¹ Tango tongo etani, bakonzi ya baganga nzambe banso na ba nkumu ya mboka basali likita po na koboma Yesu. ² Sima ya kotia ye singa, ba mokumbi o boso bua Poso Pilato, mokonzi ya engumba. ³ Tango Ydasi moteki na Yesu amoni ete bakateli yesu etumbu ya kufa, ayoki pasi o motema, azongisi misolo tuku misato epayi ya bakonzi ya banganga nzambe mpe ba nkumu. ⁴ Alobi: «Nsumuki zambi na sopi makila ya moto oyo asali mbeba te.» Bayebisi ye: « Ya biso nini? Etali yo.» ⁵ Yudasi abuaki misolo tuku misato na kati ya ndako mosanto pe amityaki singa o kingo. ⁶ Bakonzi ya bangnga nzambe balokoti misolo pe balobi: «Epekisami kotya misolo ya makila o kati ya sanduku ya makabo.» ⁷ Bayangani mpe basombi na misolo wana elanga ya mosali mbeki mpo na kokunda bapaya. ⁸ Kino lelo, elanga ena ebiangami «elanga ya makila» ⁹ Boye nde ekokisami oyo elobaki mosakoli Yelemia: «Bakamati misolo tuku misato nde ntalo oyo bana Isalayele bandimi.» ¹⁰ Epesamaki engebene motuya na elanga ya mosali mbeki ndenge mokonzi apesaki mitindo. ¹¹ Sik'oyo bamemi Yesu o boso bua moyangeli pe atuni ye: «Yo nde Mokonzi ya bayuda? Yesu ayanoli: «Olobi» ¹² Kasi tango banganga nzambe pe bankumu bafundaki ye,ayanoli te. ¹³ Bongo Pilato atuni ye: «Oyoki te ndenge bazali kofunda yo?» ¹⁴ Kasi ayanoli ata moke te. pe moyangeli akamwaki penza. ¹⁵ Lkola momeseno, moyangeli azalaki kobimisa mokangami moko na eyanga ya Pasika oyo baponi. ¹⁶ Natango wana, ezalaki na mokangami moko ayebanaki, nkombo na ye Balabasi ¹⁷ Tango basanganaki Pilato atuni: «Bolingi natika nani? Balaba to Yesu babengi Klisto?» ¹⁸ Ayebaki ete bakabi Yesu po na zuwa. ¹⁹ Efandaki ya ngbende ya bazuzi, mwasi na ye atindeli ye liloba: «Kosala moto wana mabe te, po natungisami mingi na butu ya lelo na ntina na ye.» ²⁰ Nganga nzambe mokonzi na bankumu bandimisi bato mpo basenga Balaba mpe baboma Yesu. ²¹ Moyangeli atuni bango: «Na bango mibale, bopni nani? Bazongisi Balaba» ²² Pilato atuni bango, nasala boni na Yesu oyo babengi Klisto? Bayanoli: «Baka ye o ekulusu.» ²³ Alobi: «Mbeba nini asali?» Kasi bagangaki lisusu makasi: «Baka ye o ekulusu.» ²⁴ Lokola Pilato alongi bango te, mpo babandaki kotomboka, azwi mayi, asukoli maboko liboso na bato, alobi: «Makila na ye na mutu na ngai te, bosala ndenge bolingi.» ²⁵ Bato banso balobi: «Makila ma ye ekwela biso mpe bana na biso» ²⁶ Mpe atikaki Balaba, kasi abetisaki Yesu fimbo mpe apesi ye abakama na ekulusu. ²⁷ Basoda ya moyangeli bakei na Yesu na esika ya kosamba, pe basangisaki kopani ya basoda. ²⁸ Balongoli ye bilamba mpe balatisi ye zambala ya motane ngwa. ²⁹ Batongi ekoti ya nzube mpe balatisi ye, bapesi ye lingenda na loboko ya mobali, kofukama mpe koseka ye. Bazali koloba: «Losako Mokonzi ya bayuda.» ³⁰ Babwakeli ye nsoi, babeti ye fimbo na mutu. ³¹ Sima ya koseka ye, balongoli ye kazaka, bazongisi bilamba na ye mpe bamemi ye mpo abakama na ekulusu. ³² Tango babimi, bakutani na Simoni ya Silene, bakumbisi ye ekulusu na makasi. ³³ Ekomi bango na Gologata, elingi koloba: « mokuwa ya moto» ³⁴ Bapesi ye masanga basangisa na mayi ya bololo, tango ameki, aboyi komela. ³⁵ Sima ya kobaka ye na ekulusu, bakaboli bilamba na ye mpe babeti yango mbese. ³⁶ Mpe bafandi kosenzela ye. ³⁷ Bakomaki ntina ya etumbu na likolo ya mutu boye: «Ezali Yesu, Mokonzi ya Bayuda.»