¹ Kunkatu diaka nzengolu ku bawu bena mu Kisito Yesu. ² Kadi ntadulu luzingu lu Mpevi mu Klisito Yesu lunkula mu ntadulu masumu ye mulufua. ³ Mudiambu dina, mio nsiku kakadila ngolu mu ganga mukuma kilebakana mu nsuni, Nzambi wulungisa miawu. wufidisa muana yani mosi munsuni wumosi ku wumasumu mukala ntambukulu wu masumu, ye wuzengila masumu munsuni. ⁴ Yani wuganga buna mpasi luketekesu lunsiku tulungusua mubetu, betu tutadiata kabonsu buna nsuni ku, kansi bonsu buna Mpevi. ⁵ Bawu bazinganga bonsu buna nsuni bayangalalanga kubima binsuni, kansi bawu bazinganga bonsu Mpevi bayangalalanga mu bima bi Mpevi. ⁶ Kadi kukiyekula ga ntandu nsuni buna bunalufua, kansi kukiyekula mu Mpevi buna buna luzingu ye ngemba. ⁷ Kadi kukiyekula ga ntandu nsuni buna nkakumusu ku Nzambi, kadi ka kutumamananga ku kunsiku mi Nzambi ye kabulendi nkutu lendakana ku. ⁸ Bawu bena mu nsuni ka balendi yangidika Nzambi ku. ⁹ Buna kansi,kaluna ku munsuni, kansi mu Mpevi, go makedika nde Mpevi Nzambi yita zinga mubenu. kansi go muntu kondolu Mpevi yi Klisito, kayisukidi kuyani ku. ¹⁰ Go Klisito wuna mu benu, nitu yifuidi mudiambu dimasumu, kansi Mpevi yita zinga mudiambu di lunungu. Go Mpevi yi wulukisa Yesu mu bafua yita zinga mu nitu zibenu, yu wufulukisa Klisito mu bafua sikagana diaka lusingu mu nitu zibenu zimfuilu, mulandila yi Mpevi yiyani, yita zinga mu benu. ¹² Buna diaka, bampangi, tuna basiwa, kansi kamu nsuni ku mpasi tuzinga bonsu nsuni. ¹³ Kadi go luta zinga bonsu nsuni, silufua, kansi go mu Mpevi luta gonda mavanga manitu, luta zinga. ¹⁴ Kadi bonsu bambidi batuadusuanga ku Mpevi Nzambi, bana bena bana ba Nzambi. ¹⁵ Mubenu, kalutambula diaka ku Mpevi yimosi yikinanga ye yibonga. ngatu nkutu, lutambula Mpevi mosi yi nsasukulu, muyawu tubokanga:<< Abba, tata!>> ¹⁶ Mpevi yawu kibeni yitanga kimbangi ye Mpevi betu nde tuna bana ba Nzambi. ¹⁷ Go tuna bana, tuna diaka mimvingidi milufua, mimvingidi milufua lu Nzambi. ye mu kimvuka ye Klisito, go kumosi tuta mona mpasi ye yani, mpasi tukala bakembusu ye yani. ¹⁸ Kadi nzoledi bo nde mampasi mantangu yoyo tuna kamalendi suasusa ku kukembu wusiwusengumuka. ¹⁹ Kadi nsemono yivingilanga ye mvibudulu yi lebakana nsemokono zibana ba Nzambi. ²⁰ Kadi nsemono yikala yitumamana ku kimvuni, ka muluzolu luyani ku, kansi muluzolu luyuna wutumina lo. yina nsilulu mosi yikindesi ye yizolakana. ²¹ Bika nsemono yawu kibeni yikala yikanguka mu kinanga ki nima koku, ye siyikala yikanguka mu nkembu wubana ba Nzambi. ²² Kadi tuzeyi nde nsemono yina yimvimba yita yawula ye yina musalu mu kimvuka mu mampasi ti ye bungangi. ²³ Kansi kamana kaka ku, kansi diaka betu kibeni batuna banteti mbuma yi Mpevi betu bufuanakeni tuta yawula mukati kibetu kibeni, mu mvingudulu kimuana, mvutudulu yi nitu yibetu. ²⁴ Kansi tukala bavulusua mu vuvu kina. kansi mu kiawu tutasa kivuvu katuvuidi kiawu muna nteti ku, kadi nani wusanga vuvu mu kika mueni kala? ²⁵ Kansi go tusanga vuvu mu ki katumueneti kala ku, tuvingilanga kio ye mvibudulu. ²⁶ Kumosi, Mpevi yitusadisanga diaka mu ndebakani zibetu. kadi katuzeyi ku bue tufeti sambila, kansi Mpevi yawu kibeni yitudilanga mvutu mu ngumununu zika tulendi samuna ku. ²⁷ Yonsu wumekanga mintima zeyi mayindu ma Mpevi, kadi wudilanga mvutu mu mamboti ma bakuikilanga bonsu luzolu lu Nzambi. ²⁸ Tuzeyi mudiambu, nde Nzambi wuganganga bima biakulu mu mamboti mabawu bana bazolanga ye bawu babokulua bonsu lukanu luyani.[ minkaka masonukua ma nkulu migoganga:<< bima biakulu biganganga kimvuka mudiambu dimboti.>>] ²⁹ Kadi bawu banzaya tekila, wu babikudila mukala bafuanaku kifuani ki muana yani, mpasi nde yani kakala wubutuka ga kati ki bampangi bambidi. ³⁰ Bakakibikudila bawu diaka bo nde yani kabokila. bo kabokila, wuba nungisa diaka. bo kanungisa, wubasila nkembosu. ³¹ Nki tulendedi goga buna mukuma ki bio bima? go Nzambi wuna yetu, nani sikakala mulukatikusu ku betu? ³² Yani yu kagambasa ku muana yani wukedika, kansi wungana mu mamboti mu betukulu, bueyi kaka lendi ku yani mu ngemba yakulu bima biakulu ye yani? ³³ Nani si wufunda basolua ba Nzambi? yani Nzambi wunungisanga. ³⁴ Nani yuna yulendedi fundisa? Klisito yuna yu wufua mudiambu dibetu, ye yo, bulutidi mfunu kibeni, wufutumunua. wuta yala ye Nzambi mu nkadulu yi luzitu, ye wuna yu wuta tudila mvutu. ³⁵ Nani si wutugambula muzola ku Klisito? mvualangani ata kiadi, ata nzomono, ata nzala, ata kinkonga, ata kigonza ata sabala? ³⁶ Bufueni bonsu busonama:<< mukuma kingeyi tutuluka mu lufua mu lumbu kimvimba. betu tukala monika bonsu mamemi matukidingi ku mafueti gondila.>> ³⁷ Mu mambu mo makulu, tuna bulutidi nkutu minungi muyo yutuzola. ³⁸ Kadi ngina wununguka nde kani lufua, kani luzingu, kani bambasi, kani tuyalu, kani bima bina bungangi, kani bikuisa, kani tulendu, ³⁹ Kani zindimuka, kani mazieta, kani kima kinkaka kisemua, si kikala kifuana mu kutugambula ye Nzambi, wumonika mu Yesu Klisito Mfumu betu.