¹ Bampangi, luzolu lu mbundu munu ye lusambulu lumunu ku Nzambi mu bawu, mpasi bawu baguluka. ² Kadi ngita ta kimbangi mukuma ki bawu mu luzindalalu bena ye lo mukuma ki Nzambi, kansi ka bonsu nzayilu ku. ³ Beta konda zaya mfundusu yi Nzambi ye beta meka tula mfundusu yibawu kabatumamana ku kumfundusu yi Nzambi. ⁴ Kadi Yesu yindungusulu minsiku mu senda yonsu yonsu wukuikila. ⁵ Mu dio diambu, Mose wusonika mukuma ki mfundusu yo yitukidi mu nsiku:<< yonsu wuganganga mfundusu minsiku zi kazinga mu minsiku mina.>> ⁶ Kansi mfundusu yitukidi mu lukuikulu yitedi bu:<< kute ku kumbundu'aku: // nani si wenda ku zulu? ( buna wuta kulumuna ku Yesu.) ⁷ Ye kute ku nani si wukulumuka kubulu di lufua? ( buna yikulumuna Yesu mukati ki bafua.) ⁸ Kansi bue katedi? << n'gogu wuna ga mbela ngeyi, mu nuaku ye mu mbundu'aku.>> bonsu buna n'gogu wu lukuikulu lutugoganga. ⁹ Kadi go wuta funguna mu nuaku nde Yesu yi Mfumu, ye go wuta kuikila mu mbundu'aku nde Nzambi wumfulukisa mu bafua, si wuguluka. ¹⁰ Kadi mu mbundu muna muntu kakuikidilanga mfundusu, ye mu nua kafungununanga mukuma ki mpulusu. ¹¹ Kadi busonama:<< konsu konsu wukuikila mu yani si kafuisa nsoni.>> ¹² Ka gena nkutu disuasani ku ga kati ki Nyudayo ye Ngeleki. yani mosi Mfumu wuna Mfumu mu bakulu ye wuna mvuama ku bawu bakumbokilanga. ¹³ Kadi wonsu wubokilanga nkumbu Mfumu si kaguluka. ¹⁴ Bueyi buna lendedi kumbokila, yu muyo wukonda kuikila? ye bueyi lulendi kuikila benu mu yani, yo benu ka luwa ku balugogila? ye bue si bawila go ga nkatu muntu yu longa? ¹⁵ Ye bue balendedi longa go kabena batumua ku? bonsu buna busonama:<< mena mamboti malu mabawu basamunanga nsamu wumboti.>> ¹⁶ Kansi bakulu kaba nua ku nsamu wumboti.kadi Yesaya tedi:<< Mfumu, nani kuikidi minsamu mibetu?>> ¹⁷ Buna lukuikulu lutukanga mu mo tuwanga mu n'gogu mi Yesu Klisito. Kansi ntedi:<< ka bawidi ku?>> inga, makedika kibeni! << ningu di ndingawu yubokedi mu ntotu wakulu ye min'gogu miawu nate ye nsuka zi nza.>> Bulutidi mboti, ntedi:<< Isayeli, kazaya ku?>> mu nteti nteti, Mose tedi:<< si yi sonika kimpala kibenu mubawu kabena ku nkangu yu nsi Mosi. mu nlemvu wu nsi mosi yikondedi ngangu, si yibangumunina nganzi zibenu.>> ²⁰ Ye Yesaya wuna ye bunkabu bumbidi ye tedi:<< yi kimonikisa ku bawu bo kaba nsosa ku. yi kimonikisa ku bawu kaba mbokila ku.>> ²¹ Kansi butadila Isayeli tedi:<< yi yalumuna moku mamunu lumbu kiakulu ku nkangu wumosi wukondua kutumona ye nkolami.>>