¹ Hoshi mudu yo ugwigilanga mbi Yisu ena Klistu,yeyi aga valugidi mwena Nzambi,ye mudu yo ugu zolanga mudu yo uga muvadidi ufana guzola kega ayo uga valugidi mwena yeyi. ² Adu dwisi mbi,adu mudu guzolanga ana Nzambi,mu dangu di duba guzola Nzambi,ye adu dwena mugu gugisa misigu mi Nzambi. ³ Mu mwila luzolu lu Nzambi lwena mu guswega misigu mienzi.Ye misigu mienzi lo miena migola, ⁴ Mu mwila mudu mukima yo uga valugidi mu gadji ga Nzambi,ufana guniada gifudji,gwena lugwigilu lwedu. ⁵ Na gonzi yo uga niadjidi gifudji,mbi lo mudu yo uba gugwigila mbi Fumu Yisu ena mwana Nzambi? ⁶ Gwena yeyi,Yisu Klistu ayo ugesidi ye mema ye magila ;lo mbi ye mema buna,ha ye magila;ye gwena mpeve yi guhana gimbangi,mu mwila mpeve yena gagidi. ⁷ Mu mwila gwena ye hadu sadu aba guhana gimbangi: ⁸ Mpeve,mema,magila,yima yoyi isadu yena mu mbuga yimoshi. ⁹ Mbi adu,dwena mugu yamba gimbangi gi hadu,gimbangi gi Nzambi giena gihida uneni;mu gimbangi gi Nzambi gwena mu mbuga yi mwana mwenzi Yisu Klistu. ¹⁰ Mudu yo uba gugwigila gwena mwana Nzambi yeyi wena ye gimbangi gienzi beni;mudu yo ugu gondanga gugwigila gwena Nzambi yeyi agu dusanga Nzambi mudu wupala,mu mwila yeyi lo agu gwigilanga mu gimbangi giga hanini Nzambi mu mbuga yi mwana wenzi. ¹¹ Ye wenu gimbangi gienzi,mugio Nzambi maga duwedi luzingu lu mvula ye mvula,ye luzingu lo lwena gwena mwana wenzi Yisu Klistu. ¹² Mudu yo wena ye Klistu yeyi wena ye luzingu,mudu yo ugonda Yisu mu gadji dienzi lo ena ye luzingu lu mvula ye mvula. ¹³ Ami miga nusoni gididi yima yikima:mu mwila anu gwisiya mbi nwena ye luzingu lugonda nsuga,anu nugu gwigilanga mu kumbu yi mwana Nzambi. ¹⁴ Adu dwena mu mbuga yenzi ye minu,mbi adu dulomba hoshi gima gio mu luzolu lwenzi,yeyi maga dwifa. ¹⁵ Ye adu dwisi mbi yeyi magu dwifanga,gima gikima agio gidu galomba,adu dwisi mbi mudu gagisenda. ¹⁶ Mbi mudu udala pangi wenzi munu gusala masumu,magu gondanga gudwala mu mbuga yi lufwa,ye ufana gusamba,ye Nzambi maga hana luzingu gwena pangi wenzi yo,yeyi maga hana gwena hadu o agu salanga masumu magu gondaga gwa dwala mu lufwa. ¹⁷ Gwena ye disumu adio digu dwalanga mu lufwa;lo gwena mbi mu mwila disumu digifa gio ami iba guhosa mu gusambila.Mpanzi makima mabi mena disumu,ye gwena ye masumu mamoshi magu gondanga gudwala mu lufwa. ¹⁸ Adu dwisi mbi mudu yo uga valuga mwena Nzambi lo afana gusala masumu,ha ayo uga valuga mwena Nzambi yeyi magu disweganga ye beni,ye Sadani lo agu mugamanga. ¹⁹ Adu dwisi mbi dwena ana Nzambi,ye kega gifudji gi gimundu giena guma sina ma ngolu zi sadani. ²⁰ Adu dwisi mbi mwana Nzambi mwana Nzambi ugesa,ye yeyi maga duwedi ndungi zi gwisiya Nzambi uga gidi,mu mbuga yi mwana wenzi Yisu Klistu,gwena yeyi wena Nzambi uga gidi,ye wena ye moni wu mvula ye mvula. ²¹ Ana dulengi,anu nufana gidi gieba mwena idegi.