¹ Sika Yesu abandi kotangisa libanda na mai monene. Etuluku ya bato bazingaki ye; yesu afandaki na bwato likolo na mai monene mpe bato bafandaki na pembeni na mai. ² Atangisi bango makambo mingi na masese mpe alobi na bango na kati ya matangisina ye, ³ Boyokamela, ⁴ moloni abimi mpo na kolona. Tango azalaki kolona, ndambu na mbuna ekweaki na nzela mpe bandeke baliaki yango. ⁵ Mbuma mosusu ekweaki likolo ya mabele oyo ezalaki na mabanga mike mike, na bongo mpe ekolaki noki te pamba te mabele ezalaki penza mozindo te. ⁶ Yango ezikaki mpe ekaukaki nioso na moi po ezalaki na misisa te. ⁷ Na bongo ndambu mosusu ya mbuma ebotaki mbuma te po te yango ekweaki likolo ya nzete ya nzube pe ezipaki yango ⁸ Milona oyo ekweaki na mabele kitoko, yango ebimaki na nkona ya kolandisama tuku minei, tuku motaba pe mokama. ⁹ Pe alobi, oyo azali na matoyi ya koyoka, ayoka ¹⁰ Tango Yesu atikali ye moko, bayekoli pe bato bazalaki pembeni na ye, batunaki ye na ntina na masese. ¹¹ Ayebisi bango, «na bino nde bokonzi ya Nzambe epesameli, kasi masese po na baoyo bazali libanda, ¹² na ntina ete tango bazali kotala, bamona te, pe tango bazali koyaka, basosola te, po babongola motema te pe Nzambe alimbisa bango.» ¹³ Kasi alobi na bango: «Bososoli lisese te? Ndenge nini bokososola masese mosusu? ¹⁴ Moloni akokani na moteyi sango malamu. ¹⁵ Bamosusu bakokani na nzela. Liloba na Nzambe eyeli bango lokola mbuma na nzela. Tango bayoki yango, satana abotoli bango o mitema. ¹⁶ Bamosusu bazali lokola mbuma ekweyi na mabele ya mabanga, bayoki liloba na Nzambe, bayambi yango na esengo. ¹⁷ Boye misisa ya nzete ezwi esika te o mitema na bango, bayambi boye mpo na tango moke. Sima na mikakatano mpe minioko na ntina na liloba na Nzambe, babwaki boyambi na bango. ¹⁸ Bamosusu bazali lokola mbuma ekweyi na kati na nzube, bayambi liloba naNzambe, ¹⁹ na tina na mikakatano ya mokili, posa ya bozwi ekoti ebele, mpe makambo mosusu mingi ebomi liloba wana, mpe ekoti te. ²⁰ Boye bamosusu bazali lokola mbuma ekweyi na mabele malamu. Bayoki liloba na Nzambe, bayambi yango, boye baboti mbuma malamu; tuku misato, tuku motoba mpe nkama moko. ²¹ Yesu alobi na bango: moto nani ayei na mwinda, atii yango o nse ya katini to o nse ya mbeto? bobele o likolo ya mesa. Boye te? ²² Boye oyo ebombami ekoyebama, mpe sekele ekoyabana. ²³ Soko moto azali na matoyi ya koyoka, tika ayoka. ²⁴ Bongo Yesu alobi na bango lisusu: « Bokeba na oyo bazali koloba na bino. Lolenge na bino ya bososoli makambo ya Nzambe, boye Nzambe akopesa bino bolamu na ye koleka. ²⁵ Mpo ete oyo azali na biloko mingi, akozwa mosusu; nde oyo azali na yango te, bakobotolo ye ata ndambu azali na yango. ²⁶ Alobi: «Bokonzi ya Nzambe yango ezali lokola moloni nkona na mabele. ²⁷ Ayebaka te tango nini mbuma ebotaka malamu. ²⁸ Na tango ye alalaka pe alamukaka, mabele yango moko ebotaka mbuma, ya liboso ebimisaka nzete, bongo likol na nzete na yango nkona ya kokola. ²⁹ Pe bongo mbuma na yango eteli, na lombango azwaka nkona po na tango ya kobuka ekoki. ³⁰ Pe alobi: « Tokoki kokokisa bokonzi na Nzambe na nini? to lisese nini tokoki kosalela pona kolimbola yango malamu? ³¹ Lokola nkona ya moutarde, tango elonami, ³² yango nde ezali mike penza yango ekolaka na lombango koleka nkona nioso ya elanga pe bitape na yango nde bandeke batongaka zala na bango.» ³³ Na masese ebele boye, azalaki kotalisa bango liloba kino bakoma na makoki ya kososola malamu, ³⁴ pe azalaki kolobela bango lisusu na masese te. Kasi tango azalaki kotikala ye moko, azalaki kolimbola bayekoli na ye. ³⁵ Na mukolo wana, ayebisaki bango, «tokende na ngambo mosusu na ebale» ³⁶ Na yango, bayekoli balongwaki kati na etuluku ya bato pe bakendaki elongo na Yesu po ete Yesu azalaki nkati na bwatu. Kasi bwatu mosusu ezalaki na esika wana. ³⁷ Pe mbonge na mopepe makasi eyaki pe etondisaki mai kati na bwatu. ³⁸ Kasi Yesu azalaki kolala kati na bwatu. Bongo bazalaki kolamusa Yesu pe balobi na ye: «Mokonzi ozali kokanisa te tozali kokufa?» ³⁹ Pe tango alamukaki, agangelaki mupepe pe ayebisaki ebale: «Kimia » Pe mupepe esilaki pe kimia makasi ekotaki. ⁴⁰ Pe alobaki na bango: «Bozali kobanga nini? bozangi kondima?» ⁴¹ Bobangi ezwi bango pe bamituni moko pe mosusu: «Ye azali nani? po ete mupepe na ebale etosa ye.»