¹ Gambenu zola.Senu mwinu kega mu magabu ma mpeve ya longo,ha gwingi sila mwa mbigudi. ² Mu gio ayo iba guhosa mu ndada yi gimpeve,yeyi lo aguhosinga hadu,ha agu solulanga ye Nzambi,mu mwila ata mudu umoshi lo ugwisiyanga,ye gwena mu gimpeve yeyi agu hosanga maswegamu mo. ³ Ayo uba gubigula,yeyi agwambilanga hadu,mu gwawa gikesa,gwalonga,gwa giebisa. ⁴ Ayo uba guhosa mu ndaga yi gimpeve,yeyi aba gudilonga ye beni,ayo uba gubigula yeyi agu gusadisa dibundu. ⁵ Ami izola mbi anwakima nuhosiengi mandaga magimpeve,ha gihida pimbu anu nubigu lengi.Ayo uba gubigula ena mbuda uyo uba guhosa mu ndaga yi gimpeve,pimbu kega umoshi abangu lengi,mu mwila nzu yi Nzambi yi senzi ngolu. ⁶ Ye adi,pangi wami mfunu yayi yena yigi,mbi ami ngiesa gugwambila mu ndaga yi gimpeve,ye mbi ami lo inwambila mugu bangula,mbi lo mu ndungi,mbi lo mugu bigula,mbi lo mugi sina? ⁷ Mbi yima yisala hadu,yigu sanga lubu,nga mvudi mvudi mbi lo nga isangu,yoyi lo igusa lubu gigeledi,kiyo dufana gwisiya ayo yisi gamanini mu mvudi mvudi,mbi lo mu isangu? ⁸ Ye mbi ngoma yiba gisinziga ndaga giledi,ana aga hilamana mu mwila gidumba? ⁹ Gigeledi yanu,mbi mu ndaga yi gimpeve lo nuhana musamu gigeledi,kiyo nugesiya mapanzi mo menu baguhosa?Mu mwila anu nuga hosanga mu muhunga. ¹⁰ Mandaga mengi mena mu gifudji lo gwena ye ndaga ti imoshi ifana gukala ndaga yi ndungi; ¹¹ Mbi ami lo ngiesiya gifa gi ndaga yo,ami igakala nga mudu pamba gwena yo uba gwihosa,ye ayo uba gwihosa agakala mudu pamba gu ngiena mi. ¹² Mpila imoshi anu,mu mwila anu nugu nungila magabu ma gimpeve,gukadi mu mwila ngolu zi dimbundu azio zinuba gamba nu mu gukala ziozi zingi. ¹³ Mu gio ayo uba guhosa ndaga yo yeyi asambi mu mwila mugu kala ye mubangudi. ¹⁴ Mu mwila mbi ami ngiena mugu sambila mu ndaga yi gimpeve,manunga mami mema mu isambu,ha ndungi ziami lo zifana gusala. ¹⁵ Gsala kiyo adi?ami iga sambanga mu gimpeve,ha igasambanga kega ye ndungi;iga biganga mu gimpeve,ha iga biganga kega mu ndungi. ¹⁶ Mbalu yega kega,mbi ayi uba ginzigisa madodji mu gimpeve,kiyo mudu yo wena mu ndonga yi mudu u hadu afana guginzi gisa amene!Mu madonzi mayi,mu mwila yeyi lo esi ayo yuba guhosa yi? ¹⁷ Ayi mugu hananga,gwena gagidi,madonzi mapimbu sila,ha mudu mwega lo ena ye ngolu. ¹⁸ Ami iba ginzigisa madonzi gwena Nzambi mu mpila yigu hosanga mu ndaga yi gimpeve,gunu hida anuakima; ¹⁹ Ha munzu yi Nzambi ami igu zolanga guhosa mapanzi madanu mu ndungi ziami,mu mpila amoshi asenzi kega malongi mami,ke ami ngienzi guhosa mandaga mafunda gumi. ²⁰ Anedu nukadi ana gu masina ma mifundu;ha mu ndungi,kalenu ana,ye gumesu ma mifundu,kalenu hadu aga sadidi. ²¹ Yiga sonamana mu misigu:gwena mwena hadu ega ma mandaga mega ye mu mivumbu mi anzenzi ami igambilanga ganda dini,ha owu lo aga ngifa si giogio,gihosa Fumu. ²² Mu gugiebuga,ndaga yena gidimbu,lo mu mwila akwigisi,ha mu mwila o agonda akwigisi;gumbigula,mbalu yega,diena gidimbu,lo mbi mu mwila hadu o aga gonda lugwigilu,ha mu mwila hadu ena ye lugwigilu. ²³ Mbi mu gadji ga gimvuga mu dimbundu dikima,akima munu guhosa mu ndaga yi gimpeve,ye yeyi munu gubenda hadu mu ganda,mbi lo hadu o agonda akwigisi,anu lo nuga hosa mbi owu ena ami yinzi lasi? ²⁴ Ha mbi anuakima munu gubigula,ye munu gu benda hadu o agonda lugwigilu,mbi lo mudu u hadu,yeyi afana gumu gwigila gwena mudu mukima,yeyi afana gumu fundusa gwena mudu mukima. ²⁵ Maswegamu ma muzima wenzi maduga mugi ndengeni,mu mpila mbi,mudu mukima adi gulumuni gu mesu menzi,yeyi maga sambila Nzambi,ye maga mwanga nsangu mbi mu gagidi Nzambi sila ena mu gadji diedu. ²⁶ Dusalenu kiyo,anedu!Dangu dinu ba gugungamana,yenu yenu,mu gadji dienu gwena ye mugunga,misigu umoshi,gagidi gamoshi,ndaga yimoshi,mubangudi umoshi,yikima isalamani mu mwila ngolu zi dibundu. ²⁷ Gwena ye hoho agu hosanga mu ndaga yi gimpeve,mbi hadu mbadi mbi lo sadu mbi lo engi munu guhosa,mu mwila wenzi beni ye Nzambi. ²⁸ Mbi lo gwena ye mubangudi,nuganda maganu menu munzu yi Nzambi,ye nuhosi mu mwila anu beni ye Nzambi. ²⁹ Mu mwila yo yena ya mbigudi,mbi hadu mbadi mbi lo sadu munu guhosa,ye amoshi munu gwifa; ³⁰ Ye mbi umoshi ubwidi hashi mu mwila gulesa,mudu utegu ufana guganda ganu. ³¹ Mu mwila anu nufana gubigula anuakima mu mbalu yimoshi,mu mpila mbi akima akadi mugu longuga ye akima akadi ye malongi. ³² Mpeve yi ambigudi yigwifilanga ambigudi; ³³ Mu mwila Nzambi lo ena Nzambi u gisaga saga,ha u ngemba.Nga mu manzu makima ma Nzambi masantu, ³⁴ Agosuna lo afana guhosa mu imvuga yena amala,mu mwila lo gwena telu owu mugu hosa;ha akadi luzidu,nga gihosa misigu. ³⁵ Mbi yeyi azola gula panzi,yeyi ewudi mulumi wenzi gunzu,mu mwila lo gwena luzidu mugosuna mugu hosa mu dibundu. ³⁶ Gwena gunwena nu ndaga yi Nzambi yiga dugidi?Mbi lo gunwena buna yoyi yigesidi? ³⁷ Ayo ununga gukala mbigudi mbi loena ye kiesi gio,yeyi ufana gwisiya mbi amo menu sonigila mi mena misigu mi Fumu. ³⁸ Ye mbi mudu umi yadila yeyi ayadidi. ³⁹ Mu mpila yo anedu,kalenu mu kiesi mu magabu ma gubigula,ye guganda lo mbuga yi guhosa mu ndaga yi gimpeve. ⁴⁰ Ha yikima yisala mani mu dugogi ye gugonda gisaga saga.