¹ Mu gio hadu aba gudala nga asadi a Klistu,ye asadi a imangu yi Nzambi. ² Mu yo yisala,mu yo yinuba gulomba mbi nukadi asadi a imangu,mu mpila mbi hoshi mudu akadi mudu ugagidi. ³ Mu mwila mi,lo sila itadila mi mbi ufugu ami sambisami gu nwena nu,mbilo mu mifundu mi hadu agifudji.Ami lo iba gudisambisa ami beni,mu mwila ami lo sila igu dalanga gubiya gumosi gwifana gusala mi.; ⁴ Ha lo gwena mu mwila gio ami ihazwa gibingu.Ayo iga sambisa mi gwena ye beni Yisu. ⁵ Mu mpila yo anu lo nufana gusambisa mudu mbi dangu dienzi lo diguga,de gogo gugesa Yisu,ayo uga dusa mapanzi makima mu wangala amo maga swegamana mu piba,ye maga salamana mu manunga ma mizima miowu.Mu gio mudu mukima maga yamba lugumu lu Nzambi mu mpila yaga hidigidi. ⁶ Gwena mu mwila nu,anedu,ami igasadidi mapanzi ma gifa gio mu luzolu lwenu,mu luzingu lwami ye Apolosa,mu mp[ila mbi anu nulongi hadu edu mu gugonda mugwenda de gogo nga giga sonamanini,ye kega mudu umosi lo ufana guvada lulendu mu mwila agwedu. ⁷ Mu mwila na ye na uba gugabula agwedu?Ayi yigi ukwedji ayo yuga gonzi gubaga?Ye mbi ayi muga yibagidi,mu mwila yigi ayi uba gudisigisa,nga gogu mbi ayi lo uga sadi gubaga? ⁸ Anu nuga guda banda tama,anu nuga mvama kega banda tama,gugonda du anu nuga banda tama mugu yala.Ye anu nufana guyala,mu mpila mbi adu kega diyadi yanu! ⁹ Mu mwila Nzambi,ufanigisa,yeyi diaga sadidi mbi ami kadi ntumwa,hadu ansuga mu gadji ga hadu,mu guvuga nkanu yi lufwa mu mbalu yega,mu mwila anu duga kedi hadu adalanga gifudji,gwena Awanzio ye gwena hadu. ¹⁰ Adu duga guma nga ayinzi malashi mu mwila Yisu;ha anu anu nwena hadu a ndungi mu Yisu;adu dwena hadu agonda ngolu,ha anu nwena hadu angolu,anu nwena mu lugumu,ye adu dwena mu soni! ¹¹ De mu dangu di,adu dwena mu pashi zi nzala,mu pwisa,mu kagi;adu dwena mugu nioguga,mugu nunga aha mbi lo guna; ¹² Adu duhedidi mu gusala gu miogu miedu beni;adudugi,adu dwena mugu sagu muna;aduniogudi adu dwena mu guganda muzima; ¹³ Adu fudjigidi,adu dwena mugu hosa ye pimbu;adu dwesidi nga gigombu gi gifudji,yigonda guzola mudu mukima,de didi. ¹⁴ Lo gwena mbi ami iba gunuganda ganu,soni giba gunu sonigila mapanzi magifagi;ha ami iba gunwibuga nga ana ami aluzolu. ¹⁵ Mu mwila,mu dangu dinu gakala ye alongi mafunda gumi mu Yisu,anu lo nugakala ye adada engi mu mpila yo,mu mwila gwena ami iga nuvadidi mu gadji ga Yisu Klistu mu nsangu zi Nzambi. ¹⁶ Ami iba gunuwanzila,anu nulanzi mahanga mami. ¹⁷ Mu mwila giogo ami iga nudumisidi Timote,ayo wena mwana uluzolu ye luzolu mu gadji ga Yisu Klistu;yeyi magu nwibuga luzingu lwami mu buga yi Yisu Klistu,ami igulonganga kiyo ndaga yi Nzambi mu ihani yikima yi manzu ma Nzambi. ¹⁸ Hadu amoshi aga zala ye lulendu,nga gogu mbi ami lo ifana gwenda gunwena nu. ¹⁹ Ha ami miba gwenda diodi gwena nu,mbi gwena luzolu lu fumu Yisu,ye mi gesiya,lo mbi ndaga,ha ngolu zi hadu o aga zedi mu lulendu. ²⁰ Mu mwila gifumu gi Nzambi,lo gigu gagana ye ndaga,ha mu ngolu. ²¹ Anu nuzola yigi?Ami ngienzi gunwena nu ye fimbu,mbi lo ye luzolu lu pwede?