¹ Mu yo idadila magabu ma mpeve yi longo,ami lo izola,anedu mbi anu nubilagani. ² Anu nwisi mbi,mu dangu dinu gakedi apani,anu nuga diegidi mugu sadila idegi yo igonda gwifa ye guhosa,mu mpila yoyo anu nudi dwadisanga. ³ Mu gio ami iba gunwambila mbi gimosi lo,mbi yeyi aba guhosa mu mpeve yi Nzambi,agonzi guhosa:Yisu gu ateme!Ye kega umosi lo ufana guhosa:Yisu yeyi ena fumu!Mbi lo ena ye mpeve ya longo. ⁴ Gwena ye magabu mengi,ha mpeve yimoshi; ⁵ Isalu yingi,ha fumu umoshi; ⁶ Imangu yingi,ha Nzambi umoshi ayo ugusala nga imangu beni yikima ye gwena akima ⁷ Mu gio,gwena mudu ye mudu isalu yi mpeve ya longo igu hanamananga ye mfunu yi mudu mukima. ⁸ Mu gio,gwena mudu umoshi,ena ye ndaga yi ndungi;gwena mwega,ndaga yi gubagisa mapanzi,kaka mu mpeve yimoshi ⁹ Gwena mwega,lugwigilu,mu mpeve yoyo imoshi;gwena mwega,gabu di gugodisa akashi,mu mpeve yoyo imosh; ¹⁰ Gwena mwena gabu di gusala yimangu;gwena mwega gabu di gubigula,gwena mwega gabu di gubangula mapanzi,gwena mwega gisobagani gi mandaga,gwena mwega gabu di dendula mandaga, ¹¹ Umoshi ye mpeve yi moshi yi ba gusala mapanzi mo makima,mugu magabisa gwena mudu ye mudu nga gia zola ye beni. ¹² MU mwila,nga giena mwila umoshi ye wena ye ilama yingi,ye nga giena ilama yingi yi mwila,ata giogio gi yena yingi,yoyo yena mu mwila umoshi,gwena giogio kega mu Yisu. ¹³ Adu akima duga senzidi mbodjiga mu mpeve umoshi,mu mugu kala mwila umoshi,gukadi wena Zwifi,ukadi Gelegi,ukadi muhiga,ukadi mvama,adu akima aga dudumbingidi mu mpeve umoshi. ¹⁴ Mu mpila yo mwila lo wena ye gilama gimoshi,ha wowu wena gimvuga gi ilama yingi. ¹⁵ Mbi gulu dihosa mbi:nga gigonda mi gogu ami lo ngiena mu gadji ga mwila,diodi lo dikala keke mu mwila mugagidi? ¹⁶ Mbi disu dihosa:nga gigonda gukala disu,ami lo ngiena mu mwila,diodi lo dikala kega mu mwila gio? ¹⁷ Mbi mwila ukima ukadi disu,madwi magenzi gukala kwiyo?Mbi makadi momu makima madwi,muzulu magenzi gukala kwiyo? ¹⁸ Dangu di Nzambi maga sidi ilama yikima mu mwila nga giaga uzodidi. ¹⁹ Mbi ilama yikima yikadi gilama gimoshi,mwila ugenzi gukala kwiyo? ²⁰ Dangu ha giena ye ilama yingi,ye mwila umoshi. ²¹ Disu lo difana guhosa mu gogu mbi:ami ngiena gogu lo ngiena ye fununyayi disu,ata mudu mu gwambila milu:ami lo ngiena ye funu yenu. ²² Ha pimbu kega,ilama yi'mwila umoshi ayo gigonda gugola yena kega mfunu; ²³ Mu yo Yisu gununga mbi yoyi lo yena mfunu mu mwila adu mudu gu ivadjisanga ye luzidu mukima,ye ilama yo gigonda mfunu yingi,yoyi kega dugu iwanga luzidu lwingi, ²⁴ Mu mpila'yoyo ilama ayo yi mfunu yingi,lo yena ye mfunu yingi.Nzambi ag sadidi mwila mu gifa giogio,mugu yiwa luzidu lwingi gwena o adigonda. ²⁵ Mu mpila mwila ugodji gugabula gana,ha ilama yo yikima yikadi ye gudi giena yowu ye yowu. ²⁶ Ye mbi gilama gimoshi giba guyinza,ilama yikima yena mugunyinza ye giogio,mbi gilama gimoshi giena mu kiesi ilama yikima yena mu kiesi ye giogio, ²⁷ Anu nwena mwila u Klistu,Anu nwena ilama,mudu mukima ena ye gabu dienzi. ²⁸ Ye Nzambi dia ponini hadu mu manzu ma Nzambi tegu Antumwa,ambadi Ambigudi,asadu anganga amisigu,ginima hadu o ena ye giyega gi gusala imangu,gunima hadu o ena ye giyega gigu godisa akashi,hadu ena ye giyega di gusadisa,di guyala,ye di guhosa mandaga ma gifa ye gifa. ²⁹ Akima ena antumwa?Akima ena ambigudi?Akima ena anganga a misigu? ³⁰ Akima ena ye giyega gigusala imangu?Akima ena ye giyega gigub godisa akashi?Akima magu hosanga mandanga magifa ye gifa?Akima magu bangulanga? Anu dihanenu mu gabu di pimbu. ³¹ Ye ami miya gunulesa kega mapanzi mengi ma pimbu.