¹ Duhosidi adi madia maga hana mu idegi:adu dwisi gigi"adwa akima dwena ye manunga mo".Manunga mena lulendu ha zola mu lugusa disanga. ² Mbi gwena ye mudu wisi yeyi wisi gima,gigonda gwisiya mudu mwega nga giogo gisi yeyi. ³ Ha mbi mudu wisi Nzambi.Mudu yo wesi yagana gwena yeyi. ⁴ Mu gio,muyo idadila musuni miaga hana magabu gwena idengi mugudia:adu dwisi mbi gifudji gi giena pamba,ye gwena kaka ye Nzambi umosi. ⁵ Mu mpila yo gwena ye Anzambi engi idegi agu ledjiganga Dunzambi a wulu ye a hasi,nga giena engi "Dunzambi ye Dufumu", ⁶ E mu mwila du gwena kaka ye Nzambi umosi Dada,gwena yeyi guguduganga yima yikima,ye gwena yeyi gwena moni,ye Fumu umosi Yisu Klistu,gwena yeyi yima yikima yena ye luzingu,ye gwena yeyi adu dwena ye luzingu. ⁷ Mu gio,manunga mo,lo mena mena ma mudu mukima.Mu mpila yo hadu engi agu dihananga mugu sadila idegi,ye gudia musuni miagu hananga gwena idegi.Manunga mowu maga gandanda mana kaka gogo mu mwila owu lo ena ye ngolu. ⁸ Ha mdia lo mafana gudugosa ye Nzambi.Adu lo dufana gudala gubiya mbi lo dudia madia mo,mbi lo ata dudia. ⁹ Ha pwede dienu digonzi gukala gibingu gi gubwisamana gwena yo ugonda ngolu mu lugwigilu dienzi. ¹⁰ Mbi mudu unudala,ayo wena ye manunga,magudia misuni mia hana gwena idegi,mugu hana gikesa gwena o agonda ngolu agu dianga musuni migifa gio miaga hana gwena idegi. ¹¹ Mu gio mu mwila gwisiya gwenu mu yo idadila gifudji gipimbu gi idegi,pangi uyala mbi lo umu gosuna ugonda ngolu,mu mwila yeyi Yisu Klistu agafidi,ye maga bididi. ¹² Mugio,mbi ayi usala masumu gu mesu mapangi ayi amala mbi lo agosuna,ulemigisa manunga menzi magonda ngolu,ayi usala masumu gumesu ma Yisu Klistu. ¹³ Mu mpila yo,mbi madia mabenda pangi uyala mbi lo umugosuna mu gubwisamana,ami lo ifana mugu madia,mu mpila yo ami lo iga benda gubwisamana gu pangi uyala mbi lo umugosuna.