¹ Adu mudugefidi mbi ago gunwena nu gwena ye mapanzi ma podu podu mu gadji dienu,mapanzi magifa gio lo mafana gusalamana ata mu gadji ga Apagonu.Adu mudugefidi mbi mudu umosi mugadji dienu ugagemba ye mugasi u dada wenzi. ² Ye anu nnwena gega hadu a ihosa hosa,anu lo nufana gudi gulumusa?Ayo uba gusala gio yeyi ufana guduga mu dibundu. ³ Si giogo gi gonda mu musuni,ha mu gimpeve ami ngiena,ami iga sambisa mudu yo uga sadidi mapanzi ma gifa gio,nga go mbi ami migakedi ho. ⁴ Mu dangu dio dinu baguvugana yenu ye yenu mu kumbu yi Fumu wedu Yisu,mpeve yami yena ye anu mu ngolu zi mpeve yi Yisu Klistu.Ami igasambisa mudu yo banda tama mu mpila yi. ⁵ Mu mwila gumu dimbula gu miogu mi sadani mu mwila mu guziya mwila wenzi,mu mpila mbi moni wenzi ubi gisamani mu ufugu u gesa Fumu Yisu. ⁶ Lulendu lwenu lo lwena lu pimbu.Anu nwisi pimbu mbi gandambu ga levidi muga guzimbisanga fadina dingi? ⁷ Anu diofenu mu levidi di gulu,mu mpila mbi anu nugumi podu podu ihe ihe,mu mwila mbi anu di nukadi podu podu di gonda levidi.Mu mwila mbi Yisu,mbuga yedu,yeyi maga dihanini. ⁸ Dudienu fedji mu gugonda gusadila levidi di gulu,levidi di gifudji giedu diena gugonda gungolu,ha lo mbi ye lipa digonda levidi di masonga ye diga gidi. ⁹ Ami ngiena mugu nusoni gila mu muganda wami,mu gugonda gugosagana ye hadu abi.Gusungu mbi mu mpila yi gudihana. ¹⁰ Ami lo iba gunuganda mbuga mu gugonda gugosagana ye hadu abi,a gifudji gi,embu,apala,anganga,mu mpila yega anu nufana mugu gaduga mu gifudji. ¹¹ Mu dangu di ami iba gunusonigila mu gugonda gimbayi ye hadu o agule djiganga apangi agosuna ye apangi a mala mu gimvuga gimosi ye Yisu,ha owu ena mu guzinga mu gindumbu,mbilo mu upala,mbilo mu unganga,mbilo mu madiadi,mbilo mu gulawuga magana.Anu lo nufana ata mu gudia ye hadu a mpila yo. ¹² [Mu gio,ami ifana giyo mu gwingila mu gusambisa hadu a gifa gio agonda mu gadji ga nzu yi Nzambi]Mu mpila yo,anu lo asambisi a hadu o ena mu gadji ga nzu yi Nzambi. ¹³ Ha Nzambi aga sambisa hadu o ena hanzi ga nzu yi Nzambi,mugu gadula ndungi zi gifudji gi."