¹ Ngita ta kedika mu Klisito. kita guna ku, ye kansasa kimunu kita kuntela kimbangi mu Mpevi yi Nlongo, ² Nde wumunu muna kiadi kikingi ye ndunza kasimani mu ntima munu. ³ Kadi si yiyindamana kala wuzinguka ye gambana ye Klisito mu zola ku bampangi bamunu, bawu ba kanda dimunu dinitu bonsu nsuni. ⁴ Bena besi Isayeli. batambula kimuana, nkembu, tuwawanu, lukawu lu minsiku, nsambudulu yi Nzambi ye zinsilulu. ⁵ Ye bakulu bo Yesu katuka bonsu nsuni; yani wuna Nzambi ga zulu di bakulu, kasambulua kuani mu nkembu wu kawumani, Amen! ⁶ Kansi mana kamazoledi taku nde zinsilulu zi Nzambi zibua. kadi ka bakulu mu Isayeli ka bavuisikidi ku mu Isayeli. ⁷ Ka bakulu nkutu ku babutuka mu Abalayami bena kedika kibeni bana bayani, kansi<< yimu Isaki mu nkun'aku si bodulu.>> ⁸ Dizoledi ta, bana ba nsuni kabena bana ba Nzambi ku, kansi bawu bena bana ba nsilulu bawu bena basungimunu bonsu nkuna. ⁹ Kadi n'gogu bonsu n'gogu wu nsilulu:<< mu yo nsungi kuani, si ngisa ye muana mosi sika butuka ku Sala.>> ¹⁰ Ka buna kaka ku, kansi ku nima lebika yani diaka wuyaka muntu mosi, se dibetu; ¹¹ Kadi bana kabakala babutuka ku nteti ye kabakigangila nteti kima ku kimboti ata kimbi, mpasi nde lukanu lu Nzambi, bonsu nsodolu yilendedi kala; ka mudiambu di mavanga ku, kansi mu luzolu luyuna wubokilanga. ¹² Buntela:<< zulu nkulu si kasadila nleki.>> ¹³ Bukala bufueni bonsu busonama:<< yizola Yakobi ye yimenga Ezawu.>> ¹⁴ Nki tulendi goga buna? anga dina nzengolu disu kunsi lukaya yi Nzambi? bika dina kadisidi diaka ku. ¹⁵ Kadi wutela ku Mose:<< si yikala ku wonsu yuna si yikadila kiadi ku yuna si yizola.>> ¹⁶ Buna diaka, dina ka dina ku nsi kimpuanza kani ki yuna zoledi, kani kuyuna ta lemuka, mukuma ki Nzambi yu wufuilanga kiadi. ¹⁷ Kansi sonu kitedi ku Falawoni:<< imukuma kilukanulo lukingenga luna yiku zangudila mpasi nde lulendu lumunu lumonika mu benu ye mpasi nkumbu munu yi samunua ga ntotu wakulu.>> ¹⁸ Buna diaka, Nzambi wumonanga kiadi ku yuna kazoledi ye wubadisanga yuna yu kazoledi. ¹⁹ Si wu ntela landila bufueni:<< munki diambu kata landidila mu sengumuna bifu bibetu? nani nkumbu mosi wusiandama mu luzolu luyani?>> ²⁰ Ka buna ku, muntu, wuna mu nuanisa Nzambi? kio kibumbuka si kita ku mbumbi:<< munki diambu wungangila buna?>> ²¹ Mbumbi binzu kabina ye luve ku mutuma mu gangila diawu lubumbu lunsadulu kingenga ye lubumbu lumosi lu nsadulu lumbu ki? ²² Nti tufueti ta buna go Nambi yu zoledi songa nganzi ye ganga lulendu luyani, wutoma siamina ye nsiamunu yimbidi, tubumbu tunganzi tubumbuka mudiambu dikufuasuka? ²³ Nki tulendedi goga go wuganga mo muini mpasi yani lendedi tuzayiza kimvuama ki nkembu ga ntandu tubumbu tu kiadi kiyani, tukakikubikila tekila mudiambu di nkembu yani? ²⁴ Nkituta goga yani diaka wu ganga mo muini mudiambu dibetu,bungangi yani diaka ka mina nsoki ku mu kati ki Banyudayo, kansi diaka mu kati ki Mimpani? ²⁵ Bonsu bukatedi diaka mu Hoseya:<< si yibokila nkangu munu bungangi bawu kabakala nkangu munu ku, ye nzodi yani yukakala ku nzodi yani. ²⁶ Yibuna sibukala mufulu kina bawu bantela: kaluna nkangu munu ku, kuna, bawu sibabokulua bana ba Nzambi moyu.>> ²⁷ Yesaya wutadila mukuma kibana ba Isayeli:<< go ntalu yibana ba Isayeli yikala bonsu niengi yimbu, nga gena ye nsadidila yisi yikala yi vulusa. ²⁸ Kadi Nzambi si kasadila n'gogu yani ga ntotu bungangi ye mu mpila yi lunga. ²⁹ Ye bonsu Yesaya wuta buawu tekila:<< go Nzambi sabayoti ka yambudi ku nkuna yani kunima mudiambu dibetu, nga tukuma bonsu Sodoma ye nga tufueti kala bafuanana ye Ngomoli.>> ³⁰ Nki tulendedi goga buna? nde bampani bo kabosedingi ku lunungu, batambula lunungu, lunungu mu lukuikulu. ³¹ Kansi Isayeli wusosedingi nsiku wu lunungu, kansi kalenda woku. ³² Munki diambu nkatu? kadi kasosedingi wo mu lukuikulu ku, kansi mu mavanga. bawu bakikula mu tadi di mbuisilu. ³³ Bonsu bukala busonama:<< lumueni, yitudidi ku sioni tadi di mbuisulu ye tadi di nduanusu. yonsu yu si wubuila mu diawu kalendi muesa nsoni ku.>>