana moni wedu mu mwila apangi edu. ¹⁷ Mbi mudu ena Mvama,ha mbi yeyi udala mbi pangi wenzi lo ena ye gima,ha yeyi udunu mugu musadisa,kiyo yeyi afana guhosa mbi yeyi mugu zolanga Nzambi? ¹⁸ Ana ami adu lo dufana guzola gana kaka mu ganu,ha adu dufana guzolagana mu luzolu lumoshi lupimbu alo lufana gumoniga mu isalau yedu yikima. ¹⁹ Mugio adu mudu gesiya mbi adu dwena hadu a gagidi;mu gio adu mudu gakala ye gikesa gu muzima wedu ye gu mesu ma Nzambi. ²⁰ Mbi muzima wedu benu munu gudu funda,adu dwisimbi Nzambi uhida muzima wedu mu uneni,yeyi kega mwisi mapanzi makima. ²¹ Apangi ami,mbi muzima wedu lo ugu dufundanga,adu dwena ye gikesa gu mesu ma Nzambi. ²² Mapanzi makima mo medu gumu lombanga,yeyi magu duwanga,mu mwila adu mudu gulandanga misigu mienzi,adu mudu gusalanga mapanzi mo magu muwanga kiesi. ²³ Mapanzi mo maga dulombidi mu gusala mena mama:Adu dufana gusa minu gwena mwana mwenzi Yisu Klistu,adu kega dufana guzolagana yedu ye yedu mpila yaga dwambididi. ²⁴ Hoshi mudu yo ugu landanga misigu mi Nzambi,yeyi magu kalanga mu gimvuga ye Nzambi,Nzambi kega magu kalanga mu gimvuga ye yeyi.Adu dwisi mbi Nzambi magu kalanga mu gimvuga yadu,mu mwila yeyi uga duwa mpeve yenzi.