¹ Yesu-Christu akoti na eyanganelo, wana ezalaki moto moko na loboko ya kokauka. ² Bamosusu bazalaki kotala ye soko akobikisa ye mokolo ya eyenga mpo bakamba ye. ³ Yesu alobi na moto wana : «Telema wana na kati.» ⁴ Mpe alobi na bango : «Epesameli biso ndingisa kosala malamu to mabe mokolo ya eyenga, kobikisa to koboma?» Batikali nye. ⁵ Na mawa na ntina na mitema mabe na bango, alobi na ye :«Sembola loboko na yo.» Asemboli mpe Yesu abikisi yango. ⁶ Na lombango, bafalisayi babimi mpe basali likita elongo na baherodia mpe bayokani baboma ye. ⁷ Yesu na bayekoli na ye bakei pembeni na ebale, mpe ebele na batu bauti Galilai mpe Yudee, ⁸ mpe Yelusalema, bingumba ya Yude, ya Idumeya koleka Yordani mpe mboka nzinga-nzinga na Tir mpe Sidon; ebele ya bato bayei epai na Yesu wana eyokaki bango sango. ⁹ Alobi na bayekoli na ye babongisela ye ebiei, lokolabato bazalaki ebele. ¹⁰ Pamba te, ebele na bato na bokono balingaki kosimba ye loenge abikisaki ebele. ¹¹ Milimo na mbindo o tango emonaki ye, efukamaki mpe engangaki : «Yo oazali mwana na Nzambe.» ¹² Apameli bango mpo ayebana te. ¹³ Abuti na ngomba, abiangi baoyo alingi mpe bayaki na ye. ¹⁴ Aponi zomi na mibale, mpe abiangi bango bantoma. Na ntina ete atinda bango koteya, ¹⁵ na bokonzi ya kobengana milimo mabe. ¹⁶ Aponi zomi na mibale : Simona, oyo apesaki nkombo ya Petelo; ¹⁷ Jaki mwana na Zebede, Yoane ndeko na Jaki oyo apesi nkombo ya Boanegès, elakisi mwana na nkake; ¹⁸ mpe Andele, Filipo, Batelemi, Matai, Toma, Jaki mwana na Alfe, Tade, Simona Zelote, ¹⁹ mpe yuda Iscariote oyo akoteka ye. ²⁰ Sima na yango, bakendaki o ndako, mpe etuluku ya bato basanganaki lisusu kino bakokaki kolia biei ya bango te. ²¹ Tango libota eyoki yango, bayei koluka mpe bakanga ye. balobaki boye :«azangi mayele.» ²² Bakomi mibeko bauti Yelusalema balobi boye : «Azali na molimo ya Belzebulu. Mpe na nzela ya mokonzi ya milimo mabe nde azali kobengana milimo mabe.» ²³ Yesu abengi bango nzinga-nzinga na ye mpe alobi na bango na masese: «Ndenge nini Satana akoki kobengana Satana? ²⁴ Soko bokonzi ekabwani kati na yango moko, bokonzi wana ekoumela te. ²⁵ Soko ndako ekabwani kati na yango, ekoki kotelema te. ²⁶ Soko Satana atomboki kati naye moko, akabwani, akokoka kosala eloko te, akomi na suka. ²⁷ Pamba te , moto moko te akoki kokota na ndako na moto makasi mpe koyiba biloko na ye soko akangi ye singa mpe kozwa biloko na ndako. ²⁸ Solo nalobi na bino :«Masumu ya bato ekolimbisama mata kotuka; ²⁹ kasi kotuka molimo mosantu ekolimbisama te mpo ete moto wana amemi lisumu ezangi suka.» ³⁰ Yesu alobi boye mpo balobi na ye: «azali na milimo mbindo.» ³¹ Mama mpe bandeko na ye bazalaki libanda, mpe batindi moto kobenga ye. ³² Ebele na bato bazalaki nzinga-nzinga balobi na ye: «Mama mpe bandeko na yo bazali koluka yo libanda.» ³³ Yesu alobi na bango:«Nani mama mpe bandeko na ngai?» ³⁴ Atali baye bazalaki penepene na ye, alobi: «Tala!mama mpe bandeko na ngai. ³⁵ Oyo azali kosala mokano na Nzambe, azali ndeko mobali, mwasi mpe mama na ngai